Joon 3:34 - ŊWÀʼ NYÙY

³⁴ bìʼ fo wìr wo Nyùy tumen və̀n súŋnin a dzə̀ jí se dzəə̀n sé Nyùy, mo wù‑uù foon Kiyoy kfə́ shó là mfìʼ.

Joon 3:34 Referans Kwoze

Lim Aŋgàa Ntum 10:38

Vèn kù‑uù lo yù ji Nyùy‑iì fò Kiyoy ke Ranén kí e Jesus woó Naasarer woo shooy, e kfə̀n fò wun vitaáví, a shìy wun, wù wáa ghan virə́ʼ vidzə̀m, a yiì vinyo ve juŋ vi, a fèr wír ve vé‑eè yén ŋgeʼ e Satan wo.

Joon 15:26

«Yii bèy, Ŋgaà Sə wo m suuyì wíy wìy, a wù lò a dzə̀ fo Tàr wor, a dzə̀ Kiyoy kfə́ ke kí yii din kinyo ke dzəə̀n ke ru kí. A wíy lon mo fo Tàr wor, e bóo tum fo vèn. Wù wíy wìy, é wù fiʼti e wíri mo m dzəə̀n,

Matio 12:18

«Vèn yén ŋgaà wom lìm wo m shoʼon. M koŋ wun e ŋàŋ, a shilív shém shí tíy a dzə̀ é wùn wó. M wíy fo Kiyoy kém shó, é wù wáa fìʼtì sáʼ ye dzəə̀n yee réŋ e vitúm ve bó yòʼ dzəə̀n wír veé Isray vi.

Kolosia 2:9

Kristu dzə̀ kinyo kidzə̀m ji Nyùy. Mo wù‑uù liìn mbom wìr, vinyo ve Nyùy vi nén a yensín e wun wùn vidzə̀m.

Joon 5:26

A kí dzə̀ bey, bìʼ fo Nyùy Tàr wo kù yii wun, bo wíri wáa lùŋ, foon ne sa vitaáví vee shooy e Wan və.

Ŋwàʼ Luk 4:18

«Kiyoy ke Nyùy Tàr kí shiy mo, bìʼ fo kí yoʼon ne mo, e tùm ji m wáa fìʼtì sáʼka wo juŋ e vé ŋgeʼe, a tiisí e wír ve á koon é shùu rərí ji á yíi bòyìr áwune fó vikwàn, e kfə̀n a fìʼtì aàmfìri ji á wíy mvə̀ʼtì sí yév. Kí kfən tùm mo ji m fəə́r wír ve á nəʼsì áwune fó ŋgeʼ,

Kolosia 1:19

A yì‑iì sìysì Nyùy bèy, bìʼ fo wù‑uù taʼ ji Wan və kú a dzə réŋréŋ vinyo vidzə̀m ji wun,

Ŋwàʼ woó Rom 8:2

Mo m tatin vèr Jesus Kristu, Kiyoy ke kí fó dzəʼə̀m yee là may ki sí lim e mǒ wùn, a m sí yú lèn a dzə̀ fo rə́ə yee nsər. M bòy ne fo nsər ye yì‑iì lim e mǒ mensə, ŋáʼar vinyo ve bi ví, wáy mo wáyín é kpu.

Joon 7:16

Jesus lò, e sùúy jii, «Kinyo ke m yéʼey kìn ki yòʼ lò fo mò, dzə̀ ké ŋgaà wo wù tumen mo.

Joon 3:17

A bó Nyùy yòʼ tùm Wán və é ndzə fèn ji wù wáy wíri a dzə̀ é lòn. Wù tùm ji wù yii, é wíri luŋ.

Joon 1:16

Mo ŋgaàŋ wìyìn, vèsən adzə̀m nén a yu vijuŋ, bìʼ fo wù kòŋèn vèsən, e bùʼ e vijuŋ vi, e tòm e mbùʼmé.

Efesor 3:8

Wù‑uù fò lim yee shoon a dzə̀ e mò və̀n, mo wo m dzəə̀n bám fo wír vəə́ adzə̀m. Wù‑uù tùm mo ji m wáa ghan fo wír ve bó yòʼ dzəə̀n veé Israyi, a fìʼtì a nyanyày vijùŋ wo Nyùy fó e wír ve á tatin wùn à Jesus Kristùu adzə̀m.

Joon 8:47

Wìr wo tàr wov dzəə̀n rú Nyùy yii yuúri kinyo ke Nyùy suuyì. Vèn yòʼ dzə̀ wón Nyùy gheéy. Á kinyo ke kí yiìn, bo vèn wáa ten fó a yuurí.»

Ŋgaà Yen 22:1

Nshìylav Nyùy rə̀y nèn dìn mo ndzə́v ye wìr nó, wù wàa ker dzəʼə̀m yee là may. A yí rán ji rèéŋ moo kileèy, fəə́ fo sar kàvàʼ wo dzəə̀n wo Nyùy wùn Wàn Njiì və,

Joon 16:7

A m suuy ven kinyo ke ru kí jii, lo ye m lo rə̀ne dzə̀ vishí vén ve juŋ vi. A m dzə̀ là fóo dù, bo bó yòʼ dzə̀ Ŋgaà Sə wo m kì yoŋ və̀y wìy wìy fo vèn. Kù wíy dù mo, e bóo tsənsí.

2 Afòn 2:9

Áwune túm bey, Elija suúy e Elisha jii, «Suúy kinyo ke à taʼ é m yii e wò ki, é bo á sə́ mo fo wò.» Elisha bìnèr jii, «Kii wò, ku fò mbìv sí e mò sibaà fo wò vitaaví, é m li kirə́ʼ ké.»

Kintaŋ 11:25

Nyùy Tàr nèn sə̀ʼə́y e mvə̀m mbàʼ, e sùŋnín e wun, e fàr mbìv kiyòy rə yìmòʼ, e fò e vilìmbìy vee msaàmbà vìy vi. Mo kiyoy ki beèn aáwuné wùn, á nèn a tiisí ntum ye yì lo fo Nyùy. Á tiísí, yì ku nèn ghèén bèy.

Ŋgaà Yen 21:6

Wù kfən sùúy e mò jii, «Nsìysì wom ghèén ne lán e dzə̀m. Dzə̀ mo *Alfa wùn *Omega, a dzə̀ jii, Keʼ wùn à Kinjòʼsì kí. M wíy a fo mendzə́v me dzəə̀n dzəʼə̀m yee là may e wìr wo kilòŋ kí yúm e dzə̀m, a mè fəə́ fo mǒ dàn ghán sidzə̀m, aá nó kisáŋ,

Joon 8:40

M fiʼtì kinyo e vèn a dzə̀ ké ru kí, a m yù a dzə̀ fo Nyùy, a vèn kù taʼ ji á yúyrí mo yúyrín, a bó yòʼ dzə̀ mo Abraham‑eè yii.

Aysaya 59:21

Nyùy Tàr kfə́n a kàʼ aáwune jii, «Fo kém kí, m wíy gwàr *mensaŋ vèsən jii, Kiyoy kém ke kí dzəə̀n e věn meliv kí kù wíy a dzə vèn áwune, e dù, e jòʼsì, é vèn kú a ruvtí jí sém se m yeʼeyin ven shó. Wón véné yòʼ wíy a yàr fó a ruvtí, à wón won véné shó. Á yòʼ wíy a yàr fó a rə̀tì sho, e kèʼ fo lèn, e dù, e jòʼsì.»

Nsùyrì Nyùy 45:7

Á kù koŋ a dzə̀ vinyo ve réŋ ví, ban yii ye bií. Á nsàv a ye Nyùy woo Nyùy və shoʼon á wun, e yòʼ, á wáa yu a vijuŋ e shaà a awàʼ və́ adzə̀m.

Lim Aŋgàa Ntum 1:2

e meé e ghan se wù‑uù koʼon é yuv. Bo wù wáa koʼ e yuv, wù‑uù beè Kiyoy ke Ranén kí, e tìr aŋgàa ntum və́ ve wù‑uù shoʼtin.

Cù 7:35

Fo cù ye á yii ji yé Nyùy Tàr ye və́yí bin fo fo, á mbìv ye vé‑eè shoʼon ji ye Aaron wùn à wóné, e kèʼ fo ghan se vé‑eè yoʼon áwune ji atàá cù Nyùy Tàr.