Joon 21:16 - ŊWÀʼ NYÙY

¹⁶ Wù kfən dzə̀r fó akàŋ vee abaà jii, «Simon woo wan Joon, à koŋ mo á?» Pita sii bìnèr jii, «Eènó Tàr, à kì ji m koŋ wò.» Wù nèn kfə̀n sùúy sho jii, «À wàa leéy rì fo wír vémé mo wìr lèéy fo njiì.»

Joon 21:16 Referans Kwoze

Lim Aŋgàa Ntum 20:28

Vèn siiy, vèn wàa leéy fo věn vitu, e kfə̀n a leéy fo kintatì ke Nyùy ke Kiyoy ke Ranén kí wayin e věn kiwo. Vèn wáa leéy fo fo réŋréŋ mo nshìy lèéy fo wùn njiì, a kuumé ji Nyùy‑iì tìn kintatì kìn a dzə̀ e mensə́ me Wan və Jesus mè ji wáa dzə wír və́.

1 Pita 5:2

A m tír ven jii, vèn kú a leéy a fo kintatì ke Nyùy wayin e věn kiwo ki, a dànèr mo wìr yii danèr njiì və. Vèn wáa leéy feyì kijuŋ ji kòŋ a ven, e làa yòʼ a leéy mo á kàn ven kánen. Lá vèn yòʼ a leéy, a dìy mbàm, bìʼ fo kee shooy ki dzəə̀n woómé se kuʼùn sí.

1 Pita 2:25

Vèn‑eè dzə́ fo mbìy, ján janén moo njiì wo wù jayin dzə́ə, a vèn kfə̀n ne lèn fo Nshìy won wo wù danèr ven, shiy melív men.

Nsùyrì Nyùy 100:3

Vèn kú a binsí ji Nyùy Tàr dzə̀ á Nyùy. Yì‑iì bòm wun vèsən, a kér wun vèsən. Vèsən nén a dzə wír və́ moo njiì wo wù danèrì.

Nsùyrì Nyùy 95:7

Wù dzə̀ Nyùy wòsən. Vèsən nén a dzə wír və́ ve wù danèrì. Vèsən dzə̀ moo njiì wo wù leey fo fo. A vèn yù, a Nyùy yoŋ ven lán,

Hibru 13:20

Nyùy wo wù yii, a melív mèsən mè dzə́ nyaáŋ kú a leéy fo vèn. Dzə̀ wun wo wù‑uù fəərin Taàtá wòsən Jesus fo kpu, wù wáa dzə lèn ji Nshìy Njiì wo Kuʼùn, a leéy fo wír Nyùyi adzə̀m. Yì‑iì cùtì wun mensə́ mvə, e bóo way wíri e Nyùy mvə̀m *mensàŋ me bó yòʼ dzə̀ mè wìy mày.

Joon 18:25

A Simon Pita kù dzəə́ tíy fo wù kí yór və́y. Á nèn lò, e dzə̀r shó jii, «Bó à yòʼ dzə̀ sá ŋgaà ŋgoo wìr və̀n wùmòʼ a?» Wù kfən shàʼnín jii, «Bó m yòʼ dzə̀ é ŋgoo foo fèy.»

Joon 18:17

Wánlè wiíy və̀y yén Pita, e dzə̀r shó jii, «Kí à dzə̀ sá ŋgaà ŋgoo wìr və̀sə wùmòʼ.» Wù sháʼnín jii, «Bó m yòʼ dzə̀ é ŋgoo fo.»

Ŋwàʼ Luk 19:10

a ŋgaà wo yírí dzəə̀n *Wanwìr wìy fó tàʼ wír ve vé‑eè làykìn ne, e lùŋèr.»

Matio 26:72

Pita nèn kfə̀n shàʼnín, e lìʼ jii, «Bó m yòʼ fə̀m kì wír wo á yoŋ və̀n.»

Matio 25:32

Wù kóʼ sho, é vitúm vidzə̀m vi nèn bàʼtí e wùn si, é wù javsin áwune mbìv sibaà réŋréŋ mo nshìy yii javsìn njiì və fo bvə́y se loŋ sí mvəm.

Matio 2:6

«Wò woo shintèʼ shee Betlehem e nsay Juda, lá à yòʼ a kwàʼtì ji bó à yòʼ kér kilíŋ e mvə̀m ntèʼ seé Juda se sí tíy mbìy. Kilíŋ ké ki kùʼ, bìʼ fo ŋgaà saʼ wíy fəə fo wò mvəm, a dzə̀ wo wù wíy a dànèr wír vém veé Isray.»

Sekariya 13:7

«Éè nyùy ye á maʼ rə́r shó, ŋáʼáy, e taàmé nshìy wom, ŋáʼáy, e taàmé ŋgaà wom ŋgoo. Suuy mo woo Nyùy Tàr woo Taà Mànjòŋ. Yúyrí nshìy, é njiì bvəə́rí. M wíy màʼ kiwó kém e ve terií kitu, e lovtí aáwune.

Ŋgaà Yen 7:17

bìʼ fo Wàn Njiì wo wù dzə́ e shùu kàvàʼ wíy a shìy áwune, a dànèr áwune moo njiì, a dù sho fo adàn ve á fəər mendzə́v me mè fó dzəʼə̀m yee là mayi dzəə̀n. A Nyùy wíy sòr mensíy medzə̀m fo wír vìné si.»

Joon 21:17

Wù kfən lò, e yòŋ fo akàŋ vee ataár jii, «Simon woo wan Joon, à koŋ mo á?» Pita yú, a wù dzə́r fó akàŋ vee ataár ji wù sà koŋ wun a, kitú ki lùm wun. Wù nèn yòŋ jii, «Tàr, kì wò vinyo vidzə̀m, aà kì ji m koŋ wò.» Jesus kfən sùúy sho jii, «À wàa leéy rì fo wír vémé mo wìr lèéy fo njiì.»