Joon 3:18 - ŊWÀʼ NYÙY

¹⁸ Wír wo wù wáy shilív e Wàn Nyùy wùn bòy ne fo lòn. Wìr wo wù tén fó way lì ne lòn, bìʼ fo wù leeyin wír wo dzəə̀n Wan Nyùy ntéŋ, a bó wùmòʼ yòʼ kfə̀n dzə̀.

Joon 3:18 Referans Kwoze

1 Joon 5:10

Kí nén a dzə jii, a wìr wày shilív e Wàn Nyùy woo shoon wùn, bo vinyo vee shoon vi wíy a lùm e wùn shiliv ghán sidzə̀m. Wìr wo wù kinèn vinyo vee shoon nén a yòŋ Nyùy ji ŋgaà kimboʼtì, bìʼ fo wù tenen fó biimé kinyo ke Nyùy dìnèn e Wan və́ kitu.

Maak 16:16

Wìr wo wù biimen, á kfən wày wun e ndzəv wíy lùŋ. Wìr wo wù tenen fó biimé wíy gbù nsaʼ.

Ŋwàʼ woó Rom 8:1

Kí nén a dzə jii, wìr wo wù tatin wùn Jesus Kristu bòy ne a fo lǒn vinyò ve bi ví.

Joon 5:24

«Vèn wáa kiíy rúrú jii, wìr wo wù yú kinyo ke suuy mo, wáy shilív e ŋgaà wo wù tumen mó wùn, sí kér dzəʼə̀m yee là may. Ŋgaàŋ yòʼ dzəə́ wìy nəə́ e nsaʼ. Wù bòy ne fo kpu, e nə̀ə́ e dzə̀ʼə̀m yee là may.

1 Joon 5:12

Kí nén a dzə jii, wìr wo wù táti wùn Wàn Nyùy sí kér dzəʼə̀m yee shoon, a bó yòʼ dzə̀ wír wo wù tén fó tatí wàa ker gheéy.

Joon 3:36

Wìr wo wù wáy shilív e Wàn Nyùy wùn sí kér dzəʼə̀m yee là may. Wìr wo bó wù yòʼ yú kinyo kfə́ yòʼ wíy a ker dzəʼə̀m yee shooy gheéy. Lǒn Nyùyi kù gòʼ ne e ŋgaàŋ kitu ghán sidzə̀m.

Ŋwàʼ woó Rom 5:1

Mo Nyùy liìn ne vèsən ji wír vee là jay, bìʼ fo vèsən wayin shilív e wun wùn, vèsən áwune nen suùsín, a dzə kijuŋ, a kù yiì Tàr wòsən Jesus Kristu.

1 Joon 4:9

Nyùy‑iì lo dìn rú ji wun koŋ a vèsən. Wù‑uù tùm màyshó Wan və é nsay fèn ji wù wiy, e yiì, é vèsən fíʼ a ker dzəʼə̀m yee là may.

Ŋwàʼ woó Rom 8:34

Wìr dzə̀ shó wo dzə̀ wù wày vèsən é ŋgeʼ ji nsaʼ koò vèsən á? Jesus Kristu‑uù kpù ne fo vèsə́n ajay, e kfə̀n fəə̀ fó kpu, a wù dzə́ lèn e Nyùy ghaŋ, tóm vinyo vesən.

Joon 20:31

Á nén a saŋ vin bèn ji vèn fiʼ biìmé a ji Jesus dzə̀ *Mfə̀ə́r, a dzə̀ Wan Nyùy. Vèn biíme, wáy shilív é wùn wó, é wù nèn yiì, é vèn wáa ker dzəʼə̀m yee là may.

Joon 6:47

A m suuy e vèn rúrú jii, wìr wo wù wáy shilív e mǒ wùn sí kér dzəʼə̀m yee là may.

Joon 6:40

A Tàr wor sìysì ne ji wìr dzə̀m wo wù wiy, yén Wán və, wáy shilív é wùn wó wáa ker dzəʼə̀m yee là may. A kí dzə̀ jii, m wíy fəə́r ŋgaàŋ fo kpu e ghan sé bàm sí.»

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

Hibru 2:3

Mo kí dzəə̀n ben, vèsən kfən lò, a meŋ kiŋgaʼnìn ke kinyò ke yiìn Wan Nyùy ji vèsən fiʼ lùŋ, bo dzə̀ vèsən yèe, e bóo bòy fo ŋgeʼ? Kù‑uù tòmbìy, a fìʼtì wun woo Taàtá wòsən Jesus Kristu kinyo kìn, é bo wír ve vé‑eè yuuné wáa fìʼtì, é vèsən wáa kiíy sa mo kí dzəə̀n.

Hibru 12:25

Vèn wáa yen rì fó ŋway kinyo ke Nyùy wo wù súŋnin e vèn ŋwáyín. Vèn kì sá ji wù‑uù lo màʼ ŋgeʼ e wír ve vé‑eè ŋwáy kinyo ke ŋgaà wo wù‑uù lèmèn é nsay fèn ji wù wáa tir wíri. Mo kí dzəə̀n ben, bo bó wìr wo wù ŋwáy kfə́ a dzə̀ kinyo ke wun woo Nyùy súŋnin fo yuv yòʼ wíy bòy fo ŋgeʼ gheéy.

Joon 1:12

Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

Joon 3:16

«Nyùy kòŋ ne wír veé ndzə adzə̀m e ŋàŋ, e fò màyshó Wan və ji wìr dzə̀m wo wù wáy shilív é wùn wó luŋ, a ker dzəʼə̀m yee là may, e làa yòʼ nəə́ e ŋgeʼ yee là may.

Hibru 3:19

Vinyo vìn vi nén a dìn jii, vé‑eè ràn vijuŋ vee shooy, bìʼ fo áwune yòʼ‑oò lo wày shilív e Nyùy wùn, a yu fo fo.

1 Joon 3:23

A sáʼ rə́ rə́ne dzə̀ jii, vèsən wáy á shilív e Wan və Jesus Kristu wùn, e kfə̀n a kòŋnìn. Á mo wù‑uù suuyin ji vèsən wáa yiì.