Joon 21:22 - ŊWÀʼ NYÙY

²² Jesus bìnèr sho jii, «A m fə̀m kì taʼ ji wù wìy shaàrì, e mèé e ghan se m wíy kfən, bo bó yòʼ dzə̀ nsaʼ yè. Kú a jùmrì ké ki a dzə̀ mò.»

Joon 21:22 Referans Kwoze

Maak 9:1

Jesus kfə́n a suúy e wón və́ lìme jii, «Vèn wáa kiíy rú ji wír ámóʼó dzə̀ fen lèn, a bó á yòʼ wíy kpukír, a bó á yén, a sí sáʼ Nyùy ndzə e vitaáví ve dzəə̀n və́ ví.»

Ŋgaà Yen 2:25

Vèn ku ghàr a dzə̀ kinyo ke vèn tíy sho ki, e dù, e meé e ghan se m wíy kfən.

1 Korin 4:5

Mo kí dzəə̀n bey, bo kí yoʼ ghèén ji vèn wáa sayrí kinyo ke wìr, a tav, a toʼ mo vèn yén, a kí dzə̀. Wíy lóo dzə e ghan se Tàr wòsən Jesus Kristu wíy kfən, é bo din wun mo kí dzəə̀n. Wù wíy fəə́r vinyo ve ví dzəə̀n lèn e kilìr vidzə̀m fo meranén, e kfə̀n dìn vinyo ve wíri kwaʼtì aáwuné meliv. Wù yii bèy, é nèn a sheʼrí Nyùy wír réŋréŋ mo kinyo kfə́ kí dzəə̀n.

Ŋgaà Yen 3:11

Kù bèr shishàr, é m wiy. Vèn ku ghàr kinyo ke vèn tíy sho kìn kitávín, fo wìr bóʼtí ven, é vèn rán vinə́ŋsí vén.

Jeem 5:7

Afə̀r vem, kí nén a dzə jii, vèn kú a dzə ji nyaáŋ, a shìy ghán se Taàtá wòsən Jesus wíy wìy. Vèn kú a dzə moo ŋgaà sùm wo wù leey ji wun wíy kav vifá ve juŋ vi fo wùn sum. Wù kù yii dzə́ ji nyaáŋ, shiy a dzə̀ kimgbù ke wuu. Yí sə́ʼəyì, wù nèn a shìy a dzə̀ ye yí wáa manrí vifá.

1 Korin 11:26

Vèn ku nèn a kiíy jii, ghán sidzə̀m se vèn yí kibán kìn, nó bàr və̀n, e dù, e meé e ghan se Tàr wòsən Jesus wíy kfən, bo vèn fiʼtì a dzə̀ kpú ye wun woo Jesus‑eè kpuun.

Joon 21:19

A Jesus‑eè suuy kinyo kìn ji wun tóʼtí á kfə́ə kpu ye Pita wíy kpu, e nàn a dzə̀ yír Nyùy. Mo wù suuyin bey, e nèn kfə̀n sùúy sho jii, «Kú a jùmrì a dzə̀ mo.»

Matio 24:44

Kí nén a dzə jii, mo ŋgaà wo yírí dzəə̀n ji Wanwìr wíy sàsìn, e bvəy, a bó vèn yòʼ kì, vèn wáa dzə rì, a shìy ghán sidzə̀m.»

Ŋgaà Yen 22:20

Wìr wo wù ghemrin vinyo vìn vidzə̀m nén a ratí jii, «Á wáa kiíy rú jii, m kù sí lo, e bvəy lèn lèn.» M nén a binsí jii, «Amen, Tàr wor Jesus, ku wìy wìyìn.»

Ŋgaà Yen 22:7

A Jesus suuy jii, ‹Vèn yuúrí, m kù sí lo, e bvəy lèn lèn. A wíy bòŋ ké wìr wo wù yú jí se Nyùy se á tiísi e ŋwàʼ fèn, yii mo sí dzəə̀n.› »

Ŋgaà Yen 1:7

Vèn wáa kiíy ji Jesus waà sí wiyì, a wù wíy fəəsín a dzə̀ fó mvə̀m mbàʼ, é wìr dzə̀m yén e sí yéví. Wír ve vé‑eè sòvìn nsaŋ rə e kòŋé víyi wíy yen sa, é vitúm veé kitu ke nsay vidzə̀m vi yén wun, a yàʼ, a toŋnín. A kù dzə̀ mo kí wíy a dzə. Amen.

Matio 25:31

Jesus kfən sùúy jii, «Ŋgaà wo yírí dzəə̀n *Wanwìr wíy lòo kfən, a wù sí kér vikuʼùy və́ veé yuv, a sí wiy wùn à nshèelav se Nyùy si sidzə̀m, é wù nèn kòʼ é kàvàʼ wo Nyùy dzə̀ʼə̀rìn wun sho.

Matio 24:27

Vèn wáa kiíy jii, ŋgaà wo yírí dzəə̀n Wanwìr wíy lòo kfən, aá kú a yen réŋréŋ moo kishèv ke kí yii ŋwaŋ fo buu ndzə wúmóʼó, kí tòʼnín yúv, e dù e buu wúmóʼó.

Matio 24:3

Jesus dù, e dzə̀ʼə̀m e gwan wo á yoŋ ji Gwan Vicì vé Oliv, a sì wùn à wón və́ lìme, áwune áwune, á kóʼtí, e dzə̀r shó jii, «Kinyo ke à kì suuy kìy ki wíy koóy a dzə̀ é ghàn ka? Kisəəm ke kí wíy dìn ji à sí kfə́n, é ndzə may kí dzə̀ ka?»

Matio 8:22

Jesus bìnèr e woo shooy jii, «Kú a wìy wìyìn, e màʼtì, é wír ve á siìn ji aŋkfəə wìy a dzəə̀mè aŋkfə vév.»

Matio 16:24

Jesus suúy bey, e nèn sùúy e wón və́ lìme jii, «A wìr koŋ ji wun wáa dzə ŋgaà wom ŋgoo, ŋgaàŋ kù màʼày kitú kfə́, e toòmé kpú, e lì moo kintam, a ghan sho e mǒ bàm.

Joon 21:21

Mo Pita yenen, a wan lìm Jesus və̀y wiyì, e dzə̀r e Jesus jii, «Tàr, ké və̀n woo wír ki dzə̀ ji ka?»

1 Tesalonika 2:19

A vèr kér shií fo vèn ben, bìʼ fo dzəə̀n ven ve dzəə̀n viwìr vér, e kfə̀n a dzə kishéʼrì kér. Kí búŋ fó bey, bo Tàr wòsən Jesus wíy wìy, vèsən lóo tiy e wùn si, é vèr wáa kàn a dzə̀ ala, é vèr wáa sheʼrí a dzə̀ bìʼ ala, é vèr wáa binsí nsiì a dzə̀ bìʼ ala? Kù wíy a dzə bìʼ ven vin ve vèr kooyin ji wír və́.

Jeem 5:8

Kù dzə̀ sá mo vèn ghár shilív, a dzə ji nyaáŋ, a shìy, a kiíy jii, kishiíy ke Taàtá wòsən Jesus wíy a wìy ki sì á fo mentsə̀m.