Joon 4:20 - ŊWÀʼ NYÙY

²⁰ Atàr vérí‑iì rə́si bunrì Nyùy a dzə̀ é gwan fèn, yiì ka, bo ven vee wír veé Judàa wáa suúy kén ji kirə́ʼ ke dzə̀ á wàa bùnrì Nyùy sho ki kù mày Jerusalem?»

Joon 4:20 Referans Kwoze

Remrí 27:12

«Vèn líysin ndzə́v yee Jordan, é rám sin si tiím é Gwan Gerisim, a səə̀vì wíri. Rám sin si dzə̀ jii, yé Simeon, yé Levi, yé Juda, yé Issakar, yé Joosev, à yé Benjamine.

Remrí 11:29

Nyùy Tàr wíy li ven, du sho e nsay ye vèn wíy yòv, vèn wàa fuŋ kisəəvì é Gwan Gerisim, a saarí lòn fó Gwan Ebal.

2 Wòŋ 7:12

Nyùy Tàr nèn wìy vitsə́ʼ vímóʼ ví, e sùúy e wun jii, «M yù ne bunrì yé, e shòʼ lav rə̀n ji yéem ji á fo á yíi a cù mo.

Ŋwàʼ Luk 9:53

Wír vee fóo yén ji Jesus kì shaa shaàn, du a dzə̀ á é Jerusalem, e nèn ŋwèy kirə́ʼ.

Nsùyrì Nyùy 132:13

Nyùy Tàr shòʼ ne Sion, e lèm fó ji kirə́ʼ kfə́ ké dzə, a suúy jii,

Nsùyrì Nyùy 78:68

Wù shóʼ a dzə̀ rám Juda, à Gwan Sion wo wù koŋè.

2 Wòŋ 7:16

M shòʼ ne lav cù rə̀n, e lèm ji kirə́ʼ kee fo á wíy a cù mo, e wìy dù, e mày. M kù wíy a leéy lav cù rə̀n, é shilív shém shí wáa tiy sho ghán sidzə̀m.

2 Wòŋ 6:6

Yii bèy lèn, wun shòʼ á ne Jerusalem ji á wáa cù a wun fo, e shòʼ Davir ji wù wáa saʼ a wír və́ veé Isray.»

1 Wòŋ 22:1

Fòn Davir nèn sùúy jii, «Féne dzə̀ fo lav Nyùy, wun woo Nyùy Tàr yíi a tiy, à kíy cùu wo wír veé Israyi wáa tòn cu si shó.»

1 Wòŋ 21:26

Fòn Davir nèn bòm kíy cù Nyùy Tàr fó, e yiì cu ye tonèné wùn à yé kikòŋnìne shó. Wù bùnrì, Nyùy Tàr yú bunrì rə́, e tsə̀nsí və́y fó yuv, wú tòn cu ye yí‑iì dzəə̀n é kiy cù.

1 Afòn 9:3

Nyùy Tàr suúy e wun jii, «M yù ne bunrì yé, e yù tóŋ ye à tóŋ e mò. M biìmé ne lav ye à bomen rə̀n ji lav yee jeéy ji yéem, aá kù wíy a cù mo fó e wìy dù mày. M wíy a kiyrí ghán sidzə̀m, a tiír vifií vém shó.

Aysaya 66:1

Nyùy Tàr suuy jii: «Yúví dzə̀ kàvàʼ wom, nsay wáa dzə kibur ke m tiir wúu yém shó. A dzə̀ wìr bàʼrì lav ji yéem, a yìwun dzə̀ moó le? Kirə́ʼ kí dzə̀ shó ke dzə̀ m dzə̀ʼə̀m shó a?

Joon 4:12

À shaà tàr wor Jakov wo wù‑uù tuŋen rən yee ndzə́v, e lèm e vèr a? Bó wun woo tàr wor yòʼ‑oò ló a no ndzə́v rən, kfə́ə rə́ wùn à nyám sév sí kfə́n a no sa à?»