Joon 3:13 - ŊWÀʼ NYÙY

¹³ Wìr wùmòʼ yòʼ‑oò yiì ne kòʼ e Nyùy wòŋ woó yuv, kù mày ŋgaà wo wù loòn fó fo, wo yírí dzəə̀n *Wanwìr.

Joon 3:13 Referans Kwoze

Ŋgàn 30:4

Yì‑iì kòʼ ne la é yuv, e dù sə̀y? Yì‑iì bàʼtí ne la shwér, e kfə̀vtí e wun mvə̀m kiwo? Yì‑iì kùr ne la wuú é mbàʼ mo wìr kùr kifá e ndzə̀y? Yì‑iì tùúy ne la vitóŋtóŋ vé ndzə? Yír ŋgaàŋe dzə̀ ji la, yé wan ji la? Suúy e mò, aà fèn kì.

Joon 6:38

Mò‑oò lò fó yuv, e wìy e nsay fèn a dzə̀ ji m kú a yiì kinyo a dzə̀ ke sìysìn ŋgaà wo wù tumen mo ji m wáa yiì. A bó m yòʼ wìy ji m wáa yiì kinyo a dzə̀ ke kwaʼ mo.

Lim Aŋgàa Ntum 2:34

Davir dzə̀ kfə́, a bó wù yòʼ‑oò lo kòʼ é yuv. Yii bèy, a wù‑uù lo sùúy kee kùm Mfə̀ə́r jii: « ‹Nyùy Tàr‑iì sùúy e Tàr wor jii, «Dzə̀ʼə̀m e mǒ koy yìyí,

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

1 Korin 15:47

Adam woo wir mbìy‑iì lò kfə́ fó nsay fèn, a Nyùy‑iì bòm a dzə̀ e kibvər ki. Kristu wo wù wìyìn fó bàm nèn lò kfə́ a dzə̀ fó wòŋ woó yuv.

Joon 13:3

Jesus wáa dzə, a wù kì kijuŋ ji Tàr wov wày ne vinyo vidzə̀m a dzə̀ e wùn kiwo, a wun‑eè lò fo Nyùy, a wun sí kfə́n a dzə̀ fó,

Ŋwàʼ woó Rom 10:6

A kinyo kee kùm dzə́ə yee ji wìr wáy shilív e Nyùy wùn, e bóo gheén fo wun, kí yòʼ dzə̀ ji wìr wáa kwàʼ fo wùn shiliv jii, wìr kér fó tàʼ Kristu fo yuv, é bo wù sə́ wun. Vé‑eè sàŋ jii, «A dzə̀ kòʼ la é yuv?»

Joon 6:62

Bo ŋgaàŋ wo yírí dzəə̀n *Wanwìr wíy kfən fo wù‑uù wìyìn, é vèn yée le?

Joon 3:31

Wìr wo wù loòn a dzə̀ fó yuv, shaà wir dzə̀m. Wìr wo wù loòn kfə́ a dzə̀ fó nsay fèn, kú a dzə ji wír woó nsay, nèn fer sa a dzə̀ vinyo veé nsay. Mo wìr wo wù loòn fó yuv shaàn wir dzə̀m,

Joon 6:46

A bó yòʼ dzə̀ ji wìr‑iì yiì ne yèn sí Nyùy Tàr. Kù mày ŋgaà wo wù loòn fo Nyùy wo wù yenen ne sí wun woo Nyùy Tàr.

Joon 6:42

a kfə̀ynìn jii, «Bó wìr və̀n yòʼ dzə̀ Jesus woo wan Joosev à? Vèsən kì tàr wov wùn yè wov. A dzə̀ wù wàa suúy lèn ji wun wìy a dzə̀ fó yuv é le?»

Remrí 30:12

Bó sí yòʼ dzə̀ é yuv fo vèn wiy a yòŋ jii, ‹A dzə̀ kòʼ la fó, e lì, e wìy, e yèn ver shó ji vèr wáa yu, a yiì?›

Joon 17:5

Tàr wor, ku kfə̀n fò mo vikuʼùy vém viy lèn wo m tíy e wò si və̀n, vikuʼùy ve mò‑oò sí kér wòsò, é bo ndzə wìy a dzə.

Joon 8:42

Jesus bìnèr jii, «A Nyùy kì dzə̀ rú Tàr won, bo vèn ku lò a kòŋ mo, bìʼ fo m dzəə̀n fen, a m lò a dzə̀ fo Nyùy. A bó m yòʼ‑oò wìy fo mǒ kitu. Yì‑iì tùm Nyùy mo.

Joon 6:51

Dzə̀ mo vifá ve yi ve ví loòn fó yuv, ve ví fó dzəʼə̀m yee là may. A wìr yì vifá ve yi vìn, bo ŋgaàŋ shaarì. A vifá ve yi vìn vi dzə̀ wún wóm, wo m fó ji wír veé ndzə adzə̀me fíʼ wìy lùŋ fo fo.»

Joon 6:33

A vifá ve yi ve Nyùy fó vìn vi dzə̀ wír wo wù tumen fó yuv, wù wíy é nsay fèn ji wù fó dzəʼə̀m yee là may e wíri.»

Lim Aŋgàa Ntum 20:28

Vèn siiy, vèn wàa leéy fo věn vitu, e kfə̀n a leéy fo kintatì ke Nyùy ke Kiyoy ke Ranén kí wayin e věn kiwo. Vèn wáa leéy fo fo réŋréŋ mo nshìy lèéy fo wùn njiì, a kuumé ji Nyùy‑iì tìn kintatì kìn a dzə̀ e mensə́ me Wan və Jesus mè ji wáa dzə wír və́.

Matio 28:20

Vèn wáa yeʼéy áwune, aá wáa lèm sa vinyo ve mò‑oò yeʼeyin vèn shó vidzə̀m. Vèn wáa kiíy jii, m kù wíy a dzə vèsən, e dù, e meé e ghan se ndzə wíy mày.»

Efesor 1:23

A kintatì ki dzə̀ ji wún və́ mo wù taamen shó, e rùn, réŋréŋ mo wù tatin ndzə e dzə̀m, a taa e kitu wo.

Matio 8:20

Jesus bìnèr sho jii, «Nyám símóʼ sí kér bíi sév, a menə́n mè kér láʼ sév, yii bèy, a bó ŋgaà wo yírí dzəə̀n *Wanwìr və̀n yòʼ kér fó teʼ kfə́ kee kitú.»

Joon 3:12

Mo m fer vinyo a dzə̀ ve ví kooy e nsay fèn, a ví gháʼ fo vèn biímé, a m lò, a fèr a dzə̀ veé yuv, bo bó yòʼ dzə̀ vèn kìíy mo ví dzəə̀n.