Joon 4:15 - ŊWÀʼ NYÙY

¹⁵ Wiíy və̀y nèn yòŋ jii, «Taàtá, ku fò mo mendzə́v mee shooy, é la kilòŋ kí yòʼ dzəə wìy a yum mo, é m wáa wìy fèn ji m tú mendzə́v.»

Joon 4:15 Referans Kwoze

Joon 6:34

Wír vìyi yú kév bey, e nèn sàyín jii, «Taàtá, kú a fo ver vifá ve yi vee shooy ghán sidzə̀m.»

Ŋwàʼ woó Rom 8:5

Wìr wo wù yú a dzə̀ mo mensə́ mè lim e wun wùn, kù yii wáy vifií a dzə̀ é vinyò ve mensə́ mè taʼ ji wù wáa yiì. A wìr wo wù yú kfə́ a dzə̀ fo Kiyoy ke Nyùy ki, nèn tiir vifií və́ a dzə̀ é kinyò ke koŋ wun woo Kiyoy ke Nyùy.

Ŋwàʼ woó Rom 6:23

Vinyo vìn vidzə̀m vi nén a dzə jii, vilaʼày vé vinyò ve bi ví kù dzə̀ á kpú yee ŋkuuŋkùŋ. A ke Nyùy buʼ wír sho búʼun ji fómo woo kisáŋ ki dzə̀ dzəʼə̀m yee là may, ye ŋgaàŋ kooyin bìʼ fo wù tatin wùn Tàr wòsən Jesus Kristu.

Joon 6:26

Jesus kòr a dzə̀ lám aáwune jii, «M suuy ven kinyo ke ru kí ji bó vèn yòʼ ghán, taʼ mo ben ji bìʼ fo vèn‑ee yenen ji vinyo ve m yii vi din vitaáví vé Nyùy. Vèn wiy a dzə̀ bìʼ fo vèn‑ee yiin kibán, kí‑ii gháʼ ghaʼán.

Nsùyrì Nyùy 4:6

Aneéníne dzə̀ ve á gháy jii, «Vèr dzəə́ wiy yen vijuŋ a?» Éè Nyùy Tàr, ku lèéy ver, a kòŋ.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

Jeem 4:3

A vèn fə̀m kì lóné, la vèn yòʼ kòóy, bìʼ fo vèn yòʼ lón a dzə̀ kifá kee réŋ. Vèn lón kén a dzə̀ kifá ke mensə́ men mè tíy sho.

1 Korin 2:14

A bó yòʼ dzə̀ wír wo wù buŋen Kiyoy kee shoon fo wùn shiliv, wù wáa kòŋ fó koóy ambùʼmé ve Kiyoy ke Nyùy ki din vìn. Wù lo kfə́, wù nèn a yen ji vinjeenjèm ve vinyò. A bó yòʼ dzə̀ wù kìíy mo á dzəə̀n, bìʼ fo kù yii Kiyoy ke Nyùy, bo wìr wáa kiíy.

Joon 4:16

Jesus suúy shó jii, «Dù ri, e jàŋ lum wò, é vèn wun wiy.»

Joon 6:35

Jesus nèn a suúy aáwune jii, «Dzə̀ mo wo dzəə̀n vifá ve yi ve ví fó dzəʼə̀m yee là may. Wír wo wù wiy, yén mo yòʼ dzəə́ wìy a yu jíŋ. A bó kilòŋ kí yòʼ dzəə́ wìy a yum wír wo wù wayin shilív e mǒ wùn.