Joon 3:28 - ŊWÀʼ NYÙY

²⁸ Vèn‑eè lo yù sá mo m suuy ji bó m yòʼ dzə̀ *Mfə̀ə́r wo Nyùy‑iì kàʼàn. Nyùy‑iì tùm mo ji m shém a dzə̀ fó mbìy.

Joon 3:28 Referans Kwoze

Joon 1:20

Joon dù, e làa yòʼ mèʼmèʼ lám. Wù ku nèn bàʼ fo shuù jii, «Bó m yòʼ dzə̀ *Mfə̀ə́r wo Nyùy‑iì kàʼàn.»

Joon 1:23

Wù bìnèr jii, «M dzə̀ wír wo Aysaya woo ŋgaà ntum Nyùy‑iì saŋen jii, ‹Jì wìr fúŋ fo kwaʼ jii, á naari dzə́ə Tàr, é bo wù wáa wìy.› »

Malakay 3:1

Nyùy Tàr woo Taà Mànjòŋ wáa bìnèr kfə́ jii, «Vèn yuúrí, e yù, m wíy tsənsí ŋgaà wom ntum fo mǒ mbìy, é wù wiy, e nàŋsín dzə́ə. Á bèy, é Taà Saʼ wo vèn shiyì nèn sàsìn, e bvə̀y e wun lav cù. Rúrú, ŋgaà ntum wo wù fiʼtì *mensaŋ mem, a vèn tiir vifií shó, sí wiyì.

Matio 3:3

A dzə̀ wun woo Joon wo Aysaya woo ŋgaà ntum Nyùy‑iì fiʼtì jii: «Jì wìr fúŋ fo kwaʼ jii, ‹Á náŋsín dzə́ə Tàr, e naàrì, é bo wù wáa wìy.› »

Joon 1:25

á nèn kfə̀n dzə̀r jii, «Mo à buŋen fó Mfə̀ə́r, e bùŋ fó Elija, e kfə̀n bùŋ fó Ŋgaà Ntum Nyùy wo á shiyì, yiì ka, bo à wáa way wíri é ndzəv?»

Ŋwàʼ Luk 1:76

Wàn, á wíy a yòŋ wò ji *ŋgaà ntum Nyùy woo Taà Vitu, bìʼ fo à wíy shem e Nyùy Tǎr mbìy, e naŋsín dzə́ə rə.

Joon 1:27

Wù wíy kèʼ kfə́ kee kinyo fo mǒ bàm, a bó m yoʼ fə̀m mèé e wìr wo dzə̀ wù bvə̀tì akfəə̀ və́ lábáʼ.»