Joon 4:19 - ŊWÀʼ NYÙY

¹⁹ Wiíy və̀y yú kee shooy, e yòŋ jii, «Taàtá, m kìíy ne lèn ji à dzə̀ *ŋgaà ntum Nyùy.

Joon 4:19 Referans Kwoze

Joon 6:14

Wíri yén kinyo ke Jesus yiìn, a kí din vitaáví vé Nyùy, á nèn a suúy jii, «Wìr və̀n dzə̀ rú *Ŋgaà Ntum Nyùy wo vé‑eè shiy ji wù wiy é nsay fèn.»

Ŋwàʼ Luk 7:39

Wìr Farasi wo wù kì jàŋèn Jesus və̀y yén bey, e rə̀m fo wùn bvə̀m jii, a Jesus kì dzə̀ rú ŋgaà ntum Nyùy, bo wù ku lò kìíy a kfə́ə wiíy wo wù kum wun və̀n. Dzə̀ á ŋgaà viŋkar.

Joon 9:17

Á kfən lò, e dzə̀r e wìr və̀y jii, «Wò wo wù mvə̀ʼə̀n a dzə̀ sí yé, à yèn ké, a dzə̀ wír woó le?» Wù bìnèr jii, «M yén ji dzə̀ *ŋgaà ntum Nyùy.»

Ŋwàʼ Luk 7:16

Wìr dzə̀m yén bey, wún wóví beémé. Á wáa sùyrì Nyùy, a suúy jii, «*Ŋgaà ntum Nyùy wo gháʼán fəə̀ ne e vèsə́n mvəm. Nyùy wìy ne fó sə wír və́.»

Joon 7:40

Wíri yú kinyo ke Jesus jàŋèn kin, ámóʼó wáa suúy jii, və̀n dzə̀ rú Ŋgaà Ntum Nyùy wo á shiyì.

Matio 21:11

Màŋgòŋ wáa bìnèr jii, dzə̀ á Jesus woo ŋgaà ntum Nyùy, a wù lò fo Naasarer, e Galeli.

Ŋwàʼ Luk 24:19

Wù dzə́r jii, «Vinyo vee ka?» Á bìnèr jii, «Dzə̀ vinyo ve ví‑ii kooyin wír wo á yoŋ ji Jesus woó Naasarer. Wù‑uù dzə̀ *ŋgaà ntum Nyùy, yii viŋgaʼnìn ve vinyò, kfə̀n fiʼtì ve fiʼtìn ví, a Nyùy bínsi wun, a wìr dzə̀m bínsi sa.

2 Afòn 6:12

Taà ntoʼ wùmòʼ bùn fon, e yòŋ jii, «Taàtá wòm, yòʼ dzə̀ á wír fo vèr, dzə̀ á Elisha woo *ŋgaà ntum Nyùy wo wù dzəə̀n é Isray. Li a wun vinyo ve fòn suuy e wun faáy kishiíyí, du, suuy e fòn woó Isray.»

2 Afòn 5:26

Elisha suúy shó jii, «Bó m yòʼ kì dzə̀ wòsò e kiyòy à, e ghan se wìr və̀y kì səʼəyin fó kitu ke kar ye səŋ nyám si, e wìy, vèn wun tárnín à? Ghán sin si yòʼ dzə̀ se dzə̀ á sə̀ mbàm kìn ndzə̀y, kìn súm sé vici vé *oliv, kìn sé vitiír vé *vayin, kìn anjiì, kìn anàʼ, kìn aŋgàa lìm vee vilum wùn à vee vikìyí.

Joon 4:29

«Vèn ku wìy, e yèn wír wo wù toʼtin vinyo ve mò‑oò rə́si yii vidzə̀m. A tàm bo dzə̀ Mfə̀ə́r wo Nyùy‑iì kàʼàn.»

Remrí 18:15

Nyùy Tàr woo Nyùy won wíy tum *ŋgaà ntum və wùmòʼ fo věn wùn moo mo, a wíy a dzə wír fo věn mvəm. Vèn kù wíy a yunín a dzə̀ wun.

Joon 4:18

Wò‑oò sí kér alúm atàn, a wo vèn wun dzə́ lèn yòʼ fə̀m dzə̀ lum wò. À suuy rú féyì.»