Joon 4:21 - ŊWÀʼ NYÙY

²¹ Jesus yòŋ jii, «Yaà, yuúrí kinyo ke m suuy ki. Ghán sí sí gheenè se bó á yòʼ dzəə́ wìy a nyàʼ fo dzə̀ á wáa bùnrì Nyùy, kìn dzə̀ é gwan fèn, kìn dzə̀ é Jerusalem.

Joon 4:21 Referans Kwoze

1 Timoti 2:8

Ke m koŋ feyì ki nén a dzə jii, vintatì vidzə̀m vi lóo dzə̀ʼə̀m, vilum ámóʼó kù a dzə ve dzə̀ á wàa fo bunrì. A dzə̀ kù a dzə vilum ve bó á yòʼ wáyri wó e vinyò ve bi ví, e bóo kfə̀n a nàn wó yee shooy ji á bunrì. Ku kfə̀n a dzə sa wír ve bó yòʼ dzə̀ á wàa shwiíy kilòŋ, a taŋnín wùn à wíri.

Malakay 1:11

Yír yémé dzə̀ e gháʼtín e vitúm ví mvəm. Wíri kù ghvə́m mo, e kèʼ fo shùy yii tó, e dù, e meé fo yì yii nəə. Á ton kiláy, suyrì mo virə́ʼ vidzə̀m, cu mo e cu yee réŋé. Rúrú, yír yémé dzə̀ e gháʼtín e vitúm ví mvəm. Suuy mo woo Nyùy Tàr woo Taà Mànjòŋ.

Efesor 2:18

Vèsən adzə̀m nén a dzə lèn, a dzə̀ á wàa beè Kiyoy ke Ranén kí, a koʼtí e Nyùy woo Tàr wòsə́n si. Aá kù bee a dzə̀ Kiyoy kee shó kimòʼón.

Joon 4:23

Yii bèy, ghán se wíri wíy a bùnrì Nyùy e dzəə yee réŋ virə́ʼ vidzə̀m si sí wiyì, a sí sì é kiwo. Aáwune wíy a yu a dzə̀ fo Kiyoy ke Nyùy ki, e bó a bùnrì Nyùy e dzəə yee rú. Á mo Nyùy koŋ ji wíri wáa bùnrì wun.

Matio 18:20

A wíri dzə̀ʼə̀m abaà, kìn ataár e mo woo Jesus yir, bo m kù dzə̀ aáwuné nsàn.»

Efesor 3:14

M nen kfə̀n a màysì ke m kì gaʼan jii, mo Nyùy liìn ne ven sá ji və́ vee wír, m nén a tsəm e wun woo Tàr wòsə́n si, a bùnrì fo vèn.

Joon 16:32

Vèn wáa kiíy jii, ghán sí yíi gheén, a sí sì é kiwo, é vèn táʼrí adzə̀m, e kfə̀n e věn melaʼ, e màʼtì mo vèr mòʼón. Yii bèy, a bó m yòʼ yii dzə́ vèr mòʼón, kù yii dzə́ vèr Tàr wor.

Joon 16:2

Á wíy siíy, a jùm jùm ven fó vintatì veé ŋgày se bùnrì. Ghán sí sí gheenè, wìr wíy yuyrí wír fo vèn, é wù wáa kwàʼ ji wun yiì a dzə̀ lim ye juŋe fo Nyùy.

Joon 5:28

«Lá vèn yòʼ a ker gháʼ e kinyò fèn. Vèn kú a kiíy rú ji ghán sí wíy gheén, é wír ve vé‑eè kpukin ne adzə̀me yú jí Wàn Nyùy, e fəə̀kír fo sày,

Esiker 14:3

«Wàn wìr msòŋ, wír vìne bìy ne mebvə̀m aáwuné meliv, kifá, a kí lévti áwune, aá yii liì kisaŋ, á ku siì tìír, a ghvəm. A dzə̀ m màʼtì rú, áwune wàa beè mo e kinyo ki á?

1 Pita 1:17

Mo vèn yii lóo bùnrì, vèn wàa yòŋ Nyùy ji Tàr won, kí nen ghèén ji vèn wáa yu wun moo wón və́ é ndzə ye vèn bee sho béen rə̀n, a tiír kiwúu kén, a fìʼ, a kiíy jii, Tàr won Nyùy woo shoon kù yii sáʼ wir dzə̀m a mo kinyo ke ŋgaàŋ ki dzəə̀n. A bó wù yòʼ yii bin nsaʼ mbvə́nkíwó.

Lim Aŋgàa Ntum 6:14

Vèr‑iì yù, a wù suuy jii, Jesus woó Naasarer və̀y wíy kèr lav cù rə̀n, e kfə̀n kuvsín liì wòsən wòŋ wo Mooser‑iì lèmèn e dzə̀m.»

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

Joon 5:25

Vèn kfə́n a kiíy rú jii, ghán sí wíy gheén, a sí sì é kiwo, é wír ve á kpukin nee yú mo jì Wàn Nyùy yoŋ áwune, é wír ve á yuun adzə̀me luŋ.

Ŋwàʼ Luk 21:24

Á wíy gwàtì ámóʼó gwátin, e tayrí ámóʼó ji akwàn, a jàvtì vitúm vidzə̀m. Á mo vitúm ve bó ví yòʼ kiìn Nyùy vi wíy tòn Jerusalem, a koʼrí e kitu wo, e dù, e meé mo ghán sév sí wíy mày.

Matio 28:19

Vèn du ri, a ghan vitúm vidzə̀m, a yeʼéy wíri, a bìnèr ji wír vém, a way áwune é ndzəv e yír Nyùy Tàr wùn Wàn, à Kiyoy ke Ranén kí.

Esiker 20:3

«Wàn wìr msòŋ, yòŋ e vilìmbìy veé Isray vìn vi jii, ke Nyùy Tàr woo Taà Ndzə suuy ki dzə̀ á jii, ‹Vèn wìy bèn ji á mbaa mo e kinyo ki a? Ké ru kí, mo m dzəə̀n shó e tin, bó m yòʼ yíi ghay.› Suuy a mo woo Nyùy Tàr woo Taà Ndzə.

Aysaya 66:1

Nyùy Tàr suuy jii: «Yúví dzə̀ kàvàʼ wom, nsay wáa dzə kibur ke m tiir wúu yém shó. A dzə̀ wìr bàʼrì lav ji yéem, a yìwun dzə̀ moó le? Kirə́ʼ kí dzə̀ shó ke dzə̀ m dzə̀ʼə̀m shó a?

Ŋgaà Yen 21:22

M yén láʼ yee shooy, e làa yòʼ yen lav yìmòʼ fó jeéy ji ye Nyùy Tàr, wun woo Nyùy woo Ŋgaà Vitaàví Vidzə̀m, a wùn Wàn Njiì və ghán fo virə́ʼ vidzə̀m.