Joon 21:7 - ŊWÀʼ NYÙY

⁷ Wan lìm Jesus wo wù‑uù koŋ e ŋàŋ və̀y nèn sùúy e Pita jii, «Wìr və̀sə dzə̀ Tàr wòsən.» Pita yú ji dzə̀ á Taàtá Jesus, a wù kì tàm ndzə̀y támén, e kù nèn màʼ kikúm, e lìy fó kikoŋ, e tò é ndzəv, a dù fo.

Joon 21:7 Referans Kwoze

Joon 13:23

Aá kì dzə́ bèy, a wùmòʼ woo wan lìm wo Jesus‑eè koŋ e ŋàŋ, kì dzə̀ʼə̀m, e yèʼém e Jesus wùn.

Joon 20:2

Wù nèn bìnkìr, e lèʼ, e dù, e yèn Simon Pita wùn wàn lìm wo Jesus‑eè koŋ e ŋàŋ və̀y, e sùúy jii, «Á shàʼàr ne dzə́n Taàtá Jesus fo sày fèy, a bó vèr yòʼ kì fo á lèmèn.»

Joon 19:26

Wan lìm Jesus wo wù‑uù kòŋèn é ŋàŋ wáa tiy sa fo. Jesus yén, a wùn yè wov tíy fo ghaŋ, e yòŋ yè wov jii, «Yìy, wan wò sì və̀n»,

2 Korin 5:14

Kér kí kù dzə̀ jii, mo Jesus Kristu koŋ ver, vèr kú a yu a dzə̀ á fo fo. A vèr kì ji mo wù‑uù kpuun fo wíri, wù tàtí ne áwune adzə̀m e mvə̀m kpu yee shooy, e tìn fó ŋgeʼ.

Joon 21:24

A kù dzə̀ wan lìm Jesus woo shooy wo wù‑uù yenen vinyo vìn vidzə̀m, e sàŋ é ŋwàʼ fèn, a vèr kì ji kinyo ke wù fer kìn ki dzə̀ á ke ru kí.

Joon 21:20

Pita lòo bìnkìr, e yèn wan lìm wo Jesus‑eè koŋ e ŋàŋ və̀y, a wù wiy fo bàm. A dzə̀ wun woo shó wo wù‑uù yeʼemen e Jesus wùn é ghan se wùn áwune‑eè yikin, e jòʼsì, a dzər ji «Tàr, ku sùúy wír wo wù yíi kar menàŋ e wò bàm.»

Lim Aŋgàa Ntum 10:36

Vèn kù‑uù lo yù sá ntum ye Nyùy‑iì tsənsin fo wír veé Israyi ye yì dzəə̀n ji Jesus Kristu‑uù wìy ji wíri fiʼ kòóy nyaáŋ wùn à Nyùy. A Jesus Kristu və̀n dzə̀ Tàr à wíri adzə̀m.

Lim Aŋgàa Ntum 2:36

«Wír veé Isray adzə̀me ku nèn a kiíy kijuŋ jii, Jesus wo vèn‑eè taan é kintam və̀y dzə̀ á wùwun wo Nyùy lèmèn ne ji Mfə̀ə́r wo wù‑uù kàʼàn, e kfə̀n lèm ji Tàr à vifa vidzə̀m.»

Ŋwàʼ Luk 7:47

Kú a kiíy jii, wiíy və̀n dìn koŋ rə́ é ŋàŋ ben, bìʼ fo Nyùy kì làysìn ne nyanyày və vinyò ve wù‑uù buʼtì. Yii bèy, wìr wo wù yén ji ajay və́ ve dzə̀ Nyùy làysìné dzə̀ ashàr, kù dzə̀ sá mo wù koŋ Nyùy shishàr.»

Ŋwàʼ Luk 2:11

Á dzə̀ə́ ne wán e Fòn Davir ntèʼ é kishiíy ké lán ki, a wù wíy lùŋèr ven, bìʼ fo dzəə̀n *Mfə̀ə́r wo Nyùy‑iì kàʼàn, a dzə̀ wun Taà Ndzə.

Maak 11:3

A wìr dù, a dzər ji vèn yii a dzə̀ ka bey, vèn bìnèr ji Tàr won kér shií shó, a wù kù yíi siìr a lèn lèn.»

Yòv Viŋgér 8:7

A mendzə́v mè fə̀m kùʼ e le, bo bó yòʼ dzə̀ mè ndzə̀mér, a bó yòʼ dzə̀ sá kúŋ lèér, e dù sho. A wìr fə̀m lò, a mùm ji wun yún koŋ yúnén, bo á kù yíi a ŋway bùʼ və ŋwáyín, e ŋway feyì, a wù fə̀m fò kéŋ rə́ e dzə̀m.

Nsùyrì Nyùy 118:23

Kù yiì Nyùy Tàr kinyo kìn, vèsən wáa leéy, a ker gháʼ.

Jeem 2:1

Afə̀r vem, mo vèn wayin shilív e Taàtá wòsən Jesus Kristu wùn wo dzəə̀n kfə́ ji Nyùy, vèn wáa yen fó a nyàʼ wír wùmòʼ.

1 Korin 15:47

Adam woo wir mbìy‑iì lò kfə́ fó nsay fèn, a Nyùy‑iì bòm a dzə̀ e kibvər ki. Kristu wo wù wìyìn fó bàm nèn lò kfə́ a dzə̀ fó wòŋ woó yuv.

Joon 20:28

Tomar ku nèn sùúy suuyín jii, «Dzə̀ wò Tàr wor, aà dzə̀ Nyùy wom.»

Joon 20:20

Wù shàʼtì bèy, e dìn wó rə́ aáwune, e kfə̀n dìn búu və́ nsaŋ. Áwune yén Tàr wov, a sheʼrí feyì.

Ŋwàʼ Luk 12:35

«Vèn báʼtí wún, e sə̀ʼ lam sén,

Joon 21:8

Kibér ke wón lìm Jesus ki wáa jùmrì e kikoŋ, a sə̀ŋ lálán wo sə́ si‑iì runen shó və̀y, a bó á yòʼ dzə̀ə́ kwaʼda fo ghaa kwaʼ, a ntàm bér moo kóy mtàn bèy.