Joon 21:15 - ŊWÀʼ NYÙY

¹⁵ Á yiì yìkír, e màysì, Jesus yòŋ Simon Pita jii, «Simon woo wan Joon, à kù yòʼ koŋ mo, e shaà mo wír vìne koŋè a?» Wù bìnèr jii, «Eènó Tàr, à kì ji m koŋ wò.» Jesus nèn sùúy sho jii, «À wàa leéy rì fo wír vémé mo wìr lèéy fo wón njìi.»

Joon 21:15 Referans Kwoze

Ŋwàʼ woó Rom 15:1

Afə̀r vem, kinyo ke dzə̀ vèsən wàa yiì ki dzə̀ jii, wìr wo wù kiìn ji dzə̀ wun wàa yiì vinyo, la shilív shí yòʼ a saʼ wun fo fo, ku yòʼ màʼtì vinyo vee shooy, e fíʼ sə fə́r və wo bó wù yòʼ kiìn bey. Lá vèsən yòʼ a yiì kinyo ji kí wáa bòŋ a dzə̀ á vèsən.

1 Joon 4:19

Vèn kuúmé ji vèsən koŋ Nyùy, kfə̀n koŋnìn lèn, bìʼ fo yì‑iì kèʼèn wun woo Nyùy, a kòŋ vèsən.

Aysaya 40:11

Wù wíy a leéy fo wír vəə́ kijuŋ, kù mo nshìy lèéy fo njiì və. Wù wíy a geʼsín aáwune, kù mo nshìy yii lo, wù shùr wan njiì, e kòytí. Wù wíy a dànèr áwune ji weè weè, kù mo á dànèr anjiì ve á nyoor wón.

1 Pita 1:8

Lèn və̀n, mo bó vèn yóʼ ne fə̀m yèn Kristu, vèn sí koŋ wun. Vèn kfə́n a way sa shilív é wùn wó, a bó á yòʼ yéné. Vèn nén a dzə, a ker kishéʼrì ke kuʼùn kí, a bó móo fìʼ yòʼ dzə̀,

Efesor 6:24

Kfə̀n lón ji Nyùy kú a kòŋ ven, a leéy fo vèn adzə̀m, ven ve á wayin Tàr wòsən Jesus Kristu e shiliv, e kpù shó.

Lim Aŋgàa Ntum 20:28

Vèn siiy, vèn wàa leéy fo věn vitu, e kfə̀n a leéy fo kintatì ke Nyùy ke Kiyoy ke Ranén kí wayin e věn kiwo. Vèn wáa leéy fo fo réŋréŋ mo nshìy lèéy fo wùn njiì, a kuumé ji Nyùy‑iì tìn kintatì kìn a dzə̀ e mensə́ me Wan və Jesus mè ji wáa dzə wír və́.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

Joon 16:27

Tàr wor sí koŋ ven, bìʼ fo vèn‑eè sí koŋ mo, biíme ji m lò rú a dzə̀ fo wun woo Tàr wor.

Jeremia 3:15

M yíi fo ven vilìmbìy ve ví yú mo, é ví wáa dànèr ven e vifií ví wùn à kiíyi.

Esiker 34:23

M wíy shoʼ nshìy wov e mòʼón fo Fòn Davir woo ŋgaà lìm wóm ram. Wù wíy a shìy áwune, a dànèr.

1 Pita 2:25

Vèn‑eè dzə́ fo mbìy, ján janén moo njiì wo wù jayin dzə́ə, a vèn kfə̀n ne lèn fo Nshìy won wo wù danèr ven, shiy melív men.

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.

Ŋwàʼ Luk 22:32

Yii bèy, a m bùnrì ne fo wò ji lá shilív shé shi yòʼ wìy kpù kpuún fo mǒ wùn. Shí kfə́n wíy lóo tav, áà wáa tavír sa afə́r vé.»

Hibru 13:20

Nyùy wo wù yii, a melív mèsən mè dzə́ nyaáŋ kú a leéy fo vèn. Dzə̀ wun wo wù‑uù fəərin Taàtá wòsən Jesus fo kpu, wù wáa dzə lèn ji Nshìy Njiì wo Kuʼùn, a leéy fo wír Nyùyi adzə̀m. Yì‑iì cùtì wun mensə́ mvə, e bóo way wíri e Nyùy mvə̀m *mensàŋ me bó yòʼ dzə̀ mè wìy mày.

Ŋwàʼ woó Rom 14:1

Afə̀r vem, vèn kì sá jii, wír ámóʼó dzə̀ é vèsə́n mvəm, aá nyaʼ vinyo vímóʼ ví ve melív mev mè tún ji bó yòʼ dzə̀ áwune moo wír Nyùy, á wàa yiì. Vèn kú a lì wír vee shooyi líin e věn wùn mo á dzəə̀n, e làa yòʼ a sòv vinyo vév, é vèn áwune wáa rəsí, a bìʼ mbìʼ.

Matio 16:17

Jesus yòŋ jii, «Simon woo wan Jona, vishí vé vi bòŋ feyì. Kú a kiíy jii, yiì Tàr wor wo wù dzəə̀n é yuv, é bo à kiíy kinyo kìn, a bó kí yòʼ lò fo wìr msòŋ.

Jeremia 23:4

M wíy shoʼ anshìy ve á wáa leéy áwune. Áwune yòʼ dzəə́ wìy a fàn, kìn ji á wáa yàʼ, a bó wìr yòʼ dzəə́ wìy lày fo áwuné mvəm. Suuy mo woo Nyùy Tàr.

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

1 Pita 2:2

Vèn kú a ker shií a dzə̀ fó kinyò ke Nyùy mo wan wo bór yii kér fo vin. Nyùy lóo nyoór ven shó, é vèn wáa kuy e wùn kinyò, e wìy gheén fó wìy nəə́ e wùn dzə̀ʼə̀m yee là may.

Galatia 5:6

A wíri tàtí ne wùn à Jesus Kristu, la wùmòʼ yòʼ dzə́ə a dzə jeéy ji wír wo á saŋen mbèʼ sə́ é liì wìr veé Juda, kìn wo bó á yoʼ sàŋ. Ke kuʼùn kí dzə̀ jii, wíri wáy á shilív e Kristu wùn, a kòŋnìn.

Joon 21:12

Jesus nèn sùúy aáwune jii, «Vèn wiy, e yìkír.» Wù kóʼtí, e lì kibán, e jàv aáwune, e kfə̀n jàv sa sə́ sìy, á wáa yi. Wùn áwune wáa dzə bèy, la wìr mòʼón yòʼ fə̀m ghày shó jii, wù sà dzə́ bèn, a dzə̀ wun la á? Á kù‑uù səə̀m sə́əmen ji dzə̀ á Tàr wov.

Joon 21:7

Wan lìm Jesus wo wù‑uù koŋ e ŋàŋ və̀y nèn sùúy e Pita jii, «Wìr və̀sə dzə̀ Tàr wòsən.» Pita yú ji dzə̀ á Taàtá Jesus, a wù kì tàm ndzə̀y támén, e kù nèn màʼ kikúm, e lìy fó kikoŋ, e tò é ndzəv, a dù fo.

Matio 18:10

«Vèn wáa yen fó a kay wír fo wón ve terí víne. Vèn wáa kiíy jii, nshèelav se Nyùy se sí leey fo áwune sí meéri e Tàr wor wo wù dzəə̀n é yúv si ghán sidzə̀m. [

Efesor 4:14

Vèsən kiiy bèy, é la á yòʼ dzə́ə a dzə moo wónlè, a biimé vinyo ve wìr ve á ghán, lévti wíri, ghaa vinyo gháan, yéʼey ji vé Jesus Kristu. A bó yòʼ dzə̀ vèsən kfə̀n a kar moo kikóŋ ke shwéri dom, a kí du fo wú du.

1 Korin 8:11

Wù biʼnìn wò wo à kiìn ké kee kinyo, yí vifá vee shooy, bo shilív sə́ shí bvəə̀rí ne. A kù yiì wò e fər wò wo Jesus Kristu‑uù kpuun sá fo fo ji shilív sə́ shí fíʼ a dzə nyaáŋ.

Joon 8:42

Jesus bìnèr jii, «A Nyùy kì dzə̀ rú Tàr won, bo vèn ku lò a kòŋ mo, bìʼ fo m dzəə̀n fen, a m lò a dzə̀ fo Nyùy. A bó m yòʼ‑oò wìy fo mǒ kitu. Yì‑iì tùm Nyùy mo.

Maak 14:29

Pita yú vinyo vìn, e sùúy sho jii, «A wìr dzə̀m fə̀m bìn ndzə̀m e wò, bo bó yòʼ dzə̀ m bìn gheéy.»

Ŋwàʼ Luk 12:32

«Wónen, mo vèn à ŋgoo yen fə̀m dzəə̀n ashàr, lá vèn yòʼ a fàn, bìʼ fo Tàr won Nyùy shoʼon ne ven ji vèn wìy a dzə e wùn mvə̀m saʼ.

Kèʼlo 33:13

Yii bèy, Jakov suúy e wun jii, «Kitù kem, à kì ji wón vémé dzə̀ə́ aŋeérín, a nyám see ayǐy won sí dzəə́ nyoor wón vév. Aá lòo dzə e kàn, sí ghán cércér, bo ndzə lóo ji, é sí kpúkír.

Matio 10:37

«Kí nén a dzə jii, a wìr koŋ tàr wov wùn yè wov, e shaà mo, bo bó ŋgaàŋ yoʼ ghèén ji ŋgaà wom ŋgoo. Wìr kfə́n a kòŋ wán və woo lumèn, kìn woo wiíy, a shaà mo, bo bó ŋgaàŋ yoʼ ghèén sa ji ŋgaà wom ŋgoo.

2 Afòn 20:3

«Éè Nyùy Tàr, m lón wò lónén. Kuúmé mo mò‑oò ghán e wò mbòv tìítiy, e shilív shém shí shidzə̀m.»

2 Samuel 7:20

A dzə̀ m kfə̀n sùúy ka e wò lèn. À kì ne kifá ke dzəə̀n mo woo ŋgaà lìm wò.

Joon 13:37

Pita nèn kfə̀n dzə̀r jii, «Tàr, yiì ka fo wòsò wáa dù lèn? A fə̀m dzə̀ kpú, bo m dzə̀ kibáʼtín fó kpu, áà luŋ.»

Joon 1:42

Andru nèn lì fə́r və, wùn wun dù, e yèn Jesus. Jesus leéy, e sùúy sho jii, «Kí yír yée dzə̀ Simon, aà dzə̀ wan wìr wo á yoŋ ji Joon. Yii bèy, aá sí wìy a yòŋ wò ji Sefar.» Jesus wáa yòŋ bèy, a Sefar dzə̀ sá ji Pita.

Matio 26:35

A Pita kù tíy kfə́ jii, «A fə̀m dzə̀ ji m kpú wòsò, la m yòʼ mèŋ wò gheéy.» Wón lìm Jesuse ku nèn bìnsí sa bèy adzə̀m.

Matio 26:33

Wù suúy bey, Pita nèn sùúy sho jii, «A wìr dzə̀m fə̀m bìn ndzə̀m e wò, bo bó yòʼ dzə̀ m bìn gheéy.»

Lim Aŋgàa Ntum 20:29

M suuy bèn, a m kì ji m wíy bìn ndzə̀m, é nyám se bi sí nəə́ é mvə̀m ŋgoo njiì fèn, e làa yòʼ a nyàʼ wóo lemér.

Esiker 46:24

Wìr və̀y nèn yòŋ e mò jii, «Féne dzə̀ fo wír ve á yii lim seé lav cùu wíy a naá vifá ve ví lo fo cù ye wíri wiy sho.»