Joon 3:20 - ŊWÀʼ NYÙY

²⁰ A kí dzə̀ bey, bìʼ fo wìr wo wù yii vinyo ve bi ví, ban rán yee shooy, léʼ leʼén fo á wáa yen vinyo ve wù yii.

Joon 3:20 Referans Kwoze

Joon 7:7

Bó yòʼ dzə̀ wíri wàa bàn ven. A dzə̀ á wàa bàn a dzə̀ mo, bìʼ fo m tóʼti vinyo vév ve bi ví.

Ŋgàn 4:18

Liì wìr wo wù yúnin Nyùy dzə̀ moo ndzə ye yì ráné, yì kù a ran, a dù duùn fó mbìy, a kàʼày wíri.

Ŋgàn 1:29

Áwune tèn ne fó a yeʼéy, e kiíy, á tèn ne fó a yunín Nyùy Tàr.

Nsùyrì Nyùy 50:17

Vèn ban fo á sər ven fo věn liì kisaŋ, tén fóo yiì kinyo ke m suuyin.

1 Afòn 22:8

Fòn woó Isray bìnèr jii, «Wùmòʼ dzə̀ wo dzə̀ á tàr fó fo, a dzə̀ Mikayia woo wan Imla. Yii bèy, m ban wun bìʼ fo wù yòʼ yii yoŋ kinyo ke juŋ ki kùm mo. Kù yii dzə́ ke bi kí ghán sidzə̀m.» Fòn Jehoshafat suúy ji lá fòn yòʼ a yòŋ a bèy.

Ŋgàn 15:12

Ŋgaà jàʼ yòʼ yii koŋ ji á tír wun, a bó yòʼ dzə̀ wù dù, e mbaà afií gheéy.

Ŋgàn 5:12

a ghay wún é kinyò ke kí‑iì yiìn, é bo à tén ntir, e tèn à naarìi shó.

Ŋwàʼ Luk 11:45

Jesus suúy vinyo vìn bèy, wìr wo wù‑uù duŋrì nsər Nyùy wùmòʼ nèn sàyín jii, «Ŋgaà Yèʼey, à suuy bèy, aà shoor sa a dzə̀ ver.»

Ŋgàn 2:13

áà boy fo wír ve á bìnèn ne ndzə̀m é yiì yee réŋé, wír ve á ghán a dzə̀ é ndzə vitsə̀ʼ.

Jeremia 9:6

Á kù sí waʼrì, yúy wíri e séʼ wo á sə́, kuvrì a dzə̀ kiŋkùvrì. Áwune tèn ne fóo binsí mo ji Nyùy.» Suuy Nyùy Tàr.

Joon 3:21

Yii bèy, a wìr wo wù yii kfə́ a dzə̀ vinyo ve ru ví nèn fəə́sin fo rán yee shooyi dzəə̀n, aá fíʼ a yen ji vinyo ve wun yii vi dzə̀, a ví lò a dzə̀ fo Nyùy.»

2 Samuel 13:9

Sí bíy, wù fəə́r fó kikaŋ, a fo sho. Wù tén, e nèn kàn ji wìr dzə̀m fəə́ á e ndzə. Wìr dzə̀m nèn fəə̀.

1 Afòn 3:20

Wù nèn‑ee lo é yuv e ntìntìn vitsə̀ʼə́, a m buúne, e lì wán wom fo mǒ ghaŋ, e dù neèr e wun kikun, e lì kimkpú kfə́ ké wan, e wày e mǒ koy.

Ŋgàn 16:30

Wìr lóo bvəə sí, bo wù sí taáme ji wun yii kinyo ke bi kí, rə́ʼ shuu, bo wù sí taʼ, e bùʼ kinyo.