Joon 4:18 - ŊWÀʼ NYÙY

¹⁸ Wò‑oò sí kér alúm atàn, a wo vèn wun dzə́ lèn yòʼ fə̀m dzə̀ lum wò. À suuy rú féyì.»

Joon 4:18 Referans Kwoze

Jeremia 3:20

Abaày wìr veé Isray, moo wiíy wo wù ŋwayin lúm və, a ghan, kù dzə̀ mo vèn yiìn ne vèsən. Suuy mo woo Nyùy Tàr.»

Maak 10:12

Kí kfə́n a dzə sa jii, a wiíy fəə̀ fo lum, e dù, e yèn wo sən, bo wù yiì a kinyo ke bi kí e lum və réŋréŋ mo wù dù a dzə̀ viŋkar.»

Ŋwàʼ woó Rom 7:3

A wù kòŋ lèn, wù dù, e yèn lúm wo sən, a bó yòʼ dzə̀ wù yèn, a və́ə woo lúm dzə̀ə́ sho, bo sì kinyo ke bi kí. A lum kpù ŋkuŋ, bo bó yòʼ dzə̀ə́ kinyo ke bi kí.

Esiker 16:32

Jwè, wò woo wiiy visàkì, à diy vilum, shaa lum wò ji ka?

Ŋwàʼ Rut 4:10

A m kù sí lem sa Rut woo wan wìr Moav, wo dzəə̀n wiiy ŋkfə Maalon. M lem ji vèr wun fíʼ dzəə́ wán wo wù wíy yi vitsə́ʼ vee shooy, fo rám ŋkfəsàyi lay fó kfəə fèn wùn à fó ntèʼ. A vèn tíy vinjen e kishiíy ké lán ki.»

Kintaŋ 5:29

«Á nsər yee bìʼ vinyo ve shuùn ví vee kùm wiíy, kìn dzə̀ ji wiíy lò ne, a ghan viŋkar, e lòr kitú kfə́, a wù dzə̀ e lum lav,

Kèʼlo 34:31

Áwune nèn bìnèr jii, «Jwè və̀n‑eè lòvtí e jèmèr yer moo sàkì bìʼ ka?»

Kèʼlo 34:2

wù lòo dù, Shekem woo wan Hamor yén wun. A Hamor və̀n dzə̀ wír woó ram Hiv, e kfə̀n a dzə taà ntèʼ. Mo Shekem yenen Dina, wù tó sí rə́, wù nèn ghàtí e dzəə.

Kèʼlo 20:3

Wáa dzə vitsə́ʼ vímóʼ ví, Nyùy súŋnín e Abimelek e njèm jii, «Á yen, à sì ŋkfə bìʼ wiíy wo à liìn və̀y. Wù dzə̀ ben, a dzə̀ wiiy wìr.»

Hibru 13:4

Kee kùm dzəʼə̀m yeé lav, kí nén a dzə jii, wìr dzə̀m kú a ghvəm nsər see kùm wiíy wùn lum, é la wiíy kìn lúm yòʼ fəə̀, e dù, a tàʼ wír wo sən. Vèn wáa kiíy ji Nyùy wíy màʼ ŋgeʼ e wír ve á yii vinyo ve kisaŋ vi, bívir nsaàlav sho.

Joon 4:17

Wù bìnèr jii, «Bó m yòʼ kér lúm.» Jesus suúy shó jii, «Mo à suuyin bey, à suuy a dzə̀ kinyo ke ru kí.

Joon 4:19

Wiíy və̀y yú kee shooy, e yòŋ jii, «Taàtá, m kìíy ne lèn ji à dzə̀ *ŋgaà ntum Nyùy.

Esiker 16:35

Àbaày Jerusalem, vifǔmbèʼ, yuúrí kinyo ke Nyùy Tàr yoŋ ki.

Joon 4:16

Jesus suúy shó jii, «Dù ri, e jàŋ lum wò, é vèn wun wiy.»