Joon 3:36 - ŊWÀʼ NYÙY

³⁶ Wìr wo wù wáy shilív e Wàn Nyùy wùn sí kér dzəʼə̀m yee là may. Wìr wo bó wù yòʼ yú kinyo kfə́ yòʼ wíy a ker dzəʼə̀m yee shooy gheéy. Lǒn Nyùyi kù gòʼ ne e ŋgaàŋ kitu ghán sidzə̀m.

Joon 3:36 Referans Kwoze

Joon 5:24

«Vèn wáa kiíy rúrú jii, wìr wo wù yú kinyo ke suuy mo, wáy shilív e ŋgaà wo wù tumen mó wùn, sí kér dzəʼə̀m yee là may. Ŋgaàŋ yòʼ dzəə́ wìy nəə́ e nsaʼ. Wù bòy ne fo kpu, e nə̀ə́ e dzə̀ʼə̀m yee là may.

Joon 1:12

Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

1 Tesalonika 5:9

Nyùy yòʼ‑oò lo shòʼ vèsən ji wun wáy é ŋgeʼ. Wù‑uù shòʼ ji vèsən fíʼ lùŋ bìʼ Tàr wòsən Jesus Kristu

Efesor 5:6

Vèn wáa yen fo wìr wiy, a kìnèn ji vinyo vìn vi yòʼ dzə̀ ve bi ví, e boʼtí ven. Dzə̀ kfə́ə vinyò vìn ve ví yii, a Nyùy shwiiy kilòŋ fo wír ve á méŋ wune, a wù wíy màʼ ŋgeʼ sho.

Ŋwàʼ woó Rom 5:9

A wù lì ne vèsən lèn ji wír vee là jay, bìʼ fo Kristu‑uù foon kitú kfə́, e kpù fo vèsən. Vèsən nén a kiíy sa jii, mo Kristu‑uù yiìn kee shooy, bo wù kù wíy tin vèsən sáa fo ŋgeʼ ye Nyùy wíy màʼ e wírí kitu bìʼ vinyo vév ve bi ví.

Joon 8:51

«Vèn wáa kiíy rúrú jii, a wìr yú kinyo kém, yii mo kí dzəə̀n, la ŋgaàŋ yòʼ dzəə wìy kpù.»

Joon 10:28

a m fó dzəʼə̀m yee là may aáwune. A bó yòʼ dzə̀ áwune dzəə nə̀ə́ e lòn, a bó yòʼ dzə̀ wìr faàsì áwune fo mǒ kiwo gheéy.

Joon 3:3

Jesus bìnèr jii, «Kú a kiíy rúrú jii, bó yòʼ dzə̀ wìr shòv sáʼ Nyùy e si, a bó á kfən dzə̀ə́ ŋgaàŋ dzəə́n ji wír wo fíy.»

Ŋgaà Yen 21:8

Yii bèy, ké wìr ámóʼó kí kù jòʼsì ne kimbiirìn ke və̀y fo və́yí bo, baári moo mekàŋ, a dzə̀ kpú yee akàŋ abaà. A kù dzə̀ áwune adzə̀m ve bó á yòʼ‑oò lo kùr shilív, a tiy e mǒ kinyò, e làa yòʼ a way shilív e mǒ wùn, tíy a dzə̀ é vinyò ve kisaŋ vi. Kìn dzə̀ wír wo wù yúyri wír, kìn ŋgaà kinjàŋ, kìn wo viŋkar, kìn wo wù sénin sə́m, kìn wo wù ghvə́m vifá vímóʼ ví ji Nyùy, e lì aŋgàa kimboʼtì adzə̀m.»

1 Tesalonika 1:10

Á kfə́n a fèr sa mo vèn leey fó mbìy, shiy Wán və woo Jesus wo wù‑uù fəərin fó kpu, é wù wiy fó yuv, e tìn vèsən fó ŋgeʼ ye yì wiyì.

Kintaŋ 32:11

‹E ké ru kí, bó wìr fo wír ve vé‑eè loòn fó Ejivi, woo kèʼ fó kiya mbaà, a dù duùn fó mbìy yòʼ wíy shov woŋ woo shooy e si. Woŋ wo wun‑eè kàʼàn ji wun wíy fo e Abraham wùn à Aysi, à Jakov. Bó yòʼ dzə̀ á yèn, bìʼ fo áwune yòʼ‑oò ló a tiy e wun wùn shilív shidzə̀m.›

Galatia 3:10

Vèn wáa kiíy ji wìr dzə̀m wo wù leey ji dzə̀ wun ghèén fo Nyùy ji bìʼ fo wù lem nsər kù li a dzə̀ á lòn. A kí dzə̀ bey, bìʼ fo kí dzəə̀n é Ŋwàʼ Nyùy jii, «Lòné dzə̀ wó wìr wo bó wù yòʼ ŋeevì vinyo vidzə̀m ve vé‑eè saŋen é Ŋwàʼ Nsər, yii mo ví dzəə̀n.»

Ŋwàʼ woó Rom 8:1

Kí nén a dzə jii, wìr wo wù tatin wùn Jesus Kristu bòy ne a fo lǒn vinyò ve bi ví.

Ŋwàʼ Luk 3:6

é wìr dzə̀m nèn wìy yèn mo Nyùy luŋèr wíri.› »

Nsùyrì Nyùy 49:19

Yii bèy, a wù kù wíy jùmrì ŋgwàʼ atàr və́, e tatí áwune ve bó á yòʼ dzə́ə wìy yen rán.

Nsùyrì Nyùy 36:9

Dzəʼə̀m wìr dzə̀me kù lo a dzə̀ fo wò. Rán yée yii, a vèr yén sa rán e věr dzə̀ʼə̀m.

Hibru 10:29

Mo kí dzəə̀n bey, bo bó wìr wo wù leey kfə́ a dzə̀ Wan Nyùy ntéŋ yòʼ wíy a ker ŋgeʼ ye yì shaàn yee shooy feyì à? A dzə̀ wù kù a ker, bìʼ fo wù yii bèy, káy a dzə̀ kpú ye Wàn Nyùy‑iì kpuun, e bóo gwàr *mensaŋ me Nyùy liìn ŋgaàŋ ji və́ə woo wír. Ŋgaàŋ kfə́n a meŋ sa a dzə̀ Kiyoy ke Nyùy ke kí yii, a wìr kiiy mo Nyùy shám wun.

Hibru 2:3

Mo kí dzəə̀n ben, vèsən kfən lò, a meŋ kiŋgaʼnìn ke kinyò ke yiìn Wan Nyùy ji vèsən fiʼ lùŋ, bo dzə̀ vèsən yèe, e bóo bòy fo ŋgeʼ? Kù‑uù tòmbìy, a fìʼtì wun woo Taàtá wòsən Jesus Kristu kinyo kìn, é bo wír ve vé‑eè yuuné wáa fìʼtì, é vèsən wáa kiíy sa mo kí dzəə̀n.

Habakuk 2:4

Èhéè, ntum dzə̀ jii, ‹Ké wìr wo wù kóʼninè, bó shilív sə́ shí yòʼ tíy e kinyò kee réŋ kí. Yii bèy, ké wìr wo wù yúnin Nyùy, wù wíy lùŋ, bìʼ fo shilív sə́ shí kù tíy e Nyùy wùn.› »

Nsùyrì Nyùy 2:12

Vèn wáa bùn wun e shiliv she juŋ shi, fo wù lo, e shwìíy kilòŋ, e laàr ven, bìʼ fo dòʼshwíiy və yii ŋáʼay cér. Bòŋ ké wìr ve á lir e Nyùy sar adzə̀m.

Ŋwàʼ Jov 33:28

Nyùy tìn ne kiyoy kém fo aŋkfəə́ wòŋ, a m kù yíi a dzə sho, e bonén, e yen vishiíy.›

Ŋwàʼ woó Rom 4:15

Kinyo ke dzə̀ nsər kù yiì ki dzə̀ jii, Nyùy lóo sayrí wír fo nsər, shilív shí kù a nyar wun a nyárín. Kù mày cáʼ jii, a nsər‑iì bùŋ, bo bó wíri yòʼ jáy a vinyo e kúmé, tínsin shilív shé Nyùy.

Ŋwàʼ Luk 2:30

Sí yémé yèn ne mo à wíy lùŋèr wíri,

Matio 25:46

Jesus nèn màysì jii, «Vee shooy vee wíri dzə̀ ve á wíy dù e kirə̀ʼ ké ŋgeʼ yee là may, é wír Nyùyi nəə́ kév a dzə̀ é dzə̀ʼə̀m yee là may.»

Maak 16:16

Wìr wo wù biimen, á kfən wày wun e ndzəv wíy lùŋ. Wìr wo wù tenen fó biimé wíy gbù nsaʼ.

Joon 4:36

Wìr wo wù yíi a kav kér vilaʼày, a wù sí káv vifá, báʼti, wáy a dzə̀ é dzə̀ʼə̀m yee là may, a ŋgaà lìm wùn ŋgaà kav yíi tatí, a sheʼrí adzə̀m.

Joon 6:58

Vee shoon vee vifá ve yi vi dzə̀ ve ví loòn rú fó yuv, a bó yòʼ dzə̀ moo ve atǎr ram yéné‑eè yiin, e kù kpùkír vìy. Wìr wo wù yí vin vee vifá ve yi wíy lùŋ, a dzə ghán sidzə̀m.»

Lim Aŋgàa Ntum 14:2

Yii bèy, wír veé Juda ve vé‑eè tenené nèn lò kév, e bayír wír ve bó yòʼ dzəə̀n veé Juda ámóʼó, e bìvír vifií vév, á wáa bàn aŋgàa biimé.

Hibru 3:18

Mo wù‑uù liʼ ji bó wìr yòʼ dzəə́ wìy nəə́ e wùn kirə̀ʼ ké meèmè, wù‑uù lìʼ a dzə̀ ala? Wù kù‑uù lìʼ a dzə̀ áwune ve vé‑eè táv kitú vìn.

Hibru 3:19

Vinyo vìn vi nén a dìn jii, vé‑eè ràn vijuŋ vee shooy, bìʼ fo áwune yòʼ‑oò lo wày shilív e Nyùy wùn, a yu fo fo.