Joon 3:35 - ŊWÀʼ NYÙY

³⁵ Nyùy Tàr koŋ Wán və, a wù wày ne vinyo vidzə̀m a dzə̀ e wùn kiwo.

Joon 3:35 Referans Kwoze

Matio 28:18

Jesus kóʼtí, e sùúy aáwune jii, «Nyùy wày ne sáʼ yeé yuv wùn à yeé nsayi e dzə̀m e mǒ kiwo.

Joon 5:22

A bó Nyùy Tàr yòʼ wíy a tinén nsaʼ wìr wùmòʼ gheéy. Wù fò ne kee shooy kee kilíŋ a dzə̀ e Wan və,

Joon 5:20

bìʼ fo Tàr wov koŋ wun e ŋàŋ, din vinyo ve wù yii sho vidzə̀m. A wù kfə̀n wíy dìn, é Wàn wáa yiì vinyo ve ví shaàn ve vèn yén vìn, é vèn wáa leéy, a ker gháʼ.

Ŋwàʼ Luk 10:22

Jesus kfə́n a suúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bo yòʼ dzə̀ sá wìr kìíy Tàr wor və̀n, kù jòʼsì mo woo Wán wùn à wír ve Wàn shoʼtin ji wun din Tàr wov shóo.»

Joon 17:2

Wò‑oò tàtí ne wír adzə̀m ji á wáa yu a dzə̀ fo mò woo Wán, é m wáa fo dzəʼə̀m yee là may a dzə̀ e vee shooy ve à shoʼon, e fò ji vémé.

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

Efesor 1:22

Nyùy wày ne vifá vidzə̀m a dzə̀ e wun woo Kristu kiwo, e lèm ji kitú ke kintatì ke wìr və́, á wáa yu a dzə̀ fó fo.

Joon 13:3

Jesus wáa dzə, a wù kì kijuŋ ji Tàr wov wày ne vinyo vidzə̀m a dzə̀ e wùn kiwo, a wun‑eè lò fo Nyùy, a wun sí kfə́n a dzə̀ fó,

1 Pita 3:22

e kòʼ é yuv, fo wù dzə́ lèn e Nyùy koy yìyí, sáʼ nshèelav se Nyùy wùn à vitú vév ví, à vifá ve ví kér vitaáví é yuv ví vidzə̀m.

1 Korin 15:27

Kinyo kìn ki dzə̀ kíwun ke vé‑eè saŋen é Ŋwàʼ Nyùy jii, «Nyùy Tàr fò ne wun vitaáví, vifá vidzə̀m vi wáa dzə e wùn sar saʼ.» Yii bèy, mo kí fə̀m dzəə̀n ji vifá vi sì e wùn sar saʼ, aá kì ji bó yòʼ dzə̀ Nyùy wo wù foon sáʼ yee shoon kfə̀n a dzə saa e sar saʼ foo fèy.

Nsùyrì Nyùy 2:8

Lón mo, é m fó vitúm vìn vidzə̀m ji vitsə́ʼ vé, é kitú ke nsay kidzə̀m ki wáa dzə ké.

Hibru 1:2

Wáa dzə lèn wo ndzə sí wìy a mày, wù nen tùm a dzə̀ Wán və, wù wáa tiisí kinyo kfə́ e vèsən. Dzə̀ Wán və və̀n wo wù‑uù foon vitaáví shó, wù bóm ndzə. Wù kfən lèm ji wù wìy yòv ndzə yee shooy e dzə̀m, a saʼ.

Joon 17:26

Mò‑oò lo yiì, áwune kiíy sá wò woo Nyùy, a m kù wíy a yiì, aá wáa kiíy, e fíʼ a kòŋ mo réŋréŋ mo à koŋ mo, é m wáa dzə aáwuné meliv.»

Joon 17:23

Mo wòsò dzəə̀n kintatì, vèr áwune lóo dzə sa kintatì, aáwune nèn màysì, e tàtí ŋkuuŋkùŋ, a dzə ji kitú kimòʼón, é wír veé ndzə fène yén ji ntum ye mò‑oò loòn dzə̀ rú ye, e kfə̀n yèn sá ji à koŋ wír vìn réŋréŋ mo à koŋ mo.

Joon 15:9

«Mo Tàr wor koŋ mo, dzə̀ réŋréŋ mo m koŋ sa ven. Vèn ku nèn a yiì vinyo a dzə̀ ve dzə̀ m wàa kòŋ ven.

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»

Matio 3:17

Jì wìr súŋnín fó yuv jii, «Və̀n dzə̀ Wán wom, m koŋ wun feyì, m shéʼri wun e ŋàŋ.»

Aysaya 42:1

Nyùy Tàr suuy jii: «Vèn yén, ŋgaà wom lìm və̀ne, wun wo m tómé. Dzə̀ wun wo m shoʼon, a shilív shém shí tíy a dzə̀ é wùn wó. M fò ne Kiyoy kém, kí wáa shìy wun, a wù wíy dànèr vitúm, aá wáa ker sáʼ yee réŋ.

Ŋgàn 8:30

Mò‑oò tíy e wun si ji wír və lìm woo jwáʼ, shéʼer wun kishiíy kidzə̀m, séŋ, yú vijuŋ e wun si ghán sidzə̀m,

Kèʼlo 41:55

Vifá ve yi vi kèʼ, e lòo dor fo wír veé Ejiví wo, á nèn a toŋ jíŋ e Farao. Wù suúy aáwune adzə̀m jii, «Vèn du fo Joosev wùn, wù suuy ke wù suuyin, vèn yiì a dzə̀ kíwun.»

Kèʼlo 41:44

Wù kfən sùúy e Joosev jii, «Mo m fə̀m dzəə̀n fon bèn, bó yòʼ dzə̀ wìr yiì kinyo e wòŋ Ejiv e dzə̀m, a bó ŋgaàŋ sə́ vitaáví a dzə̀ fo wò.»

Daniel 7:14

Á fó wun vitaáví vé saʼ, e fò wun vikuʼùy, wù wáa saʼ vifon, é wìr dzə̀m fíʼ a lìm fo wun, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Sáʼ rəə́ dzə̀ sáʼ, a yí kù wíy a tiy fo, a bó yòʼ dzə̀ yí wìy mày. Vifon və́ ví dzə̀, a bó yòʼ dzə̀ kifá ki wìy laàr.