Joon 4:26 - ŊWÀʼ NYÙY

²⁶ Jesus nèn sùúy sho jii, «Dzə̀ mo woo shó və̀n, mo wo m súŋnin e wò.»

Joon 4:26 Referans Kwoze

Joon 8:24

Mo m kì suuyin ne e vèn ji vèn wíy kpukír vèn à njò yen, a vèn dzə̀ là fó biimé jii, ‹Dzə̀ mo wo dzəə̀n mo›, bo vèn kù wíy kpu vèn à njò yen.»

Ŋwàʼ Luk 13:30

Vèn wáa kiíy jii, wír ámóʼó ve á dzəə̀n lèn ji vé bàmé wíy a dzə vé mbìyi, aámóʼó ve á dzəə̀n lèn ji vé mbìyi kfə́n ji vé bàmé.»

Matio 20:15

A dzə̀ m yiì kinyo ke m koŋ yiì e mbàm sém sí. À rə̀sí, a ŋeèy bèn ji bìʼ fo m shám wír ámóʼó ji ka?› »

Matio 16:20

Jesus suúy bey, e nèn kàntì wón və́ lìm jii, «Vèn wáa yen fó wìy suúy e wìr ji m dzə̀ Mfə̀ə́r.»

Joon 8:28

Jesus nèn kfə̀n sùúy aáwune jii, «Vèn wíy koʼór ŋgaà wo yírí dzəə̀n *Wanwìr və̀n e kici, é vèn nèn kìíy jii, ‹Dzə̀ mo wo dzəə̀n mo›, e kfə̀n kiíy ji bó m yòʼ yii vinyo a dzə̀ á fo mǒ vitaaví. M suuy vinyo a dzə̀ ve Tàr wor‑iì dìnèn e mò.

Joon 13:19

M nén a suúy kinyo kìn e vèn lèn bèn, é bo kí yiì a koóy. Kí yií kooyì, é vèn fiʼ biìmé ji dzə̀ rú mo wo dzəə̀n mo.