Joon 4:29 - ŊWÀʼ NYÙY

²⁹ «Vèn ku wìy, e yèn wír wo wù toʼtin vinyo ve mò‑oò rə́si yii vidzə̀m. A tàm bo dzə̀ Mfə̀ə́r wo Nyùy‑iì kàʼàn.»

Joon 4:29 Referans Kwoze

Ŋgaà Yen 22:17

Kiyoy ke Nyùy wùn jìn wun woo Jesus nèn sàyín jii, «Ku wìy wìyìn.» Wìr dzə̀m wo wù yú kinyo kìn kú a binsí sa jii, «Ku wìy wìyìn.» Kí nén a dzə jii, wír ve á yúm kilòŋ adzə̀me ku wìy, e nò mendzə́v me mè fó dzəʼə̀m yee là may. Wìr wo wù koŋ fó no e dzə̀m, kù yíi a no kisáŋ.

Joon 4:25

Wiíy və̀y lò, e sùúy jii, «M kù yòʼ kì ji *Mfə̀ə́r wo Nyùy‑iì kàʼàn, wo á yoŋ ji Kristu wíy wìy, é wù naari ver vinyo vidzə̀m.»

Joon 7:31

Yii bèy, a wír ámóʼó kù yòʼ wáy shilív e Jesus wùn anín, suuy ji Mfə̀ə́r sà wíy wìy, é wù yii vinyo ve ví din vitaáví vé Nyùy, e shaà ve wìr və̀n yii a.

Joon 7:26

a wù súŋnin e wírí si tèéter, la wìr yòʼ a ghay a kinyo. A tàm ghan símóʼ sí, bo vé wòŋe sí yén ji dzə̀ rú Mfə̀ə́r wo Nyùy‑iì kàʼàn.

Matio 12:23

Màŋgòŋ wo wù‑uù dzəə̀n fó yén, a ker gháʼ, a ghaynín jii, wìr və̀n sà dzə̀ rú Wan Fòn Davir wo vé‑eè shiyì a?

Joon 4:28

Wiíy və̀y yiì lò, e màʼtì mbǐʼ mendzə̀v fó, e kfə̀n é mvə̀mlaʼ, a bi wíri jii,

Joon 4:30

Wíri nèn a lòkìr, a wìy ji á yén á Jesus.

Joon 4:39

Mo wiíy və̀y fìʼtìn é mvə̀mlaʼ mo Jesus toʼtin vinyo ve wù‑uù rə́si yii vidzə̀m, wír veé Samaria foo fèyi nèn wày shilív e Jesus wùn anín.

1 Samuel 9:19

Samuel bìnèr jii, «Dzə̀ mo ŋgaà si woo shooy. Á koʼ shùy e kirə̀ʼ ké cù. À yíi yikír wòsò lán. M bvəə́shi, é bóo maʼti wò, áà wáa dù. M lóo màʼtì, é m suúy vinyo vidzə̀m ve ví gháʼ ven.