21 Yii bèy, a wìr wo wù yii kfə́ a dzə̀ vinyo ve ru ví nèn fəə́sin fo rán yee shooyi dzəə̀n, aá fíʼ a yen ji vinyo ve wun yii vi dzə̀, a ví lò a dzə̀ fo Nyùy.»
Ŋkàr yèm, lá à yòʼ bìʼnìn liì wo bi. Kú a bìʼnìn a dzə̀ wo juŋ, a kiíy jii, wìr wo wù kér liì wo juŋ dzə̀ á wo dzəə̀n wan Nyùy. A bó wìr wo wù kér liì wo bi yòʼ fə̀m kì Nyùy gheéy.
A wìr wày a dzə̀ ŋgoòy kinyò ke mensə́ mè taʼà, bo wù wíy kav a dzə̀ kinyo ke mensə́ mè tíy sho, a kee shooy ki kù wáy wun a dzə̀ é lòn woo là mày. Wìr wáy kfə́ ŋgoòy kinyò ke wù yú fo Kiyoy ke Ranén kí, bo wù wíy kav a dzə̀ kinyo ke kí lo fo Kiyoy ke Ranén kí, a dzə̀ dzəʼə̀m yee là may.
Mo vèn kù sí tíy a dzə̀ e Nyùy kinyò ke ru kí, vèn nén a ker melív me juŋ mè lèn, me dzə̀ vèn wàa kòŋ afə́r vén ve vèn áwune tíy e kinyò fèn kijuŋ. Vèn ku nèn a kòŋnìn bèy shilív shidzə̀m,
Nyùy ku fò ven vifá ve juŋ vi vidzə̀m, é vèn wáa yiì vinyo və́ shó. Wù ku yiì, é Jesus Kristu wáa sə ven, é vèn wáa yiì a dzə̀ vinyo ve ví boŋ wun woo Nyùy. Á kú a burí Kristu ghán sidzə̀m, là may. Amen.
A vèn wíy a wàrkìr, bìʼ fo vèn à Jesus Kristu tatin ne, wù wáa yiì, vèn wáa ker liì wo dzəə̀n wo wìr Nyùy, a wù din a dzə̀ vikuʼùy vé wun woo Nyùy, kóʼor yír rə́.
A dzə̀ mo vèr à wíri yii dzə́, m wàa tuy shwín, a suúy feyì fo shiliv jii, m kù yii yii kinyo e wìr, a dzə̀ ke m yú fo Nyùy, bo taaka e vèn, e làa yòʼ a bìnbìn. A bó yòʼ dzə̀ m wàa yiì kinyo, a dzə̀ ke yii kwaʼtì wír. M kù yii kinyo kidzə̀m, a dzə̀ ke Nyùy din e mò, sə́ mo, a m yii.
Yii bèy, Nyùy kú a kòŋ mo, a sham mo, bo m wáa dzə mo m dzəə̀n lèn bèn. A bó nshámmé və woo shooy yòʼ‑oò lo lày kisáŋ. M lò kém fó fo, e nèn lìm, e shaà aŋgàa ntum Kristu ámóʼó adzə̀m. A bó yòʼ dzə̀ ji mò‑oò yii lim rə̀n a dzə̀ fo mǒ vitaaví. Mò‑oò lim a dzə̀ mo Nyùy‑iì buʼ mo, a m limè.
Wír veé Isray, m yòʼ kfə̀n kér fó wìy yu kinyo kímóʼ kí ji mebvə̀m me vèn ghvə́mé. Dzə̀ mo wo m yú bunrì yén, leey fo vèn. M dzə̀ moo kicí ké dzəʼə̀y ke kí teʼ, boʼrì ghán sidzə̀m, kiŋsìn ven. Kisəəvì kén kidzə̀m ki kù lo a dzə̀ fo mò.»
M kì vinyo ve vèn rə́si yii vidzə̀m, a m kì ji vèn tíy e mǒ kinyò fo ntìntìn. Bó melív men mè yòʼ lum sho, a bó mè yòʼ rəəy fo fo, a m koŋ feyì ji vèn wàá kaŋ á mbìv yee mòʼón.
Á lóo yòŋ bèy, vèn bìnèr aáwune ji á kú a yuurí a dzə̀ á yéʼéy ye yí dzəə̀n é ŋwàʼ, a yuurí ntum Nyùy Tàr ye yì dzəə̀n shó. A wìr dzə̀, a bó wù yòʼ suuy kinyo ke kí shémsín wùn à kee shooy ki, bo yì wíy sən wun, e làŋsìn.