Joon 3:30 - ŊWÀʼ NYÙY

³⁰ Vinyo və́ ví kér fó a dù fo mbìy, é vém ví wáa kfən fo bàm.»

Joon 3:30 Referans Kwoze

Kolosia 1:18

A kfə̀n dzə̀ wun kitú ke kintatì ke wìr Nyùy ke dzəə̀n ji wún və́. Kù‑uù yiì wun, bo kintatì kìn ki keʼ a dzə, bìʼ fo dzəə̀n wun wir mbìy wo Nyùy‑iì fəərin fó kpu, nén a dzə wun wo wù tíy mbìy vinyò vidzə̀m.

1 Korin 3:5

M nén a dzər e vèn jii, Por sà dzə̀ la, Apolor la, bo vèn wáa yiì bèy a? Vèr wun vìn kù dzə̀ cáʼ ji aŋgàa lìm Nyùy ve á yiìn, bo vèn wáy shilív e Jesus wùn. A wìr fo vèr kù yii a dzə̀ rə́ yee lim ye Nyùy dìnèn.

Aysaya 9:7

Sáʼ rəə́ kù wíy a kuy, a dù duùn fó mbìy, a kitúm kfə́ kí kù wíy a neŋ e mvə̀m vikùʼùy ji dèʼ. Wù wíy a saʼ ji njìlaʼ Fòn Davir, e kù a tiy a dzə̀ é kinyò kee réŋ kí, a saʼ vifon və́ tìítiy, là kiloʼ, a bó sáʼ rəə́ yòʼ wíy mày. Nyùy Tàr woo Taà Mànjòŋ kù wíy yiì kinyo kìn bìʼ shíi və.

Ŋgaà Yen 11:15

M kfən yiì lòo yen, nshìylav Nyùy ye yì meen ji saàmbà tóŋ rə́ yee sóŋ. M yú, a jí si yor e yuv, jaŋ jii, «Ndzə dzə̀ lèn e dzə̀m, a wíy a saʼ Tàr wor Nyùy wùn Wan və woo *Mfə̀ə́r, a saʼ ghán sidzə̀m, viyá viyá là may.»

Aysaya 53:12

Bìʼ bey, m wíy bùʼ wun, e fo ghay, é wù wáa jàv vifá ve á kuuyin fó kwaʼ rər e kfə́m sé wìr si. M wíy yiì bèy, bìʼ fo wù‑uù foon kitú kfə́, e kpù bìʼ wíri, e biìmé ji á tátí wun wùn à vé jayi. Wù‑uù bèʼèy ajay wìr anín, e kfə̀n tìím mbìy, ji á ku làysìn ajay vév.»

Joon 3:29

Wìr wo wù kooy jín dzə̀ lum jìn. Ŋkar rə lóo tiy fo ghaŋ, lóo yu mo wù yoŋrì, wù wàa sheʼrí sheʼrín. M nén a dzə sa moo ŋkar lum jìn, a sheʼrí lèn feyì.

Joon 3:31

Wìr wo wù loòn a dzə̀ fó yuv, shaà wir dzə̀m. Wìr wo wù loòn kfə́ a dzə̀ fó nsay fèn, kú a dzə ji wír woó nsay, nèn fer sa a dzə̀ vinyo veé nsay. Mo wìr wo wù loòn fó yuv shaàn wir dzə̀m,