Joon 21:17 - ŊWÀʼ NYÙY

¹⁷ Wù kfən lò, e yòŋ fo akàŋ vee ataár jii, «Simon woo wan Joon, à koŋ mo á?» Pita yú, a wù dzə́r fó akàŋ vee ataár ji wù sà koŋ wun a, kitú ki lùm wun. Wù nèn yòŋ jii, «Tàr, kì wò vinyo vidzə̀m, aà kì ji m koŋ wò.» Jesus kfən sùúy sho jii, «À wàa leéy rì fo wír vémé mo wìr lèéy fo njiì.»

Joon 21:17 Referans Kwoze

Joon 13:38

Jesus nèn dzə̀r shó jii, «A dzə̀ à kpù rú fo mò a? Kú a kiíy rúrú jii, bo kiyuú ki yiì a toŋ, aà méŋ ne akàŋ ataár ji bó à yòʼ kì á mo.»

Maak 14:72

Kù mo wù suuy bèy, kiyuú ki nèn tòŋ ji akàŋ abaà. Wù yú, e kuùmé kinyo ke Jesus kì suuyin jii, «Kiyuú ki yíi lòo toŋ ji akàŋ abaà, aà méŋ ne mo akàŋ ataár.» Wù nèn tsə̀m wó e si, a dìy.

Joon 16:30

Vèr kìíy ne lèn ji à kì vinyo vidzə̀m, a bó shií yòʼ dzə̀ə́ wo wìr rə́sí, a sòv wò sóvin, a vèr biìmé ne lèn ji wò‑oò lò rú fo Nyùy.»

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

Efesor 4:30

Lá vèn yòʼ a yiì kinyo ke Kiyoy ke Ranén kí wáa yu ntéŋ, a sòv kitú. Vèn wáa kuumé ji Kiyoy ke Ranén kin ki dzə̀ kisəə́y ke Nyùy‑iì foon e vèn ji kishiíy kí wíy gheén, é wù luŋèr ven ŋkuuŋkùŋ.

Lim Aŋgàa Ntum 15:8

A Nyùy wo wù kiìn melív me wìr dzə̀m‑eè lo bìnsí áwune ji wír və́. Wù‑uù fò áwune Kiyoy ke Ranén kí, réŋréŋ mo wù‑uù foon e vèsən fó mbìy.

Joon 15:10

A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

Joon 14:15

«A vèn koŋ mo, vèn wàa lèm nsər se dzəə̀n sém.

Nsùyrì Nyùy 17:3

À kì mo shilív shém shí dzəə̀n, aà wìy ne, e ghàn mo vitsə́ʼə́, e tàr mo kijuujùŋ, e yèn, a bó m yòʼ tíy e kinyò ke bi kí.

2 Pita 3:1

Ŋkàr sem, ŋwàʼ wo m sáŋ fo vèn və́ne dzə̀ wo wú meen ji baà. A m lóo saŋ, m kù a ratí a dzə̀ vinyo ve vèn kiiyin ne vìn, e fíʼ a yìmrì vifií vén, é ví kú a tiy a dzə̀ é vinyò foo fèn.

1 Pita 1:6

Vèn kú a kuumé a dzə̀ kinyo kee shoon ki ghán sidzə̀m, a sheʼrí. Mo ŋgeʼ si fə̀m kooy ven fó shintsə̀mén shé ghan fen, vèn ku yòʼ a sheʼrí,

2 Korin 1:12

A dzə̀ mo vèr à wíri yii dzə́, m wàa tuy shwín, a suúy feyì fo shiliv jii, m kù yii yii kinyo e wìr, a dzə̀ ke m yú fo Nyùy, bo taaka e vèn, e làa yòʼ a bìnbìn. A bó yòʼ dzə̀ m wàa yiì kinyo, a dzə̀ ke yii kwaʼtì wír. M kù yii kinyo kidzə̀m, a dzə̀ ke Nyùy din e mò, sə́ mo, a m yii.

Lim Aŋgàa Ntum 1:24

Á nèn a bùnrì, a suúy jii, «Tàr, kù kì wò melív me wìr dzə̀m. Ku dìn wír wo à shoʼon

Joon 18:27

Pita kfən shàʼnín. Mo wù shaʼnin é ghan sin, kiyuú ki ku nèn tòŋ.

Joon 18:4

Jesus‑eè kìíy ne kinyo ke kí kér fó koóy wun kidzə̀m, wù nèn kòʼtí fo mbìy, e dzə̀r e wír vìyi jii, «Vèn taʼ a dzə̀ la?»

Joon 12:8

Vèn à vé ŋgeʼe wíy siíy, a dzə ghán sidzə̀m, a bó vèsən yòʼ wíy a dzə.»

Matio 25:40

Á dzə́r bèy, é wun woo Fon nèn bìnèr jii, ‹Vèn‑eè yii vinyo vee shoon a dzə̀ áàfə́r vémé. Mo vèn‑eè yii aàfə́r vém víne, a ŋgaàŋ fə̀m dzə̀ ghéʼ é le, bo vèn‑eè yii a dzə̀ e mò.›

Yòvdìy 3:33

Wù yòʼ maʼ ŋgeʼ e wìr msòŋ kitu, koŋè. Wù yòʼ taʼ ji wìr wáa dzə e mvə̀m nyar.

Jeremia 17:10

Mo woo Nyùy Tàr, m kaʼày melív me wíri, tar kwaʼtì sév, laáme wír, kù mo yii rəə́ taʼà, laáme réŋréŋ mo liì və dzəə̀n.»

1 Wòŋ 29:17

Nyùy wom, m kì ji à yii tar melív me wíri, yén she shí tíy tìítiy, à wàa yu vijuŋ. M fò vifá vìn e wò là kiloʼ, a m fò vèr à shilív she juŋ shi. M kfə̀n yèn sá mo wír vé ve á baʼtin fene fó vifá e wò e shilív she juŋ shi, shéʼri.

1 Afòn 17:18

Wù nèn sùúy e Elija jii, «Wìr Nyùy, à yiì kin e mò ben bìʼ ka? Wò‑oo wiy fen ji à kuúmé vinyo vém ve bi ví e Nyùy, e kfə̀n yiì, é wan wom kpú a?»

Joshua 22:22

«Nyùy Tàr dzə̀ taà Vitu, Nyùy Tàr dzə̀ Taà Vitu, a wù kì. Kí ghèén é Isray wúnwun kiíy sá. A vèr fèn tàv rú a dzə̀ kitú, kìn ji vèr méŋ Nyùy Tàr méŋén, lá vèn yòʼ màʼtì ver atin e kishiíy ké lán ki.

Ŋgaà Yen 3:19

Vèn wáa kuumé jii, m yii lóo kòŋ wír, m kù a saʼ, a sə̀r ji wù fíʼ fiír. Vèn ku nèn lèm vinyo ve m suuy vìn e vifii, e bìnèr melív men, a yiì mo ví dzəə̀n.

2 Samuel 7:20

A dzə̀ m kfə̀n sùúy ka e wò lèn. À kì ne kifá ke dzəə̀n mo woo ŋgaà lìm wò.

Joon 21:18

A m suuy e wò rúrú jii, «Wò‑oò dzə́ wánlè nsùm, wóvti ndzə̀y sé, à wàa dù fo à kòŋèn. Yii bèy, à wíy dzə̀n, áà wáa ràmsì kóy, é wìr wo sən wáa kur, a lì wò, a dù sho fo bó à yòʼ koŋè.»

1 Wòŋ 17:18

A dzə̀ m kfə̀n sùúy ka e wò, fo nàn ye à nànèn mo woo ŋgaà lìm wò. À kì ne kifá ke dzəə̀n ŋgaà lìm wò.

Joon 4:16

Jesus suúy shó jii, «Dù ri, e jàŋ lum wò, é vèn wun wiy.»

Lim Aŋgàa Ntum 11:10

Kí koóy bey akàŋ ataár, kifá kee shooy ki nèn kfə̀n é yuv.