Joon 21:18 - ŊWÀʼ NYÙY

¹⁸ A m suuy e wò rúrú jii, «Wò‑oò dzə́ wánlè nsùm, wóvti ndzə̀y sé, à wàa dù fo à kòŋèn. Yii bèy, à wíy dzə̀n, áà wáa ràmsì kóy, é wìr wo sən wáa kur, a lì wò, a dù sho fo bó à yòʼ koŋè.»

Joon 21:18 Referans Kwoze

Joon 13:36

Simon Pita nèn sàyín jii, «Tàr, à du a dzə̀ feé?» Jesus bìnèr jii, «M du e kirə̀ʼ, a bó yòʼ dzə̀ à wìy fó lèn. À wíy siíy, e jùmrì mo a dzə̀ é ghan sé bàm sí.»

Lim Aŋgàa Ntum 21:11

Wù wìy, e yèn ver, e lì kifám ké Por, e kùr kóy wun woo Agabur sho wùn à shwín vəə́, e sùúy jii, «Kiyoy ke Ranén kí suuy jii, á mo wír veé Judàa wíy kur ŋgaà kifàm kin bèn e Jerusalem, e way e wír ve bó yòʼ dzəə̀n veé Judàá wo.»

2 Korin 5:4

Vən woo wúné dzə̀, a vèr ghán sho, yén ŋgeʼ sinín, shwémkirì. A bó yòʼ dzə̀ ji vèr tén a wún vən ténén, taʼ ji á maʼti. Vèr koŋ fó a màʼ a dzə̀ wo wú bòŋèn, e shaà vən, é woo shoon wo bó wú yòʼ dzəə́ wìy kpuu sum woo kimkpú və̀n, é wú nyoóy, e lày.

Ŋwàʼ Luk 12:37

A bòŋ ké wón lìm ve tàr wov yíi lòo wìy, aá dzəə́ kiʼì. Vèn wáa kiíy rú jii, wù yíi wovtí ndzə̀y sə́, e suúy, aáwune dzəʼəm, é wù taʼ vifá ve yi, e jàv, aá wàá yí.

Joon 21:17

Wù kfən lò, e yòŋ fo akàŋ vee ataár jii, «Simon woo wan Joon, à koŋ mo á?» Pita yú, a wù dzə́r fó akàŋ vee ataár ji wù sà koŋ wun a, kitú ki lùm wun. Wù nèn yòŋ jii, «Tàr, kì wò vinyo vidzə̀m, aà kì ji m koŋ wò.» Jesus kfən sùúy sho jii, «À wàa leéy rì fo wír vémé mo wìr lèéy fo njiì.»

Joon 21:19

A Jesus‑eè suuy kinyo kìn ji wun tóʼtí á kfə́ə kpu ye Pita wíy kpu, e nàn a dzə̀ yír Nyùy. Mo wù suuyin bey, e nèn kfə̀n sùúy sho jii, «Kú a jùmrì a dzə̀ mo.»