Joon 3:15 - ŊWÀʼ NYÙY

¹⁵ é wír ve á wáy shilív é wùn wó adzə̀me luŋ, a ker dzəʼə̀m yee là may.

Joon 3:15 Referans Kwoze

Joon 3:16

«Nyùy kòŋ ne wír veé ndzə adzə̀m e ŋàŋ, e fò màyshó Wan və ji wìr dzə̀m wo wù wáy shilív é wùn wó luŋ, a ker dzəʼə̀m yee là may, e làa yòʼ nəə́ e ŋgeʼ yee là may.

Joon 6:40

A Tàr wor sìysì ne ji wìr dzə̀m wo wù wiy, yén Wán və, wáy shilív é wùn wó wáa ker dzəʼə̀m yee là may. A kí dzə̀ jii, m wíy fəə́r ŋgaàŋ fo kpu e ghan sé bàm sí.»

Joon 3:36

Wìr wo wù wáy shilív e Wàn Nyùy wùn sí kér dzəʼə̀m yee là may. Wìr wo bó wù yòʼ yú kinyo kfə́ yòʼ wíy a ker dzəʼə̀m yee shooy gheéy. Lǒn Nyùyi kù gòʼ ne e ŋgaàŋ kitu ghán sidzə̀m.

Joon 20:31

Á nén a saŋ vin bèn ji vèn fiʼ biìmé a ji Jesus dzə̀ *Mfə̀ə́r, a dzə̀ Wan Nyùy. Vèn biíme, wáy shilív é wùn wó, é wù nèn yiì, é vèn wáa ker dzəʼə̀m yee là may.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

Hibru 7:25

Wù nèn a dzə mo dzə̀ wù lùŋèr wír ve á bee wun, e bó a koʼtí e Nyùy si. A wù luŋèr áwune ŋkuuŋkùŋ, bìʼ fo wù dzəə̀n shó ghán sidzə̀m, tíy e Nyùy si, lón bìʼ áwune.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

Aysaya 45:22

«Éè wìr dzə̀m woó kitu ke nsay, vèn wiy, e yèn mo, é m wìy lùŋèr ven. Kù jòʼsì mo ji Nyùy, a bó wùmòʼ yòʼ kfə̀n dzə̀.

Joon 6:47

A m suuy e vèn rúrú jii, wìr wo wù wáy shilív e mǒ wùn sí kér dzəʼə̀m yee là may.

Joon 1:12

Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

Joon 5:24

«Vèn wáa kiíy rúrú jii, wìr wo wù yú kinyo ke suuy mo, wáy shilív e ŋgaà wo wù tumen mó wùn, sí kér dzəʼə̀m yee là may. Ŋgaàŋ yòʼ dzəə́ wìy nəə́ e nsaʼ. Wù bòy ne fo kpu, e nə̀ə́ e dzə̀ʼə̀m yee là may.

Ŋwàʼ Luk 19:10

a ŋgaà wo yírí dzəə̀n *Wanwìr wìy fó tàʼ wír ve vé‑eè làykìn ne, e lùŋèr.»

Galatia 2:16

Yii bèy, a vèr kì sá jii, bó wìr yòʼ dzə̀ shó wo dzə̀ wù ghèén fo Nyùy ji bìʼ fo wun kì yii mo nsər suuyì. A dzə̀ wù kù ghèén cáʼcáʼ bìʼ fo wù wayin shilív e Jesus Kristu wùn. A dzə̀ mo ver vee wír veé Judàa wáy shilív lèn e Jesus Kristu wùn ji vèr fíʼ gheén fo Nyùy. Aá kù gheen a dzə̀ bìʼ shilív she á wáy e Kristu wùn, a bó yòʼ dzə̀ bìʼ lim yímóʼó ye vèr lim ji á mo nsər suuyì. Bó yòʼ dzə̀ wìr ghèén fo Nyùy bìʼ lim yímóʼó ye wù lìmèn ji á mo nsər suuyì gheéy.

1 Joon 2:25

Vèn wáa kuumé ji yì‑iì kàʼ Wan Nyùy və̀n ji wun wíy fo vèsən dzəʼə̀m yee là may.

Hibru 10:39

Mo Nyùy fə̀m suuy bèy, bó vèsən yòʼ dzə̀ wír ve á tsəʼtì wún é bàm, e wìy nəə́ e kpu yee ŋkuuŋkùŋ, e lày. Vèsən dzə̀ késən, aá wày a dzə̀ shilív e Nyùy wùn, a kiíy ji wù wíy lùŋèr a vèsən.

Lim Aŋgàa Ntum 8:36

Wùn wun kú a dù e dzəə. Á meé é kirə̀ʼ kímóʼ kí, a ndzə́ví dzə̀ fó, wìr wo kuʼùn və̀y suúy jii, «Ndzə́ví rə̀ne, a dzə̀ kfə̀n jìvír ka fo à wáy mo é ndzəv?» [

Maak 16:16

Wìr wo wù biimen, á kfən wày wun e ndzəv wíy lùŋ. Wìr wo wù tenen fó biimé wíy gbù nsaʼ.

Galatia 2:20

Mo Kristu‑uù kpuun é kintam, sì yém yee kpú. M dzə́ lèn bèn, a bó yòʼ dzəə́ dzə́ mo gheéy, sí dzə́ Kristu e mǒ wùn. A dzə́ ye m dzə́ rə̀n, m dzə́ a dzə̀ bìʼ fo m wáy shilív e wun woo Wan Nyùy wùn, wo wù kòŋèn mo, e lì kitú kfə́, e tàŋrí mo shó.

2 Korin 4:3

Kí nén a dzə jii, a wíri kfə̀n méŋ sáʼka Nyùy wo vèr fiʼtì və̀n, bo kù dzə̀ vee shooy ve á sí du, e nəə́ e kpu yee là may.

1 Korin 1:18

A m kì ji kinyo ke m fiʼtì ji Kristu‑uù kpù é kintam bìʼ ajay wíri kí shwínin vinjeenjèm ve vinyò fo wír ve á sí nəə kév a dzə̀ é lòné. Yii bèy, a dzə̀ vitaáví ve Nyùy fó vèsən ve wù sí luŋèr, aá boy fó lòn foo fèn.

Ŋwàʼ woó Rom 5:21

Kidzə̀m ki nén a dzə jii, mo kinyo ke bi kí yiìn ne, a wíri kù kér fó a kpu, dzə̀ sá mo Nyùy koŋ wíri lèn, li áwune ji wír vee là jay, aá nəə e dzə̀ʼə̀m yee là may. A wù li a dzə̀ wír ve á wáy shilív e Tàr wòsən Jesus Kristu wùn.

Lim Aŋgàa Ntum 13:41

« ‹Ven ve á shéʼ Nyùyi yuúrí. Vèn wíy a ker gháʼ, a kpukír. M wíy yiì kinyo e věn ghan, é vèn wáa yu, e làa yòʼ a biimé.› »

Matio 18:10

«Vèn wáa yen fó a kay wír fo wón ve terí víne. Vèn wáa kiíy jii, nshèelav se Nyùy se sí leey fo áwune sí meéri e Tàr wor wo wù dzəə̀n é yúv si ghán sidzə̀m. [

Joon 16:33

M sùúy ne vinyo e vèn, é vèn fíʼ a tiy e mǒ wùn, é melív men mè wáa dzə nyaáŋ. Vèn dzə́ e ndzə fèn lèn, a ŋgeʼ si kooy ven sinín. Yii bèy, vèn wáa wàrkìr, bìʼ fo m ghaʼan ne vitaáví vé ndzə rə̀n.»

Kintaŋ 21:9

Mooser nèn fèr yó e kisha kee *brons ki, e keèrì e kici. Wìr wo yò‑oò teen ne leeyì, wù kù nèn bònén.

Aysaya 11:10

Ghán sin si wíy gheén, é taà saʼ wo fíy wo wù wíy fəə fo Jessi ram tiím moo cícíwàr fo wìr dzə̀m woó kitu ke nsay. Vitúm vi wíy a mèʼèm, a wìy, a yen wun e wun kirə̀ʼ ké dzə, a ghvəm wun.

Matio 25:46

Jesus nèn màysì jii, «Vee shooy vee wíri dzə̀ ve á wíy dù e kirə̀ʼ ké ŋgeʼ yee là may, é wír Nyùyi nəə́ kév a dzə̀ é dzə̀ʼə̀m yee là may.»

Joon 6:27

Lá vèn yòʼ a way vifií é vifa ve yi ve wìr yí, bo wù kù dzəə́ wìy kpu. Vèn wáa way vifií a dzə̀ é vifa ve yi ve ví fó dzəʼə̀m yee là may. Kù fó ŋgaà wo yírí dzəə̀n *Wanwìr vee shooy vee vifá ve yi, bìʼ fo Nyùy Tàr wayin kisəə́y ké lìm yee shooy a dzə̀ e wùn kiwo.»