Joon 3:9 - ŊWÀʼ NYÙY

⁹ Nikudemon nèn kfə̀n ghày jii, «A dzə̀ kee shoon ki ghàn é le, e bóo koóy?»

Joon 3:9 Referans Kwoze

Joon 6:60

Aŋgaà və́ ŋgoo yuúri yéʼéy rə̀n, kùʼùn wìr nèn lò, a nyàysì ji lám vəə́ tàv á feyì. Bó yòʼ dzə̀ wìr rə̀sí, a yuurí a kinyo kee ben.

Joon 6:52

Vé wòŋ vìyi yú kin, e nèn kèʼ, a kfə̀ynìn jii, «A dzə̀ wìr və̀n fò wún və́ ji vèsən yí é le?»

Ŋwàʼ Luk 1:34

Maria yú bey, e dzə̀r jii, «A dzə̀ kee shoon ki ghàn é le, e bóo koóy, a bó m yóʼ ne kìíy lumèn?»

Aysaya 42:16

«M wíy dànèr wír vém vee amfìr, aá ghán é dzəə ye á yòʼ‑oo shaá ne sho. M wíy a dànèr áwune, a dù sho e nshwàn wo á yòʼ‑oo tiír ne kiwuú shó. M wíy tsə̀ʼ ndzə ye sənér fo áwuné kitu, aá yén rán, e siìr virə́ʼ vév ve ví dzəə̀n vikóŋkóŋ vikóŋkóŋ, é ví kfə́n é leŋ, a dzə ji fèm. Á kinyo ke m wíy yiì bìʼ áwune, a bó m yòʼ wíy màʼày áwune.

Joon 3:4

Nikudemon dzə́r jii, «A wìr kùy, a wù kúy ne, á kfə̀n dzə̀ə́ wun e le? A dzə̀ wù kfə̀n nə̀ə́ e yè wóv bvə̀m, wù dzə̀ə́ wun ji akàŋ abaà á?»

Ŋgàn 4:18

Liì wìr wo wù yúnin Nyùy dzə̀ moo ndzə ye yì ráné, yì kù a ran, a dù duùn fó mbìy, a kàʼày wíri.

Joon 3:8

Yén ké shwer ki. Wú yii du a dzə̀ fo wú koŋè. Wìr lo, wù kù yù a dzə̀ mo wú shaa, a bó wù yòʼ kì fo wú loòn, a bó yòʼ dzə̀ wù kìíy fo wú du, e jòʼsì. Dzə̀ sá réŋréŋ mo Kiyoy ke Nyùy ki yii gháné, e bó a dzəə́ wír ji wír wo fíy.»

Joon 3:10

Jesus bìnèr jii, «Yéʼey wò wír veé Isray, kfə̀n méŋ vinyo vìn à?