Joon 21:19 - ŊWÀʼ NYÙY

¹⁹ A Jesus‑eè suuy kinyo kìn ji wun tóʼtí á kfə́ə kpu ye Pita wíy kpu, e nàn a dzə̀ yír Nyùy. Mo wù suuyin bey, e nèn kfə̀n sùúy sho jii, «Kú a jùmrì a dzə̀ mo.»

Joon 21:19 Referans Kwoze

2 Pita 1:14

bìʼ fo m kiìn ji vishiíy vém ví kù bèr ne vishàr, é m maʼti wún woó nsay və̀n mo Taàtá wòsən Jesus Kristu‑uù toʼon e mò.

Joon 21:22

Jesus bìnèr sho jii, «A m fə̀m kì taʼ ji wù wìy shaàrì, e mèé e ghan se m wíy kfən, bo bó yòʼ dzə̀ nsaʼ yè. Kú a jùmrì ké ki a dzə̀ mò.»

Matio 10:38

A wìr dzə̀ là fó biimé kpú, e lì moo kintam, a ghan sho e mǒ bàm, bo bó ŋgaàŋ yoʼ ghèén ji ŋgaà wom ŋgoo.

Filipi 1:20

Kinyo ke m taʼ feyì, e way vifií shó cáʼ ki dzə̀ ji lá kí yòʼ kòóy a ji m yii kinyo ke kí wáa fo mo woómé. M kú a kur shilív, a tiy kitávín ghán sidzə̀m, bo taaka lèn və̀n, kìn dzə̀ ji á yúyri mo, kìn m goʼ e tin, é kinyo ke m yii kidzə̀m ki wáa meér yír a dzə̀ yé Kristu.

Joon 12:33

A wù‑uù suuy kin ji wun fiʼ dìn kfə́ə kpu ye wù‑uù wíy kpu.

1 Samuel 12:20

Samuel bìnèr jii, «Lá vèn yòʼ a fàn. Fə̀m mo vèn yiìn kinyo ke bi kí ben, lá vèn yòʼ màʼày Nyùy Tàr. Vèn wáa ghvəm wun vèn à shilív shén shí shidzə̀m.

Joon 18:32

A kinyo kìn ki‑iì kòóy bey ji kfə́ə kpu ye Jesus‑eè suuyin ji wun wíy kpuu fiʼ ghèén.

Joon 12:26

A wìr taʼ ji wun wáa dzə wán wom lìm, wù kù a ghan vèr wun. M lóo dzə fo m dzə́, é kú a dzə vèr wun. Wìr wáa lìm fo mò, bo Tàr wor wíy bùʼ ŋgaàŋ.»

Matio 19:28

Jesus bìnèr jii, «M suuy kinyo ke ru kí e vèn jii, ndzə ye fíy wíy wìy, a ŋgaà wo yírí dzəə̀n *Wanwìr və̀n kóʼ ne e wùn kàvàʼ wo Nyùy foon, é wù nèn fò sá kàvàʼ nshòv sibaà e ghvə̀m, é ven ve vèn áwune ghán e nsay fène wáa dzə sa sho, a saʼ rám yeé Isray yee nshòv sibaà e ghvə̀m.

Kintaŋ 14:24

Yii bèy, ké ŋgaà lìm wom woo Kalev mo wù kér shilív sə́ jeéy, ghán e mǒ mbòv shilív shimòʼón, m wíy lì wun, e dù, e nəə́ sho e nsay ye wù‑uù duùn, e yèn, é rám rəə́ yov fó.

Matio 8:22

Jesus bìnèr e woo shooy jii, «Kú a wìy wìyìn, e màʼtì, é wír ve á siìn ji aŋkfəə wìy a dzəə̀mè aŋkfə vév.»

Joon 21:18

A m suuy e wò rúrú jii, «Wò‑oò dzə́ wánlè nsùm, wóvti ndzə̀y sé, à wàa dù fo à kòŋèn. Yii bèy, à wíy dzə̀n, áà wáa ràmsì kóy, é wìr wo sən wáa kur, a lì wò, a dù sho fo bó à yòʼ koŋè.»