Joon 4:25 - ŊWÀʼ NYÙY

²⁵ Wiíy və̀y lò, e sùúy jii, «M kù yòʼ kì ji *Mfə̀ə́r wo Nyùy‑iì kàʼàn, wo á yoŋ ji Kristu wíy wìy, é wù naari ver vinyo vidzə̀m.»

Joon 4:25 Referans Kwoze

Joon 1:49

Nataniar nèn yòŋ ji «Ŋgaà Yèʼey, à dzə̀ rú Wan Nyùy. À dzə̀ Fon woó Isray.»

Joon 4:42

a suúy e wiíy və̀y jii, «Vèr wày shilív e Jesus wùn lèn a dzə̀ bìʼ fo vèr yuun ne kinyo kfə́ e vituʼùr vér ví, bó yòʼ dzə̀ə́ bìʼ kinyo ke à kì fèrìn e vèr cáʼcáʼ. Vèr kìíy ne lèn kijuŋ ji wìr və̀n dzə̀ wo wù wíy lùŋèr kitú ke nsay kidzə̀m.»

Joon 4:29

«Vèn ku wìy, e yèn wír wo wù toʼtin vinyo ve mò‑oò rə́si yii vidzə̀m. A tàm bo dzə̀ Mfə̀ə́r wo Nyùy‑iì kàʼàn.»

Joon 4:39

Mo wiíy və̀y fìʼtìn é mvə̀mlaʼ mo Jesus toʼtin vinyo ve wù‑uù rə́si yii vidzə̀m, wír veé Samaria foo fèyi nèn wày shilív e Jesus wùn anín.

Matio 27:17

Wíri yiì bàʼtí, Payler dzə́r jii, «Vèn taʼ ji m fəə́r a dzə̀ la lán fo sháŋ, e fò e vèn? M fəə́r Barabar mo m fəə́r a dzə̀ Jesus wo á yoŋ ji Kristu a?»

Matio 27:22

Wù dzə́r jii, «M yée le lèn e Jesus və̀n wo á yoŋ ji Kristu?» Áwune nèn sùúy shuu mòʼón jii, «Á tá é kintam.»

Ŋwàʼ Luk 2:11

Á dzə̀ə́ ne wán e Fòn Davir ntèʼ é kishiíy ké lán ki, a wù wíy lùŋèr ven, bìʼ fo dzəə̀n *Mfə̀ə́r wo Nyùy‑iì kàʼàn, a dzə̀ wun Taà Ndzə.