Joon 3:25 - ŊWÀʼ NYÙY

²⁵ Wón lìm Joon wùn à wìr woó Juda wùmòʼ nèn lò, e kèʼ, a bìʼ jii, dzəə̀ yee réŋ ye dzə̀ wìr *kfə̀mrí kitú, e bóo ran fo Nyùy sà dzə̀ rəné á?

Joon 3:25 Referans Kwoze

Joon 2:6

Mbìʼ sé mendzə̀v sí‑iì tíy fo ntuùfú, a dzə̀ se wír veé Israyi yii kér aáwuné melav ji á wáa sù virə́ʼ shó mo nsər yev taʼà. A wo mòʼóné dzə̀ moo kèʼ fo tin e tàn, e dù, e meé tin saàmbà.

Hibru 6:2

A bó yòʼ dzə̀ sá á kfə̀n rə̀sí, a yeʼéy ven mo dzə̀ á wày wír e ndzəv, kìn mo dzə̀ á neèr wó e wìr kitu, e bùnrì fo fo. A bó yòʼ dzə̀ sá, á kfə̀n a yìmrì yìmrìn ji Nyùy wíy fəə́r ven fó kpu, a fìʼ mo nsaʼ kinjòʼsìbàm wíy a dzə.

Matio 3:11

Joon kfə́n a suúy jii, «M wáy wíri é ndzəv lèn ji á bìnèr ne melív mev. Yii bèy, wìr wùmòʼ wiy fo mǒ bàm, a wù kùʼ, e shaà mo, a bó m yoʼ fə̀m ghèén fó keerí alábáʼ ŋgaàŋ. Wù yíi wìy, é wù wáa way kfə́ wíri a dzə̀ e Kiyoy ke Ranén kí kiwo, a way ámóʼó é və̀y.

1 Pita 3:21

Kinyo kee shooy ki wáa dzə kisəəm ké ndzəv ye á wáy wír sho lèn, wù ràn fo wun vinyò ve bi ví. A bó á yòʼ wáy bèy ji á su a dzə̀ lóm fo ŋgaàŋ wùn. Dzə̀ kisəəm ke kí din ji ŋgaàŋ lón fo Nyùy a ji wù ku sù shilív sə́, é shí rán. A wù bòy fo wùn ajay a dzə̀ bìʼ Jesus Kristu wo wù‑uù fəən fó kpu,

Hibru 9:23

Kí‑iì ló a dzə rú é shií ji á wáa naŋsín vifá ve vé‑eè cu Nyùy sho e mensə́ me nyàm ntàŋrí mè, bo ví wáa gheén fo Nyùy. A vifá vee shooy vi‑iì dzə̀ cáʼ ji vimfìʼìr ve vifa ve ru ví ve ví dzəə̀n a dzə̀ é yuv. Mo kí dzəə̀n bey, bo ntàŋrí wo á yii e kitu ke vifa veé yuv kù kér fó shaà wo á yii a dzə̀ é kitu ke vifa veé nsay fèn.

Hibru 9:10

Kù‑uù dzə̀ vimfìʼìr ve vinyò, a ví kum a dzə̀ wún, nèn du e mbìv vifa ve yi wùn à ve noón ví, à ve suùn ví. Aá kù‑uù yii vitó vé vinyò vee shooy cáʼ ji á wáa shìy a ghán se Nyùy wíy yiì kinyo ke dzəə̀n sí kíwun.

Maak 7:8

Jesus nèn sùúy e wír vìyi jii, «Kù dzə̀ sá mo vèn maʼtì nsər se Nyùy, jumrì a dzə̀ sé wìr.