Joon 3:26 - ŊWÀʼ NYÙY

²⁶ Wón lìm Jooné nèn lò, e dù, e yèn wun, e yòŋ jii, «Ŋgaà Yèʼey, kuúmé wír wo vèn wun‑eè dzəə̀n é ndzə̀n ndzə̀v yee Jordan, aà din e wíri və̀y. Və̀sə lèn mo wù sí wáy sa wíri é ndzəv, a wìr dzə̀m sí du a dzə̀ fó.»

Joon 3:26 Referans Kwoze

Joon 1:7

Wù wìy ji wun fiʼti Ŋgaà Ran woo shooy e wíri, aá kiíy, e fíʼ way shilív é wùn wó.

Joon 12:19

Wír veé mbìv *Farasii nèn a kfə̀ynìn jii, «Kinyo kìn ki shaà ne vitaáví vesən. Vèn yén ri mo woŋe loòn ne e dzə̀m, a gbù a dzə̀ é wùn wó.»

Joon 11:48

aá lòo dzə, e màʼtì, bo wìr dzə̀m yíi bìn a dzə̀ é bàm wó. Wír veé *Rome wíy nəə́ sho, aá nèn laàr woŋ wosən wùn à kirə́ʼ ké Nyùy kìn ki.»

Joon 1:15

A Joon‑eè ló a fìʼtì wír və̀n e wíri. Wù‑uù sùúy jii, «Dzə̀ wun woo shó wo mò‑oò suuy jii, ‹Wìr wùmòʼ wíy wìy fo mǒ bàm, a wù kùʼ, e shaà mo, bìʼ fo vé‑eè dzəə mo, a ŋgaàŋ‑eè sì.› »

Aysaya 45:23

M yì ne kilìʼ e mǒ yir, suuy kinyo, a m kì rú ji á mo kí wíy a dzə, a bó yòʼ dzə̀ kí wìy shaà fo ghaŋ. Kí dzə̀ jii, wìr dzə̀m kù wíy tsəm e mǒ si, a binsí mo woo Nyùy e shuu wóví.

Joon 3:2

Wù nèn wìy lò vitsə́ʼ vímóʼ ví, e dù, e yèn Jesus, e yòŋ jii, «Ŋgaà Yèʼey, vèr kì ji tùm Nyùy wò ji à wiy, a yeʼéy ver. Bó yòʼ dzə̀ wìr wàa yiì viŋgaʼnìn ve vinyò ve à yii vìn, a bó túm Nyùy ŋgaàŋ.»

Joon 1:9

A dzə̀ ŋgaàŋ wo wù fó rán yee rán e wìr dzə̀m, a wù‑uù sí wiy e ndzə fèn.

Matio 23:7

Aá kfə̀n koŋ fó a ghan, a kar e virə̀ʼ vé way, é wíri wáa shàʼtì áwune, a shòŋrì jii, ‹Ŋgaà yèʼey, ŋgaà yèʼey.›

Ŋgaà Tàrvìnyò 4:4

M kfən yèn ji wíri lo, á gìsín é lìm, lo, á wày vifií ji á kiíy á kiwó ke lìm ke juŋ ki. Aá kù yii bèy, a dzə̀ bìʼ fo wìr lo, wù wàa tàʼ mbǒv ŋgaà shweèsí və ntéŋ, a lìm ji wun ku shaà wun. Kin ki kù dzə̀ sá kinyo kisáŋ, a dzə̀ moo ji wìr jum shwér ji wun koó.

Nsùyrì Nyùy 65:2

À yú bunrì wìr ve á tóŋ e wò. Wìr msòŋ e dzə̀m kù wíy a wìy, a mbaà wò.

Matio 23:8

«Lá vèn yòʼ a yiì bèy. Lá wìr yòʼ wìy biìmé ji á wáa yòŋ wun ji ŋgaà yèʼey. Vèn tàtí ne adzə̀m ji afə́r, a ŋgaà yèʼey won kù jòʼsì e mòʼón.

Joon 4:1

Wír veé mbìv *Farasii nèn yù sá ji Jesus sí kooy aŋgaà və́ ŋgoo, wáy e ndzəv, aá kuʼ shaa a vé Joon.

Joon 4:2

A bó yòʼ fə̀m‑eè wáy Jesus wíri é ndzəv, kù‑uù wáy wón və́ lìm cáʼcáʼ.

Joon 4:31

A wón və́ lìme kì sìíy ne, a boòrì jii, «Ŋgaà Yèʼey, ku yì kifá ki.»

Joon 5:33

Bó vèn yòʼ‑oò lo tùm wíri fo Joon a? Kinyo ke wù‑uù naàrìn kùm mo kí dzə̀ ke ru kí.