Joon 4:23 - ŊWÀʼ NYÙY

²³ Yii bèy, ghán se wíri wíy a bùnrì Nyùy e dzəə yee réŋ virə́ʼ vidzə̀m si sí wiyì, a sí sì é kiwo. Aáwune wíy a yu a dzə̀ fo Kiyoy ke Nyùy ki, e bó a bùnrì Nyùy e dzəə yee rú. Á mo Nyùy koŋ ji wíri wáa bùnrì wun.

Joon 4:23 Referans Kwoze

Filipi 3:3

Dzə̀ vèsən vin ve Nyùy naŋsin ne rú ji wír və́. Vèsən ghvə́m wun woo Nyùy, a bánri Kiyoy kfə́ vèsən. A vèsən sumrì wún bìʼ fo á dzəə̀n wír Jesus Kristu, a bó vèsən yòʼ wáy vifií é vinyò ve á yii ji bìʼ liì wòŋ gheéy.

Joon 5:25

Vèn kfə́n a kiíy rú jii, ghán sí wíy gheén, a sí sì é kiwo, é wír ve á kpukin nee yú mo jì Wàn Nyùy yoŋ áwune, é wír ve á yuun adzə̀me luŋ.

Galatia 4:6

Mo wù liìn vèsən ji wón və́, e nèn tùm Kiyoy ke Wan və və̀n, kí wíy, e nə̀ə́ e vèsə́n meliv, a yiì, vèsən wáa yòŋrì Nyùy ji Tàr, Tàr.

Ŋwàʼ woó Rom 8:26

Kiyoy ke Nyùy ki nen kfə̀n a sə vèsən, á wáa bùnrì Nyùy, a kiíy kinyo ke dzə̀ á sùúy. A bó yòʼ dzə̀ vèsən kìíy fo vèsə́n vifii, bìʼ fo melív mèsən mè yòʼ kiìn kinyo ke Nyùy koŋ kijuŋ. Kiyoy ke Nyùy ki lo, kí nèn lì kirə́ʼ késən, a toŋ fo Nyùy, a fèr kinyo ke kí dzəə̀n e vèsə́n meliv e dzəə ye bó yòʼ jòʼsì wír, wù kìíy móo fèr.

Joon 12:23

Jesus suúy aáwune jii, «Á lèn wo Nyùy sí yiì bùʼ ŋgaà wo yírí dzəə̀n *Wanwìr e vikuʼùy ve ghaʼán ví.

Efesor 6:18

Kidzə̀m ki nén a dzə ji vèn kú a lon kén a dzə̀ fo Nyùy ghán sidzə̀m. Vèn lóo bùnrì, lóo lon kinyo ke kí gháʼ ven, vèn kù a yu a dzə̀ fo Kiyoy ke Ranén kí, é kí wáa naàrì ven. Vèn ku nèn a bùnrì ghán sidzə̀m là dór, a lon fo afə́r vén ámóʼó ve dzəə̀n sá wír Nyùyi.

Joon 4:21

Jesus yòŋ jii, «Yaà, yuúrí kinyo ke m suuy ki. Ghán sí sí gheenè se bó á yòʼ dzəə́ wìy a nyàʼ fo dzə̀ á wáa bùnrì Nyùy, kìn dzə̀ é gwan fèn, kìn dzə̀ é Jerusalem.

Joon 1:17

Kinyo ke vé‑eè jumrì fo mbìy ki kù mày nsər se Nyùy‑iì foon e Mooser. Jesus Kristu nèn wìy kfə́, a kòŋ wíri, e yiì, á kiíy rúrú mo Nyùy dzəə̀n.

Aysaya 29:13

Nyùy Tàr woo Tàr wor suuy jii, «Wír vìne wiy ji á cu mo, a kù dzə̀ fó shuù, áwune ghvə́m mo a dzə̀ e shúu. Yii bèy, a melív mev mè dzə̀ a dzə̀ fó səné. Áwune cu mo kisáŋ, bìʼ fo á jumrì nsər a dzə̀ se bomen wír, a yeʼéy.

Aysaya 58:2

Áwune lo kév, á kù a meenín e mǒ si mo kishiíy kí dzəə̀n, a laàrì sí ji á koŋ, e yeʼéy vinyo ve m taʼ ji á wáa yiì. Á yii, kù moo ji dzə̀ wír ve á yúnin mo, a bó á yòʼ ŋwáy sáʼ Nyùy wov. Á lón mo ji m ku fò á áwune sáʼ yee là kiloʼ, koŋ feyì ji bo á kì kóʼti e mǒ mentsə̀m.

Aysaya 43:21

Dzə̀ wír ve mò‑oò bomen ji vém féyì, e lèm ji á wáa fìʼtì vinyo ve m yii, aá suyri mo fó fo.»

Ŋwàʼ woó Rom 8:15

Nyùy yòʼ‑oò lo fò ven shilív a dzə̀ shé kwàn ji á wáa fàn wun fánen. Wù‑uù fò ven shilív, a dzə̀ shé won. Vèsən nén a yòŋrì Nyùy woo Tàr wòsən yóŋrin ji Taàtá, Taàtá.

Joshua 24:14

Joshua nèn sùúy lèn jii, vèn wáa ghvəm a dzə̀ Nyùy Tàr, a cù wun rúrú, e kfə̀n a tiy tìítiy e wun kinyò. Vèn maʼti anyùy ve atàr véné‑eè cu e Mesopotamia, à ve vé‑eè cu e Ejivi. Vèn kú a cù a dzə̀ Nyùy Tàr.

1 Pita 2:9

Yii bèy, fo kén kí, vèn dzə̀ kén rám, a shòʼ Nyùy ven. A vèn dzə̀ atàá cù, lim a dzə̀ fo wun woo Fon. Wù‑uù nàŋsín ven ji kitúm kee jeéy kí, vèn wáa dzə və́ vee wír ji vèn wáa fìʼtì vijuŋ ve vinyò ve wù rə́si yii e vèn, ven ve wù‑uù fəərin fó ndzə vitsə̀ʼ, e wày e wùn mvə̀m ran ye ghaʼáné.

Nsùyrì Nyùy 51:6

Rúrú, à kér ké shií é suuyrú wo wù lo a dzə̀ fó shiliv. Ku yèʼéy mo vifií vé, é ví nəə́ e mǒ kwàʼtì.

Nsùyrì Nyùy 17:1

Éè Nyùy Tàr, yú kinyo ke m tóŋ ji à tínén é nsànloŋ ki, Ku yù tóŋ yémé, yú bunrì ye m yii là kiloʼo.

1 Samuel 12:24

Vèn kú a fàn a dzə̀ Nyùy Tàr, a lim fo wun kijuujùŋ vèn à shilív shén shí shidzə̀m. Vèn kuúmé vinyo ve ghaʼtín ví ve wù yiìn e vèn.

Joon 16:32

Vèn wáa kiíy jii, ghán sí yíi gheén, a sí sì é kiwo, é vèn táʼrí adzə̀m, e kfə̀n e věn melaʼ, e màʼtì mo vèr mòʼón. Yii bèy, a bó m yòʼ yii dzə́ vèr mòʼón, kù yii dzə́ vèr Tàr wor.

Jeremia 4:2

Wìr lóo kàʼ kinyo, lóo kàn yír yém, mo woo Nyùy Tàr, wù kù a suúy a dzə̀ suuyrú, a yiì vinyo vee réŋ, là kiloʼ. Á bèy, é vitúm vidzə̀m vi nèn a wìy, a yen mo, é m wáa səə̀vì áwune, aáwune nèn a tuy shwín ji m dzə̀ á wóov.»

Jeremia 3:10

Vinyo vìn vidzə̀m vi‑iì kòóy ben, la wìr kisaŋ woo Juda wo dzəə̀n jemèr Isray yòʼ kfə̀n é bàm, e yèn mo shilív sə́ shidzə̀m. Wù ku kfə̀n a dzə̀ e kiloʼ ki. Suuy mo woo Nyùy Tàr.»

Ŋgàn 15:8

Wír ve á méŋ Nyùy Tàrí lóo cù wun, wù tèn cu yév. Wír ve á tíy réŋ e Nyùy kinyòo lóo bùnrì, Nyùy wàa yu vijuŋ.

1 Wòŋ 29:17

Nyùy wom, m kì ji à yii tar melív me wíri, yén she shí tíy tìítiy, à wàa yu vijuŋ. M fò vifá vìn e wò là kiloʼ, a m fò vèr à shilív she juŋ shi. M kfə̀n yèn sá mo wír vé ve á baʼtin fene fó vifá e wò e shilív she juŋ shi, shéʼri.

Ŋwàʼ woó Rom 1:9

M suuy bèn, a Nyùy wo m foon kitú kém shó, a fìʼtì sáʼka və wo juŋ woo kùm Wán və kì ji m suuy a rú. M yii lóo bùnrì ghán sidzə̀m, m kù a kuumé ven,

Nsùyrì Nyùy 147:11

Wù yii yú vijuŋ a dzə̀ vé wìr ve á ghvə́m wun, leey a dzə̀ áwune ve á koŋ wír və́, tíy wùn áwune.

Esiker 22:30

M nə̀ə́ ne e wír vémé mvəm ji sà dzə̀ m yèn wír wo dzə̀ wù tìím fo káy wìr vémé gbuùn, e siìr suuyrú fó, é la m yòʼ dzəə laàr áwune á. M leéy bey, e làa yòʼ yen wír.

Yòv Viŋgér 2:14

Ŋkar yem tìm, à làynìn ne fo mǒ si, à làynìn moo kibìŋ ke kí dzəə̀n é nsàn kilan, e làynìn moo kibìŋ ke kí nəən é mbvə̀ʼ. Ku yiì, é m yén wò. Ku sùŋnín, é m yú. Ji yè nyòm e ŋàŋ, aà kfə̀n tókir bèn kijuŋ.

Nsùyrì Nyùy 32:2

Bòŋ ké wìr wo bó Nyùy yòʼ kív njò se wù jáyí, wír, a bó wù yòʼ litì kinyo e shiliv.

Aysaya 10:20

Wíy lòo dzə e kishiíy fó, é la kibér ke wìr veé Isray ki yòʼ dzə́ə a yeʼtí a dzə̀ e Assiriya wùn. Dzə̀ kitúm ke kí‑iì loòn, e tòn áwune tónen. Áwune vee rám Jakov ve á bòyìné kù wíy a yeʼtí lèn a dzə̀ e Nyùy Tàr woo Ŋgaà wo Ranén woó Isray wùn, là moonìn.

Joon 5:28

«Lá vèn yòʼ a ker gháʼ e kinyò fèn. Vèn kú a kiíy rú ji ghán sí wíy gheén, é wír ve vé‑eè kpukin ne adzə̀me yú jí Wàn Nyùy, e fəə̀kír fo sày,

Joon 16:2

Á wíy siíy, a jùm jùm ven fó vintatì veé ŋgày se bùnrì. Ghán sí sí gheenè, wìr wíy yuyrí wír fo vèn, é wù wáa kwàʼ ji wun yiì a dzə̀ lim ye juŋe fo Nyùy.