Joon 3:27 - ŊWÀʼ NYÙY

²⁷ Joon bìnèr jii, «Kù fó Nyùy lim wìr ye wù wáa lìm.

Joon 3:27 Referans Kwoze

Jeem 1:17

Vèn wáa kiíy jii, vinyo ve dzəə̀n ve ru vidzə̀m ve dzə̀ ví wàa fo vijuŋ vi kù lo a dzə̀ á fo Nyùy. A tsə́nsi wun woo Ŋgaà Mbom wo rán e dzə̀me lo a dzə̀ fó fo. A bó yòʼ dzə̀ wù kùvsín mo shùy yii lo, yì kèvrín, ndzə sə̀n wíri é ghan símóʼ sí gheéy.

1 Korin 4:7

A bó wò woo wír wo à tíy fo mbìy və̀n yòʼ fə̀m dzə̀ jeéy fo wùmòʼ. Vinyo ve à kiìn vidzə̀m vi yòʼ dzə̀ ve foon Nyùy e wò à? A dzə̀ à yèe, e bóo kfə̀n a ràʼsì wún shó, mo bó á yòʼ fò wò foón?

1 Korin 15:10

Yii bèy, Nyùy kú a kòŋ mo, a sham mo, bo m wáa dzə mo m dzəə̀n lèn bèn. A bó nshámmé və woo shooy yòʼ‑oò lo lày kisáŋ. M lò kém fó fo, e nèn lìm, e shaà aŋgàa ntum Kristu ámóʼó adzə̀m. A bó yòʼ dzə̀ ji mò‑oò yii lim rə̀n a dzə̀ fo mǒ vitaaví. Mò‑oò lim a dzə̀ mo Nyùy‑iì buʼ mo, a m limè.

Amos 7:15

Yii bèy, Nyùy Tàr nèn tsə̀ʼ mo fó bǎm njiì wo mò‑oò shiyì, e yòŋ e mò jii, ‹Dùu, a fìʼtì kinyo kém kí e wír vém veé Israyi.›

Matio 25:15

Wù‑uù jàv, e fò sé wìr mo dzə̀ wù kìíy kér. Wù‑uù fò sé wìr wùmòʼ vibam vitàn, e fò sé wùmòʼ vibam vibaà. Wùmòʼ, wù fó shó kimòʼón. Mo wù jàvìn bey, e nèn a dù ghán rə́.

Jeremia 17:16

Bó yòʼ ghíʼ mo wò ji à tsə́nsí ŋgeʼ e wír vìne. M yòʼ‑oò ló a dìy ji ŋgeʼ si koóy áwune. Wówò, à kì kinyo ke kí fəən fo mǒ shuù, kí dzə̀ e wò si tèéter.

Jeremia 1:5

«Mò‑oò kìíy ne wò, e bóo wìy a bom wò e yè wón bvə̀m. É bo á wìy a dzəə́ wò, a m lém ne wò ji wír woo jeéy. Mò‑oò shòʼ ne wò ji à wáa tiisí ntum yem vitúm vidzə̀m.»

Kintaŋ 17:5

Wìr wo m shoʼon, bo mbàŋ rə yíi tokír, é m nèn sə̀r kinyam ke wír veé Israyi nyam wò sho.»

1 Timoti 2:7

Jesus Kristu nèn lì mo ji ŋgaà ntum və ji m wáa fìʼtì a dzə̀ kinyo kee shoon. Wù‑uù lo lì mo rú, a bó m yòʼ bóʼti. A wù‑uù lì jii, m wáa yeʼéy wír ve bó yòʼ dzəə̀n veé Isray kinyo ke dzəə̀n ke ru kí, aáwune wáy shilív e wun woo Kristu wùn.

Matio 21:25

Wù nèn dzə̀r jii, «Kinyo ke Joon‑eè fiʼtì, wáy wíri é ndzəv kí‑iì lò fo Nyùy moo fo wìr a?» Áwune yú kee shooy, e nèn kèʼ, a kìŋnìn jii, «A vèsən bìnèr ji kí‑iì lò fo Nyùy, é wù nèn dzə̀r jii, sà‑aà yiì ka lèn fo vèsən biímé kinyo ke Joon á?

Ŋwàʼ woó Rom 12:6

Mo Nyùy bùʼùn vèsən é dzəə sí dzəə sí, wìr mòʼón mòʼón ku nèn a yiì kinyo ke Nyùy wayin e wùn kiwo. A dzə̀ ji wìr wáa fìʼtì a dzə̀ kinyo ke Nyùy, wù wàa fìʼtì mo wù wayin shilív, Nyùy sə́ wun, wù wáa fìʼtì.

Maak 13:34

Kinyo keé ghan see shooy ki wíy koóy moo ké wìr wo wù‑uù lóo dù ghán, e jàv lim e və́ vé lìme, wír e rəə́, wír e rəə́, e kfə̀n sùúy e wìr wo wù‑uù shiy lav ji wù siiy, wù wàa shìy a kijuŋ.

Efesor 1:1

Ŋwàʼ və̀ne sàŋ mo woo Por wo dzəə̀n ŋgaà ntum Jesus Kristu. A kù‑uù sìysì Nyùy ji m wáa yiì a lim rə̀n. A m sàŋ a dzə̀ fo vèn vee wír Nyùy ve á dzəə̀n é Efesor, ve vèn gharin ne kinyo ke Jesus Kristu kitávín.

Galatia 1:1

Sàŋ mo woo Por wo dzəə̀n ŋgaà ntum Jesus Kristu ŋwàʼ və̀n fo vintatì ve wìr Kristu ve ví dzəə̀n é wòŋ woo Galatia vi. A ntum ye m fiʼtì rə̀n yòʼ lò a dzə̀ fo wìr. Bó yòʼ lèm wír mo, bo m wáa fìʼtì. Kù lèm Jesus Kristu wùn Tàr wòsən Nyùy, wo wù‑uù fəərin Kristu fo kpu. Vèr aàfə́r vén ve á dzəə̀n vèr áwune féne tàtí, a shàʼtì ven adzə̀m, a lon jii,

1 Korin 12:11

Á wáa yiì vinyo vìn e dzəə sí dzəə sí ben, a kù yuŋrì wun woo Kiyoy ke Nyùy wùn mòʼón, bo á wáa yiì. Wù jav ambùʼmé vìn e wìr mòʼón mòʼón, a kù dzə̀ mo kiìn wun.

1 Korin 3:5

M nén a dzər e vèn jii, Por sà dzə̀ la, Apolor la, bo vèn wáa yiì bèy a? Vèr wun vìn kù dzə̀ cáʼ ji aŋgàa lìm Nyùy ve á yiìn, bo vèn wáy shilív e Jesus wùn. A wìr fo vèr kù yii a dzə̀ rə́ yee lim ye Nyùy dìnèn.

Ŋwàʼ woó Rom 1:5

A dzə̀ wun woo Jesus Kristu wo wù‑uù bùʼùn mo ji m wáa dzə ŋgaà ntum və, a ghan e wùn yir, a fìʼtì kinyo ke Nyùy e vitum ve bó yòʼ dzəə̀n veé Juda vidzə̀m, é wíri fíʼ a way shilív e Nyùy wùn, a yu a dzə̀ fó fo.

1 Korin 1:1

Sàŋ mo woo Por wo dzəə̀n ŋgaà ntum Jesus Kristu ŋwàʼ və̀n. A kù‑uù lì Nyùy mo mo wù‑uù sìysìn ji m wáa lìm a lim rə̀n. Dzə̀ vèr Sostener woo fər wòsən,

Joon 6:65

Wù kfən sùúy jii, «Kù dzə̀ kinyo ke kí yiìn, bo m suúy ji bó yòʼ dzə̀ wìr wìy ji wun yén mo, a bó bánrí Tàr wor ŋgaàŋ.»

Joon 10:41

Wíri wáa wìy anín, a yen wun fo. Á lo, á wàa suúy jii, «Joon‑eè dzə̀ kfə́, a bó wù yòʼ‑oò ló a yiì a kiŋgaʼnìn ke kinyò kímóʼ kí ke kí wáa dìn vitaáví vé Nyùy. Yii bèy, a vinyo ve wù‑uù suuy kùm wír və̀n vidzə̀m vi‑iì ló a dzə rú.»