Joon 3:32 - ŊWÀʼ NYÙY

³² wù nén a fìʼtì sa a dzə̀ vinyo ve kù‑uù yén wun, kfə̀n yú e vituʼùr və́ ví. A bó wíri yòʼ fə̀m biíme kinyo kfə́ gheéy.

Joon 3:32 Referans Kwoze

Joon 3:11

Kú a kiíy rú jii, vèr súŋnin vinyo vìn a dzə̀ ve wíri kiìn mo ví dzəə̀n, kfə̀n fer ve á yén mo ví kooyì, a bó ven vee aŋgàa yeʼéyi yòʼ biíme kinyo ke vèr fiʼtì.

Joon 15:15

M yòʼ dzəə́ yoŋ ven ji wónlè vém. Wónlě wìri dzə̀, a bó á yòʼ kì vinyo vidzə̀m ve Tàr wov yii. Vèn sì kén ji ŋkar sém, bìʼ fo m fèrìn ne vinyo ve mò‑oò yuun fo Tàr wor vidzə̀m e vèn.

Joon 1:11

Wù‑uù wìy, e dù a dzə̀ e wír ve wù‑uù shoʼon ji vəə́ wòŋ, la áwune yòʼ a yen wun gheéy.

Joon 8:26

A kì dzə̀ m wàa suúy vinyo vinín, a sayrí vinyo vén. Yii bèy, a m fiʼtì kém kinyo e wír veé ndzə fène a dzə̀ ke mò‑oò yuun fo ŋgaà wo wù‑uù tumen mo, a vinyo və́ ví kù yii dzə́ ve ru ví.»

Joon 5:20

bìʼ fo Tàr wov koŋ wun e ŋàŋ, din vinyo ve wù yii sho vidzə̀m. A wù kfə̀n wíy dìn, é Wàn wáa yiì vinyo ve ví shaàn ve vèn yén vìn, é vèn wáa leéy, a ker gháʼ.

Joon 3:33

Yii bèy, a wìr wo wù biíme kù yòʼ din ji kinyo ke Nyùy yii kìn ki dzə̀ ke ru kí,

Joon 3:26

Wón lìm Jooné nèn lò, e dù, e yèn wun, e yòŋ jii, «Ŋgaà Yèʼey, kuúmé wír wo vèn wun‑eè dzəə̀n é ndzə̀n ndzə̀v yee Jordan, aà din e wíri və̀y. Və̀sə lèn mo wù sí wáy sa wíri é ndzəv, a wìr dzə̀m sí du a dzə̀ fó.»

Aysaya 53:1

Yii bèy, wìr dzə̀ shó wo wù biimen ntum ye vèr tiísi a? Wìr dzə̀ shó wo wù yenen vitaáví vé Nyùy Tàr é kinyò fèn, e səə̀m a?

Aysaya 50:2

Mò‑oò wìy ji m luŋer ven, yiì ka, la wìr yòʼ a dzə wóo yuurí? Yì‑iì yiì ka, é bo m wáa suúy kinyo, é la wìr mòʼón yòʼ a bìnèr fo věn mvəm? Vèn kwaʼ ji bó m yòʼ kér mbòv wóo tin ven shó fo vikwàn, a bó m yòʼ kér kitar kée bòyìr ven shó à? A dzə̀ m sùŋnín suŋnín, rìbà ndzə̀v yùm, ndzə́v sí yùm, sə́ si toòŋé kilòŋ ke yumén kí, e kpùkír.

Matio 7:8

Vèn wáa kiíy jii, wìr wo wù kooy kifá dzə̀ á wo wù lóné. A wìr wo wù taʼ kifá yíi yen, aá mvəʼ shúu lav, é wìr wo wù kumrì nəə́.

Joon 18:37

Payler nèn sùúy sho jii, «Kí bo dzə̀ rú ji à dzə̀ fon wùmòʼ?» Jesus bìnèr jii, «M dzə̀ fon rú mo à suuyì. Dzə̀ kinyo ke vé‑eè dzəən mo shó, a mò‑oò wìy é ndzə fèn ji m fiʼ dìn kinyo ke dzəə̀n ke ru kí e wíri. Wìr dzə̀m wo wù koŋ kinyo ke ru kí, nén a yuurí kinyo kém.»