Joon 3:6 - ŊWÀʼ NYÙY

⁶ Kifá ke wìr dzəə fo bvə̀m ki kù dzə̀ ji wír, a kifá ke Kiyoy ke Nyùy ki dzəə ki dzə̀ ke kí lo a dzə̀ fo Nyùy.

Joon 3:6 Referans Kwoze

2 Korin 5:17

Ke kí dzəə̀n kí dzə̀ jii, wìr táti wùn Jesus Kristu, bo ŋgaàŋ sì wír wo fíy. Dzəʼə̀m ye mvəə́ shaà ne, a wù sí kér lèn a dzə̀ ye fíyi.

1 Joon 3:9

Vèn wáa kiíy jii, wìr wo dzəə̀n wan Nyùy yòʼ kfə̀n dzəə́ yii vinyo ve bi ví, bìʼ fo wù sí kér liì Nyùy wo dzəə̀n Tàr wov. Mo wù siìn wan Nyùy, bó yòʼ dzə̀ wù kfə̀n a yiì vinyo ve bi ví gheéy.

1 Korin 6:17

Yii bèy, wìr wo wù tatin kfə́ a dzə̀ wùn Tàr wòsən Jesus sì wùn wun shilív shimòʼón.

Ŋwàʼ woó Rom 7:18

A m kì ji mensə́ me mè lim e mǒ wùn mèn mè yòʼ dzə̀ mè wàa kòŋ kinyo ke ru kí gheéy. Shilív shém shí bínsi kinyo ji dzə̀ ke ru kí, m lo ji m yii, mensə́ mem mè shàʼnín.

Kèʼlo 6:12

Nyùy nèn yèn ji kitú ke nsay ki fòy a ne, bìʼ fo wìr dzə̀m‑eè sí kér a dzə̀ liì kisaŋ.

Nsùyrì Nyùy 51:10

Éè Nyùy, fíyír shilív shém shí, é shí wáa dzə là shilóm, é m wáa yunín wò.

Ŋwàʼ Jov 25:4

A dzə̀ wìr msòŋ ghàn é le, e bó a dzə là jay e Nyùy si? Wír fo wìr, é bo wù wáa dzə là shilóm.

Ŋwàʼ Jov 14:4

A dzə̀ fə̀ə́r la kifá kee là *kifàn fo ké kifàn kí mvəm? Bó wìr yòʼ dzə̀ shó.

Ŋwàʼ woó Rom 8:13

A vèn yú a dzə̀ mo mensə́ mè lim e wùn, bo vèn kù wíy nəə́ a dzə̀ é kpu. Vèn lo, a yu a dzə̀ fo Kiyoy ke Nyùy ki, e laàr vinyo ve mensə́ mè yuŋrì e věn wùn, bo vèn wíy lùŋ.

Efesor 2:3

A kù dzə̀ mo vèsən adzə̀m‑eè dzəə̀n. Vèsən‑eè yú a dzə̀ mo mensə́ mè lim e vèsə́n wùn, a mè ŋáʼar melív mèsən, a vèsən kwaʼtì vinyo ve bi ví, yii mo ví gheenen vèsən. A vèsən‑eè yii bèy, li a dzə̀ lǒn Nyùy mo wír adzə̀me‑eè li.

Kolosia 2:11

Mo vèn áwune tatin, wù nen nàŋsín ven ji wír Nyùy. A bó wù yoʼ nàŋsín ji wun səə̀m a dzə̀ wún fó ndzə mo wír veé Judàa yii səəmè. Kristu nàŋsín kfə́ a dzə̀ shilív, la shí yòʼ dzəə́ a tiy e vinyò ve mensə́ mè taʼà.

Galatia 5:24

Vèn wáa kiíy jii, wír ve dzəə̀n vé Jesus Kristùu kì kév á ji á kpù ne fo vinyò ve mensə́ mev mè kér shií shó ji áwune wáa yiì réŋréŋ mo Kristu‑uù kpuun é kintam.

Joon 1:13

A bó á yòʼ dzə̀ wón Nyùy ji vé‑eè dzə̀ə́ áwune bey mo wíri yii lóo dzə, á dzə̀ə́ wán. A bó yòʼ dzə̀ sá ji yì‑iì sìysì wír. Á dzə̀, bìʼ fo wúnwun woo Nyùy siìn Tàr wov.

Ŋwàʼ woó Rom 7:5

Yì‑iì dzə̀ fó mbìy, a vèsən kù yii a dzə̀ mo mensə́ mèsən mè limè, a bó mè yòʼ‑oò koŋ, a yu fo nsər ye yì‑iì kér vèsən. Yì din jay, yì nèn màysì, e ŋàʼár mensə́ mèsən, vèsən wàa yiì vinyo ve ví wáa way vèsən wáyín é kpu yee ŋkuuŋkùŋ.

Kèʼlo 6:5

Nyùy Tàr lòo leéy, e yèn, a liì kisaŋ wìr msòŋ gháʼ ne e kitu ke nsay, a wù kù sí kér a dzə̀ kwaʼtì kisaŋe e wun shiliv ghán sidzə̀m,

Kèʼlo 5:3

Adam meé kiyá kishóv mtaár e wiì (130), e dzə̀ə́ wán lumèn e wùn nshwìnín, wù wáa dzə rú moo wun, e shù yír ji Set.

Ŋwàʼ woó Rom 7:25

Kinyo ke dzə̀ m yiì fo mǒ vitaaví kí kù dzə̀ cáʼ jii, m wáa binsí a nsər Nyùy fo mǒ shiliv, a bó yòʼ dzə̀ m wàa yiì mo yì suuyì. Mensə́ mem mè sí tíy a dzə̀ é nsər yee ji m wáa yiì a vinyo ve bi ví. A m kì ji Nyùy sə̀ ne a mo, Tàr wòsən Jesus Kristu fəə́r mo fó lòn fen. M nén a beèrì Nyùy fo kee shooy ki féyì.

Joon 3:7

Lá à yòʼ a ker gháʼ ji m suuy ji á kér fó kfə̀n dzəə́ wír ji wír wo fíy.