Joon 4:22 - ŊWÀʼ NYÙY

²² Vèn bunrì kén Nyùy lèn, a bó á yòʼ kiiy kinyo ke á yii. A ver vee wír veé Judàa bunrì kér, aá kì, bìʼ fo Nyùy shoʼon ver, á wáa dìn mo wù wíy lùŋèr wíri.

Joon 4:22 Referans Kwoze

Lim Aŋgàa Ntum 17:23

Mò‑oo lóo ghan e věn ntèʼ, a leéy virə́ʼ vén vé cù, e dù, e mèé fomóʼó, e yèn, aá sáŋ fó jii, ‹Kirə́ʼ ké nyùy wo bó á yòʼ kiìn.› Nyùy wo vèn sí ghvə́m, a bó á yòʼ kì və̀n, dzə̀ woo shó wo m suuy e vèn lèn.

Aysaya 2:3

Vitúm vi wíy a wìy fo vinín, a suúy jii, «Vèn wáa wìy, é vèsən wáa koʼ e Nyùy Tǎr gwan, gwan, a dzə̀ lav Nyùy wo Jakov ghvə́mé. Nyùy yíi a yeʼéy vèsən kinyo ke wù taʼ ji vèsən wáa yiì, a vèsən kù yíi a ghan a dzə̀ e wun mbòv.» Kí dzə̀ jii, ntir se Nyùy Tàr sí kù wíy a lò a dzə̀ fó Sion, a wù kù wíy a suŋnín e wíri, a dzə̀ fó Jerusalem foo fèy.

Ŋwàʼ Luk 24:47

Kí kfə́n a dzə jii, á kér fó wìy kèʼ fo Jerusalem, a fìʼtì vitúm vidzə̀m e mǒ yir ji wíri biner melív mev, é Nyùy laysin vinyo vév ve bi ví.

Lim Aŋgàa Ntum 17:30

Yì‑iì dzə̀ fó ŋgùʼ, a bó Nyùy yòʼ‑oò ló a nəə́ e mvə̀m vinyò ve wíri‑iì yii, a bó á yóʼ ne kìíy wun. Yii bèy, a wù suuy lèn ji wír adzə̀me biner á melív mev fó vinyò ve kisaŋ vi.

Nsùyrì Nyùy 147:19

Wù lo, wù wàa fìʼtì kinyo kfə́ e rám Jakovi, a yiì, wír veé Israyi wàa kiíy sáʼ rə́ wùn à kinyo ke wù tínen ki.

Sekariya 9:9

Éè wìr veé Sion, vèn wáa sheʼrí e mbòómbòŋ. Éè wìr veé Jerusalem, vèn wáa ndzəʼ. Vèn yén mo fòn won wiyì, wiy e sáʼ yee tìítiyi, séŋ nsiì, e kù yòʼ lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.

Nsùyrì Nyùy 68:20

Nyùy wòsən dzə̀ Nyùy wo wù luŋèr wír və́. Wun woo Nyùy Tàr woo Nyùy wòsən, dzə̀ wun wo wù kér vitaáví vée tin wír fo kpúu.

Aysaya 46:13

M kù sí lo, e yiì, é yii yém yee réŋé fəə́sín lèn lèn, e bòyìr ven. Rúrú, m kù sí lo, e lùŋèr ven lèn lèn, m yòʼ dzə̀ kwaʼda. M wíy lùŋèr wír veé Sion, e bùʼ wír veé Isray e vikuʼùy vém ví.»

Aysaya 12:2

Rúrú, Nyùy dzə̀ ŋgaà wo wù luŋèr mo. M yíi a yeʼtí a dzə̀ e wun wùn, e làa yòʼ a fàn kifá. Feyì feyì, dzə̀ wun woo Nyùy Tàr wo wù távir mo, a kù dzə̀ wun wo m yov, suyrì. Wù dìn ne rú ji wun dzə̀ á ŋgaà wo wù luŋèr mo.»

Kèʼlo 49:10

Kitoómé ké vifòn ki yòʼ wíy buú fo Juda. Kitoómé ké saʼ ki yòʼ wíy buú fo wun nsàn vibìy, e dù, e meé e ghan se ŋgaà kitoòmé wiyì, a dzə̀ wun wo vitúm vidzə̀m vi wíy a yunín.

Esra 4:2

áwune nèn dù, e yèn Serubbabel wùn aàtǎr kfəə Israyi, e sùúy aáwune jii, «Vèsən tátí, a bàʼrì lav Nyùy Tàr, bìʼ fo kù dzəə̀n sá Nyùy wo vèr yii cu, a vèr‑iì sí seéri nyám si, cu wun sho, e kèʼ fo ghan se Fòn Esar‑Hadon woó Assiriya‑aà wìyìn e vèr fen.»

Aysaya 12:6

Wír veé Sion, vèn wáa ndzəʼ, a yòv e kishéʼrì ki. Nyùy woo Ŋgaà wo Ranén woó Isray dzə̀ vèn áwune. Wù dìn ne ji wun dzə̀ e gháʼtín.»

Lim Aŋgàa Ntum 3:26

Nyùy nèn shòʼ Ŋgaà və Lìm, e tùm, wù tómbìy wìy, e yèn a dzə̀ ven ji wù fíʼ bìnèr melív men fo věn vinyò ve bi ví, é vèn nəə́ é mvə̀m vijùŋ foo fèy.»

Ŋwàʼ woó Rom 11:18

Kí nén a dzə jii, lá vèn yòʼ a ŋàʼ, a nyàysì a tám se á faàrìn siy. Vèn wáa kuumé jii, tám see shooy si lò fo kici fóo fèy, a yiì gháŋ kici kee shooy, bo vèn wáa koóm, bó yòʼ yiì yén yee gháŋ.