Joon 21:5 - ŊWÀʼ NYÙY

⁵ Wù nèn jàŋ áwune jii, «Ŋkàr sem, vèn ku koò sə́ à?» Á bìnèr jii, «Vèr yoʼ koò kifá.»

Joon 21:5 Referans Kwoze

Filipi 4:19

Nyùy wo m bunrì və̀n kér nyanyày vifa, a wù wày ne vidzə̀m e Jesus Kristu kiwo, a wù wíy a fo ven ve vèn kér shií shó vidzə̀m, a fo feyì nyanyày.

1 Joon 2:13

A m sàŋ fo vèn ve siìn atàrí, bìʼ fo vèn kiiyin ne Nyùy wo wù‑uù siìn fó kèʼ, e sàŋ fo vèn vee wàʼbìn, bìʼ fo vèn soon ne Satan woo ŋgaà vinyò ve bi ví.

Hibru 13:5

Wìr dzə̀m wáa sheʼrí a dzə̀ kifá ke wù kérí, e màʼtì shií woo kùm mbàm. Nyùy‑iì sùúy jii, «M yòʼ wíy màʼtì wò, a bó m yòʼ wíy màʼày wò e ghan símóʼ sí gheéy.»

Nsùyrì Nyùy 37:3

Wáy shilív shí e Nyùy Tǎr wùn, a yiì vinyo ve ru ví. À lóo yiì, áà nèn a dzə e nsay kijuŋ, là kinyo ké a fàn.

1 Joon 2:18

Wòn vem, ghán se ndzə rə̀n wíy mày si sì fó mentsə̀m. A vé‑eè ló a suúy e vèn ji ndzə wíy lòo mày, é Ŋgaà Vibàn Kristu wàá wiy, aá wìy ne lèn anín. Mo á wìyìn ne, vèsən nèn a kiíy rú ji ndzə rə̀n waà sí mayì.

Matio 14:15

Yiì lòo dzə e ŋkuùr, wón və́ lìme kóʼtí, e sùúy sho jii, «Féne dzə̀ kwáʼ, a ghán sí kfə̀n bàŋrìn ne. Ku sùúy, é wíri dukir é ntèʼ sí, e yùn vifá vév vé yi.»

1 Afòn 19:6

Wù lòo leéy, e nèn yèn kibán wùn à kitém ke mendzə̀v kí e wun ghaa kitu. Wù yíkír, e nò, e nèn kfə̀n neèm.

Maak 8:7

Aáwune kì kér sa wón sə ashàr. Jesus kfən lì, e beèrì Nyùy, e fò ji á jav sáa e wír vìyi.