Joon 21:25 - ŊWÀʼ NYÙY

²⁵ Yii bèy, vinyo vímóʼ ví dzə̀ shó vinín ve Jesus‑eè yii, a m yén jii, a dzə̀ ji á ŋeevi vinyo vee shooy vidzə̀m, e sàŋ é ŋwàʼ, la kitú ke nsay kidzə̀m ki yòʼ kòóy fó lèm aŋwàʼ vee shooy.

Joon 21:25 Referans Kwoze

Nsùyrì Nyùy 40:5

Éè Nyùy Tàr, woo Nyùy wom, wìr yòʼ dzə̀ shó wo a dzə̀ wù fìʼsìn kitú kfə́ vèn wun. À dzə̀sì ne viŋgaʼnìn ve lìm ve à yii e vèr. Vinyo ve à sìysìn bìʼ ver ví dzə̀ vigháʼán. A yì‑iì dzə̀ ji m wáa fìʼtì, a suúy mo ví dzəə̀n, bo a dzə̀ ví shaà mo dzə̀ á tàŋ.

Nsùyrì Nyùy 71:15

M yíi a fèr vinyo ve juŋ ve à yii. M yíi a fèr ghán sidzə̀m mo à luŋèr wír vé. Vinyo vé vi dzə̀, a bó yòʼ dzə̀ m kìíy móo fìʼ.

Ŋwàʼ Jov 26:14

Á bèy, vin vi dzə̀ə́ vimfìʼsìn fo viŋgaʼnìn ve vinyò ve wù yiìn ne. Vèsən kù yù cáʼ a dzə̀ menyorìn meshàr me wù yiìn. Yii bèy, a dzə̀ ké kiíy ki, bo dzə̀ kìíy la mo Nyùy tavin, e mèé.»

Hibru 11:32

A m yòʼ lò ji m táŋ wír ve vé‑eè wáy shilív e Nyùy wùn vin adzə̀m, m tàŋ é le? Bó ghán sí yòʼ dzə̀ se dzə̀ m lò, e rə̀sí, a ŋeèvì vinyo ve wìr vee moo Gidiyon, Barak, Samson, Jefta, kìn vé Davir wùn Samuel, aàŋgàa ntum Nyùy ámóʼó.

Lim Aŋgàa Ntum 10:38

Vèn kù‑uù lo yù ji Nyùy‑iì fò Kiyoy ke Ranén kí e Jesus woó Naasarer woo shooy, e kfə̀n fò wun vitaáví, a shìy wun, wù wáa ghan virə́ʼ vidzə̀m, a yiì vinyo ve juŋ vi, a fèr wír ve vé‑eè yén ŋgeʼ e Satan wo.

Lim Aŋgàa Ntum 20:35

Vinyo ve mò‑oò yii vidzə̀m vi kù‑uù din e vèn ji wìr wáa lìm e wó rəə́, e fíʼ a sə vé kitàne, a kuumé kinyo ke Tàr wòsən Jesus‑eè suuyin jii, wìr wo wù kér kishéʼrì dzə̀ wo wù jav vifá, e shaà wo wù shiy shìyìn ji á fó.»

Matio 11:5

Amfìri sí yén virə́ʼ, aàntèŋe gháné, a vé shìvnsayi bónenè. Ansəərìi yú vinyo, a wíri kóʼor fo kpu, aá kfə̀n fiʼtì sáʼka Nyùy wo juŋ e vé ŋgeʼe.

Ŋgaà Tàrvìnyò 12:12

Wan wòm, á yen, kú a kiíy jii, ŋwàʼ wo saŋéné yòʼ kér fo wú seeyin, a ŋwàʼ woo yéʼéy é ŋàŋé reŋèr wún wìr.

Amos 7:10

Á bèy, Amatsiya woo taà cù woó Betel nèn tsə̀nsí ntum e Jeroboam woo fon woó Isray jii, «Amos sí ghán a e Isray fèn, kár menàŋ e fòn bàm, a shuu vəə́ yíi səʼsí a kitúm.

Matio 19:24

A m kfə̀n suuy, lo lì jii, a fə̀m dzə̀ ji nyàm yee moo *kamer tósín é si ntar, bo bó yòʼ dzə̀ ŋgaà kav tàv nə̀ə́ e vijùŋ ve dzəə̀n vé saʼ Nyùy.»

Maak 5:16

Wír ve vé‑eè yenen kinyo ke kí kooyin wír və̀y wùn à ŋgoo kǔnnyàme wáa fèr e wír ve vé‑eè jum, wiy fo bàmé mo kí kooyin.