Joon 3:33 - ŊWÀʼ NYÙY

³³ Yii bèy, a wìr wo wù biíme kù yòʼ din ji kinyo ke Nyùy yii kìn ki dzə̀ ke ru kí,

Joon 3:33 Referans Kwoze

Hibru 6:17

A dzə̀ sá mo Nyùy‑iì kàʼàn Abraham, e kfə̀n lìʼ ji wón və́ ve á wíy siíy, a shìy ŋkàʼmé woo shooyi wáa kiíy kijuŋ a ji bó yòʼ dzə̀ wun kùvsín kinyo ke wun‑eè sìysìn ji wun wíy yiì.

Efesor 1:13

A kù dzə̀ sá mo kén kí dzəə̀n, ven ve bó yòʼ dzəə̀n wír veé Isray. Vèn‑eè yù sáʼka woo rú woo kùm Jesus Kristu wo dzə̀ wù lùŋèr ven, e wày shilív é wùn wó. Mo vèn à Kristu siìn kintatì, Nyùy nen fò ven Kiyoy kfə́ ke Ranén kí ke wù‑uù yiìn ne kàʼ wír və́ shó. Wáa dzə kisəəm ke wù səə̀mèn ven shó ji və́ vee wír,

2 Korin 1:22

e səə̀m ji wír və́, e kfə̀n wày Kiyoy kfə́ ke Ranén kí e vèsə́n meliv ji sàʼ vijùŋ ve ví dzəə́ wìy a wìy.

2 Korin 1:18

Bó yòʼ dzə̀ bey. Mo Nyùy kù yii suuy a dzə̀ kinyo ke ru kí, kù dzə̀ mo kinyo ke vèr suuy e vèn kí dzəə̀n, a vèr yòʼ binbìnè.

Joon 6:27

Lá vèn yòʼ a way vifií é vifa ve yi ve wìr yí, bo wù kù dzəə́ wìy kpu. Vèn wáa way vifií a dzə̀ é vifa ve yi ve ví fó dzəʼə̀m yee là may. Kù fó ŋgaà wo yírí dzəə̀n *Wanwìr vee shooy vee vifá ve yi, bìʼ fo Nyùy Tàr wayin kisəə́y ké lìm yee shooy a dzə̀ e wùn kiwo.»

Joon 8:26

A kì dzə̀ m wàa suúy vinyo vinín, a sayrí vinyo vén. Yii bèy, a m fiʼtì kém kinyo e wír veé ndzə fène a dzə̀ ke mò‑oò yuun fo ŋgaà wo wù‑uù tumen mo, a vinyo və́ ví kù yii dzə́ ve ru ví.»

Ŋwàʼ woó Rom 4:11

Á nèn wìy a naŋsín a dzə̀ fó bàm ji wáa dzə kisəəm ké kinyò ke Nyùy‑iì yiìn, a wù dzə̀ə́ là náŋsín. A kí dzə̀ jii, Nyùy kù‑uù lì á wun líin ji wír və, bìʼ fo wù‑uù wayin shilív e wun wùn. Abraham nén a dzə ji tàr à wìr dzə̀m e kinyò ke Nyùy. Wù dzə̀ wo wìr ve á wáy shilív e Nyùy wùn, a wù li áwune ji wír və́, a bó á yoʼ fə̀m nàŋsín.

Ŋwàʼ woó Rom 15:28

Kí nén a dzə jii, m wíy dù, wáy mbàm sìn aáwuné kiwo, é m nèn lì dzə́ə, a dù e wòŋ woo Spen. Lóo dù, é m shaa, e ghàn ven.

1 Korin 9:2

A wír ámóʼó fə̀m lò, a kìnèn ji bó m yòʼ dzə̀ rú ŋgaà ntum Jesus Kristu, bo bó yòʼ dzə̀ vèn kìnèn. Mo yiìn mo, bo vèn tátí vèn à Tàr wòsən Jesus, bo vèn dzə̀ kisəəm ke kí din ji m dzə̀ rú á ŋgaà ntum Jesus Kristu.

Efesor 4:30

Lá vèn yòʼ a yiì kinyo ke Kiyoy ke Ranén kí wáa yu ntéŋ, a sòv kitú. Vèn wáa kuumé ji Kiyoy ke Ranén kin ki dzə̀ kisəə́y ke Nyùy‑iì foon e vèn ji kishiíy kí wíy gheén, é wù luŋèr ven ŋkuuŋkùŋ.

2 Timoti 2:19

Yii bèy, a bó yòʼ dzə̀ kifá ki sə̀ʼ kinsə̀ŋ ke Nyùy wayin gheéy, aá sàŋ shó jii, «Nyùy kì wír ve dzəə̀n ji və́,» e kfə̀n sàŋ jii, «Wìr dzə̀m wo wù suuy ji wun dzə̀ wir Nyùy, kù kér fó a màʼtì vinyo ve kisaŋ vi.»

1 Joon 1:10

Kí nen kfə̀n a dzə sa jii, wír wo wù kinèn ji bó wun yòʼ‑oo jáy ne kinyo sí yoŋ Nyùy a ji ŋgaà kimboʼtì, a bó wù yòʼ yú kinyo ke Nyùy suuyì.