Joon 4:24 - ŊWÀʼ NYÙY

²⁴ Nyùy dzə̀ Kiyoy, a wír ve á bunrì wune kér fó a yu a dzə̀ fo Kiyoy ke Nyùy ki, e bó a bùnrì wun e dzəə yee rú.»

Joon 4:24 Referans Kwoze

2 Korin 3:17

Dzə̀ Tàr wòsən və̀n wo Kiyoy ke Ranén kí dzəə̀n e wùn kiwo, a wìr wo wù sí yú fo Kiyòy ke Kristu kìn bòy ne fo nsər ye dzə̀ yì kùr wír kúrín.

Filipi 3:3

Dzə̀ vèsən vin ve Nyùy naŋsin ne rú ji wír və́. Vèsən ghvə́m wun woo Nyùy, a bánri Kiyoy kfə́ vèsən. A vèsən sumrì wún bìʼ fo á dzəə̀n wír Jesus Kristu, a bó vèsən yòʼ wáy vifií é vinyò ve á yii ji bìʼ liì wòŋ gheéy.

Nsùyrì Nyùy 51:17

Éè Nyùy, cu ye yí gheen wòo kù dzə̀ shilív she shí diyì, tóŋ e wò. Bó à yòʼ yíi ŋwáy wír wo wù sov kitú bìʼ kinyo ke wù jayin, a toŋ e wò.

Aysaya 57:15

Wun woo Taà Vitu, wo viwìr və́ ví yòʼ kér mfìʼ, a wù kù dzə̀ shó ghán sidzə̀m, e dù, e jòʼsì, a yír rəə́ dzə̀ Ŋgaà wo Ranén, wù suuy jii, «M kù yii dzə́ kém é ntoò yùv, e mǒ kirə̀ʼ ke ranén kí, a m kfə̀n dzə́ sa vèr à wír ve á diy bìʼ ajay vév, néŋ e mǒ sii. M yiì bèy ji áwune fíʼ a ker fo á tiir vifií.

1 Samuel 16:7

Nyùy Tàr suúy e Samuel jii, «Lá à yòʼ a leéy wun a dzə̀ fó si, kìn fó vidà, m kìnèn woo shoon. M yòʼ yii leey wír a dzə̀ mo wíri leeyì. Wìr lo, wù wàa leéy wír a dzə̀ fó si, a m leey kém a dzə̀ fó shiliv.»

1 Timoti 1:17

Á kú a kwa Nyùy wo dzəə̀n Fon wo wù sáʼ ghán sidzə̀m, Nyùy, wo bó yòʼ dzə̀ wù kpù, a bó yòʼ dzə̀ wìr yèn sí rə́. Kù jòʼsì wun wo dzəə̀n rú Nyùy. Á kú a wùʼsì yír rə́ viyá viyá là may. Amen.

Nsùyrì Nyùy 66:18

A dzə̀ ji mò‑oò lìtì vinyo vém ve bi ví lítin, bo Nyùy Tàr yòʼ‑oò lo yù tóŋ yém.

2 Korin 1:12

A dzə̀ mo vèr à wíri yii dzə́, m wàa tuy shwín, a suúy feyì fo shiliv jii, m kù yii yii kinyo e wìr, a dzə̀ ke m yú fo Nyùy, bo taaka e vèn, e làa yòʼ a bìnbìn. A bó yòʼ dzə̀ m wàa yiì kinyo, a dzə̀ ke yii kwaʼtì wír. M kù yii kinyo kidzə̀m, a dzə̀ ke Nyùy din e mò, sə́ mo, a m yii.

Nsùyrì Nyùy 50:23

Cu ye m kòŋèné dzə̀ ji wìr beeri mo, a sì ghvə́m ye ruú. A wìr ghán e mǒ mbòv, bo m kù yíi dìn ŋgaàŋ mo mo woo Nyùy yii luŋèr wíri.»

Nsùyrì Nyùy 145:18

Nyùy Tàr dzə̀ kibáʼtín fóo sə wír ve á mbaa wun. Wír feyì ve á mbaa wun shilív shimòʼón.

Joon 4:23

Yii bèy, ghán se wíri wíy a bùnrì Nyùy e dzəə yee réŋ virə́ʼ vidzə̀m si sí wiyì, a sí sì é kiwo. Aáwune wíy a yu a dzə̀ fo Kiyoy ke Nyùy ki, e bó a bùnrì Nyùy e dzəə yee rú. Á mo Nyùy koŋ ji wíri wáa bùnrì wun.