Joon 3:29 - ŊWÀʼ NYÙY

²⁹ Wìr wo wù kooy jín dzə̀ lum jìn. Ŋkar rə lóo tiy fo ghaŋ, lóo yu mo wù yoŋrì, wù wàa sheʼrí sheʼrín. M nén a dzə sa moo ŋkar lum jìn, a sheʼrí lèn feyì.

Joon 3:29 Referans Kwoze

Hosea 2:19

«Isray, m wíy way wò e lav ji wíiy wom. M wíy a suúy suuyrú e wò, a yiì vinyo vee réŋ ví e wò. M wíy dìn koŋ yém ye ruú wùn à shammèndzə̀n wom e wò, e lì wò ji wíiy wom, é wòsò goʼ ŋkuuŋkùŋ.

Matio 9:15

Jesus bìnèr jii, «Vèn kwaʼ ji dzə̀ wíri dù vijín, wùn à lùm jìn wàa dzə, á kfə̀n a ser e vifù á? Yii bèy, vèn wáa kiíy jii, ghán sí wíy gheén, á faasì lum jìn və̀n fo vé vijiné, aáwune nèn a dìy, a lèm jíŋ.

Esiker 16:8

«M kfən lòo shaà, e ké ru kí, e yèn, aà kúy ne, e mèé e viya ve viŋgòn, m nèn bvə̀r shúu ndzə̀y, e sùm wò sho, e sə̀tí kinshóʼ ké. Rúrú, m nen yiì kilìʼ wòsò, e suùsín e kitu ke *mensàŋ, à nén a dzə ji wóom woo wír. Suuy mo woo Nyùy Tàr woo Taà Ndzə.

Aysaya 54:5

Lum wò kù dzə̀ə́ wun woo Ŋgaà Mbom wò. Yír yémé dzə̀ Nyùy Tàr woo Taà Mànjòŋ. Dzə̀ mo Ŋgaà wo Ranén woó Isray, a tìn mo wò fo ŋgeʼ, a kù sáʼ mo kitú ke nsay kidzə̀m.»

Ŋgaà Yen 21:9

Nshìylav Nyùy yìmòʼ nèn wìy, e yèn mo, a dzə̀ yìmòʼ fo see saàmbà sìy se sí kì kér kighín ké lòn kee saàmbà, a dzə̀ lòn wo wú jòʼsìn bám. Wù wìy, e sùúy e mò jii, «Wìyi, é m din wò jín wo dzəə̀n wiíy Wàn Njiì Nyùy.»

Filipi 2:2

Mo kí dzəə̀n bey, m nén a lon ji vèn ku yiì, é m maysi, a sheʼrí. Vèn kú a kwàʼtì kinyo kén kimòʼón, a kòŋnìn, e suùsín, a dzə shuu mòʼón.

Joon 16:24

Kèʼ mo vèsən‑eè dzəə̀n, e meé lèn, vèn yòʼ‑oò yiì ne lòn kifá fo Nyùy e mǒ yir. M nén a suúy e vèn lèn jii, vèn wáa lon rì bèy, é Nyùy wàá fó, é kishéʼrì ki nèn màysì, e rùn e věn meliv.

1 Joon 1:4

M nén a saŋ vinyo vìn fo vèn lèn ji vèn tátí sá bèy, é vèsən wáa sheʼrí a ghán sidzə̀m.

2 Korin 11:2

Vèn wáa kiíy jii, m kíyri ven mo Nyùy kìyrí wír və́, bìʼ fo m juùrìn ne ven e Kristu ji kù sì wun lúm won, a m yòʼ taʼ ji wìr wo sən kfən kùm ven.

Ŋwàʼ Luk 15:6

Wù mee fo laʼ, é wù nèn jàŋrì ŋkar sə́ wùn à wír vee wùn gwaaneé jii, ‹Vèn wiy, é vèsən wáa sheʼrí njiì wom wo wù‑uù làyìn, m kfən yèn.›

Yòv Viŋgér 5:1

Shilìv shem, yeè lav wòm, m nə̀ə́ ne e mǒ kiboo, a m sí kéŋ vikwiíy ve rəʼtìn ví. M sí kéŋ *nard wom, kéŋ *mer. M sí lá vilu vém ve ví koon shuu wóm, nyoóŋe gham, a m sí nó meluʼ mem, nyóŋ vín yém. Kweʼfèné, vé kikòŋnìne, vèn ku yì kikoŋnìn kén kí, e yù. Vèn ku nò kikoŋnìn kìn e njà melùʼ, e shaàsìn.

Matio 25:1

Jesus nèn kfə̀n a suúy jii, «A dzə̀ á fìʼsìn sáʼ Nyùy e ŋgàn yìmòʼ yee kùm wónlě ŋgòn ve vé‑eè fəən, a dù ji á səə́si lúm jìn. Vé‑eè dzə̀ wír e ghvə̀m, á lòo fəə, e sə̀ʼ lam sév, e dù, a shìy e dzəə.

Jeremia 2:2

«Dù, a tiisí, é wìr dzə̀m woó Jerusalem wáa yu ji mo woo Nyùy Tàr suuy a jii: « ‹Isray, m kuúme mo wò‑oò wayin shilív e mǒ wùn, aà dzə̀ə́ ji wánlè ŋgòn. Wò‑oò koŋ mo é ghan se wòsò‑oò tatin vijín. Wò‑oò jumrì mo é kirə̀ʼ ké woʼ kí, nsay, a bó kifá ki yòʼ kúy sho.

Aysaya 66:11

é vèn fiʼ nə̀ə́ e vikùʼùy ve Nyùy Tàr bùʼùn Jerusalem sho, réŋréŋ mo wàn yii nyóŋ vín kiyìy, yí yiì, wù kùr.»

Yòv Viŋgér 3:11

Óò vikìy veé Jerusalem, vèn ku fəə̀kír, e yèn Fòn Solomon. Wù sòv ne ntáráʼ wo yè wov‑iì bùʼùn wun sho, ntáráʼ wo wù‑uù bùʼùn wun sho e kishiíy kfə́ ké vijin, kishiíy kfə́ ké kisheʼrì.

2 Joon 1:12

Vinyo vi dzə̀ vinín ve kì dzə̀ m sùúy e vèn. Yii bèy, a bó m yòʼ sáŋ a dzə̀ é ŋwàʼ fèn. M leey ji kintóʼ ki fəə́sín, é m wiy, e ghàn á ven. Vèsən lóo dzə fo si, é bo m fer vinyo vee shooy e vèn vidzə̀m. Vèn yú, é vèsən nèn màysì, a sheʼrí.

Joon 17:13

«Mo m sí kfə́n fo wò wùn lèn, m nén a lon vinyo vìn vidzə̀m, a m dzə̀ə́ e ndzə fèn, é kishéʼrì ke m yii kér e mǒ shiliv kí maysi, e rùn sá aáwuné meliv.

Matio 22:2

«Sáʼ Nyùyi dzə̀ moo kinyo ke fòn wo wù‑uù kàʼàn vijín vé wiiy wàn.

Joon 3:30

Vinyo və́ ví kér fó a dù fo mbìy, é vém ví wáa kfən fo bàm.»

Joon 15:11

M sùúy ne vinyo vìn e vèn ben, é kishéʼrì ke kí dzəə̀n e mǒ shiliv kí fíʼ a dzə sa e věn meliv, é vèn maysi rú, a ker kishéʼrì.