Joon 21:6 - ŊWÀʼ NYÙY

⁶ Wù jàŋ jii, «Vèn maʼ lálán e mbìv kikoŋ ye yì dzəə̀n é koy yìyí, aá koó sə́.» Á màʼ, sə́ si rún shó, á wáa sə̀ŋ, a sə̀ŋ ntéŋ.

Joon 21:6 Referans Kwoze

Lim Aŋgàa Ntum 2:41

Wíri yú kisúŋnìn ke Pita kìn, ámóʼó biímé anín, á wáy áwune é ndzəv. Wáa dzə e kishiíy fóo fèy, wíri tátí ŋgoo wìr Jesus ansə̀kì ataár.

Lim Aŋgàa Ntum 4:4

Yii bèy, wír anín ve vé‑eè yuun kinyo ke Pita wùn Jooné biímé, e tàtí wír Jesus, á wáa dzə lèn moo ansə̀kì atàn bèy.

Joon 2:5

Yè wov ku yòʼ sùúy e vé kijàvi jii, «Vèn wáa yu a dzə̀ fo Jesus, wù suuy mo wù suuyin, vèn wàa yiì.»

Matio 7:27

Wù bàʼrì, wuú wìy keèsì fo yuv, ndzə́v sí rúnkír, e fəə̀, a tsəy lav, kinsəm ki wáa kàr, yì nèn keèsì, e gbù e nsay feyì ji rìŋ.»

Nsùyrì Nyùy 8:8

menə́n wùn à sə́ si, à kifá kidzə̀m ke kí faayin é mbuŋ rìbà ndzə̀v kí.

Esiker 47:10

Wíri wíy a koo sə́ fo Ndzə́v Shiŋgwaŋ, e kèʼ fo En‑Gedi, e dù, e meé e En‑Eglayim, a sàŋ alálán e ghaa ndzəv. Sə́ si wíy a dzə kfəə́ e neénín moo se sí dzəə̀n é Rìbà Ndzə̀v woo Mediteranean.