Joon 4:14 - ŊWÀʼ NYÙY

¹⁴ Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»

Joon 4:14 Referans Kwoze

Joon 6:35

Jesus nèn a suúy aáwune jii, «Dzə̀ mo wo dzəə̀n vifá ve yi ve ví fó dzəʼə̀m yee là may. Wír wo wù wiy, yén mo yòʼ dzəə́ wìy a yu jíŋ. A bó kilòŋ kí yòʼ dzəə́ wìy a yum wír wo wù wayin shilív e mǒ wùn.

Aysaya 49:10

Jìŋ yòʼ dzəə́ wìy a yar áwune, a bó kilòŋ kí yòʼ dzəə́ wìy a yum áwune. Shwér wo lumèné yòʼ dzəə́ wìy a feè áwune, a bó shùy yòʼ dzəə́ wìy a tòn áwune. Kí dzə̀ jii, mo woo Nyùy Tàr wo m shám áwune, m wíy a dànèr áwune é dzəə ye juŋ, a dù sho fo ntòŋ sé ndzəv se dzə̀ á wàa no si dzə̀kìn.

Ŋgaà Yen 7:16

A bó jìŋ yòʼ dzəə́ wìy a yar áwune, a kilòŋ kí yòʼ dzəə́ wìy a yum áwune. A bó yòʼ dzə̀ sá áwune dzəə wìy a yu shúy, a virə́ʼ ví yòʼ wíy a tònnìn,

Joon 11:26

bìʼ fo, a wìr dzə́ lèn, wáy shilív e mǒ wùn, bo bó wù yòʼ wíy nəə́ e kpu yee ŋkuuŋkùŋ. À ku yòʼ biìmé bèy a?»

Joon 6:58

Vee shoon vee vifá ve yi vi dzə̀ ve ví loòn rú fó yuv, a bó yòʼ dzə̀ moo ve atǎr ram yéné‑eè yiin, e kù kpùkír vìy. Wìr wo wù yí vin vee vifá ve yi wíy lùŋ, a dzə ghán sidzə̀m.»

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

2 Korin 1:22

e səə̀m ji wír və́, e kfə̀n wày Kiyoy kfə́ ke Ranén kí e vèsə́n meliv ji sàʼ vijùŋ ve ví dzəə́ wìy a wìy.

Ŋwàʼ woó Rom 6:23

Vinyo vìn vidzə̀m vi nén a dzə jii, vilaʼày vé vinyò ve bi ví kù dzə̀ á kpú yee ŋkuuŋkùŋ. A ke Nyùy buʼ wír sho búʼun ji fómo woo kisáŋ ki dzə̀ dzəʼə̀m yee là may, ye ŋgaàŋ kooyin bìʼ fo wù tatin wùn Tàr wòsən Jesus Kristu.

1 Pita 1:22

Mo vèn kù sí tíy a dzə̀ e Nyùy kinyò ke ru kí, vèn nén a ker melív me juŋ mè lèn, me dzə̀ vèn wàa kòŋ afə́r vén ve vèn áwune tíy e kinyò fèn kijuŋ. Vèn ku nèn a kòŋnìn bèy shilív shidzə̀m,

Joon 10:10

A ké shòŋ kí dzə̀ jii, wù wìy kfə́ ji wun shóŋ njiì, e yùyrí, e laàr. M nen wìy kém ji m yii, é wíri wáa ker dzəʼə̀m yee là may, a ker feyì nyanyày.

Efesor 4:30

Lá vèn yòʼ a yiì kinyo ke Kiyoy ke Ranén kí wáa yu ntéŋ, a sòv kitú. Vèn wáa kuumé ji Kiyoy ke Ranén kin ki dzə̀ kisəə́y ke Nyùy‑iì foon e vèn ji kishiíy kí wíy gheén, é wù luŋèr ven ŋkuuŋkùŋ.

Ŋwàʼ woó Rom 5:21

Kidzə̀m ki nén a dzə jii, mo kinyo ke bi kí yiìn ne, a wíri kù kér fó a kpu, dzə̀ sá mo Nyùy koŋ wíri lèn, li áwune ji wír vee là jay, aá nəə e dzə̀ʼə̀m yee là may. A wù li a dzə̀ wír ve á wáy shilív e Tàr wòsən Jesus Kristu wùn.

Matio 25:46

Jesus nèn màysì jii, «Vee shooy vee wíri dzə̀ ve á wíy dù e kirə̀ʼ ké ŋgeʼ yee là may, é wír Nyùyi nəə́ kév a dzə̀ é dzə̀ʼə̀m yee là may.»

Aysaya 55:1

Nyùy Tàr suuy jii: «Vèn yuúrí, ven adzə̀m ve kilòŋ kí yúmé, vèn wiy é ntoò ndzə̀v. Rúrú, ven ve á yòʼ kér mbàm, vèn wiy, e yùn viyíkìr vi, e yì. Vèn wiy, e yùn meluʼ mè wùn à vín nyàme, fə̀m mo bó vèn yòʼ kér mbàm. Fò Nyùy, a ví dzə̀ kisáŋ.

Aysaya 58:11

Mo woo Nyùy Tàr, m yíi a dànèr ven ghán sidzə̀m. M yíi a nəʼsín ven e vifá ve juŋ ve vèn kér shií shó vi, a yiì, é vèn wáa dzə atávkín. Vèn yíi a dzə kijuŋ moo kiboó ke á wáyri mendzə́v shó kijuŋ, a bun bunén é mvə̀m vifa moo ntoò ndzə̀v ye yì léŋ ghán sidzə̀m.

Jeremia 2:13

Wír vémé jày ne vinyo e mò vibaà. Áwune bìn ne ndzə̀m e mò, mo woo ntòŋ ndzə̀v ye yì fó dzəʼə̀m. Áwune fèr ne a dzə̀ vév vee visə̀m, e lì ndzə́v, e wày shó, visə̀m, a ví káʼkír ne.»

Jeremia 31:25

M wíy rəə̀r wír ve á dorkin ne, e tavír wír ve á yòʼ dzəə́ kér kitar.»

Esiker 47:9

Ndzə́v rə́ne shaa e kirə̀ʼ, bo vifá ve ví kár e ndzəv ví yíi a dzə fo, a ŋèʼ. Sə́ si wíy a dzə fo nyanyày. Rúrú, ndzə́v rə́ne wíy yiì, é mendzə́v meé Ndzə́v Shiŋgwaŋ mè kfə́n ji me juŋ mè. Yí shaa e kirə̀ʼ, é vifá vi wáa ŋèʼ fo, a yu vijuŋ.

Matio 5:6

Bòŋ ké wìr ve jìŋ yár áwune ji á wáa yiì mo Nyùy taʼà, bìʼ fo Nyùy wíy yiì kinyo ke áwune diyì.

Joon 4:10

Jesus bìnèr jii, «Aà bèn kì fómo wo Nyùy taʼ, e fo wò, e kfə̀n kìíy mo wìr wo wù lón mendzə́v fo wò və̀n dzəə̀n, bo kì yíi lon wò fo ŋgaàŋ, é wù fó wò mendzə́v me mè léŋ ghán sidzə̀m.»

Joon 4:11

Wiíy woo shooy nèn lò kfə́, a dzər jii, «Taàtá, à yíi lì mendzə́v me mè léŋ mee shooy fo feé, a bó à yòʼ kér kifá kée ser sho, a bií kfə̀n shoò é ŋàŋ?

Joon 4:13

Jesus bìnèr jii, «Kilòŋ kí kù dzəə́ wìy a yum wír wo wù nó mèn mee mendzə́v.

Joon 4:36

Wìr wo wù yíi a kav kér vilaʼày, a wù sí káv vifá, báʼti, wáy a dzə̀ é dzə̀ʼə̀m yee là may, a ŋgaà lìm wùn ŋgaà kav yíi tatí, a sheʼrí adzə̀m.

Joon 6:27

Lá vèn yòʼ a way vifií é vifa ve yi ve wìr yí, bo wù kù dzəə́ wìy kpu. Vèn wáa way vifií a dzə̀ é vifa ve yi ve ví fó dzəʼə̀m yee là may. Kù fó ŋgaà wo yírí dzəə̀n *Wanwìr vee shooy vee vifá ve yi, bìʼ fo Nyùy Tàr wayin kisəə́y ké lìm yee shooy a dzə̀ e wùn kiwo.»

Joon 7:37

Wìy lòo dzə e kishiíy ke vé‑eè sí maar kiŋkàʼ kìy, a dzə̀ kishiíy ke kuʼùn kí fó kiŋkàʼ foo fèy, Jesus nànèn e wírí ntìntìn, e jàŋ kitávín jii, «A kilòŋ kí yúm wír, wù wìy, e yèn mo, e rəə̀r kilòŋ kfə́.

Ŋgaà Yen 7:17

bìʼ fo Wàn Njiì wo wù dzə́ e shùu kàvàʼ wíy a shìy áwune, a dànèr áwune moo njiì, a dù sho fo adàn ve á fəər mendzə́v me mè fó dzəʼə̀m yee là mayi dzəə̀n. A Nyùy wíy sòr mensíy medzə̀m fo wír vìné si.»

Cù 11:36

Yii bèy, a yí tùm a dzə̀ é dàn ndzə̀v, kìn é bií mendzə̀v me leerín mè, la kifàn kí yòʼ a dzə, fə̀m mo vifá vímóʼ ví vidzə̀m vi kù li kifàn.