Joon 20:9 - ŊWÀʼ NYÙY

⁹ Fə́m a dzə e ghan sin, a bó á yòʼ sí kiiy kinyo ke Ŋwàʼ Nyùyi‑iì din ji Jesus kù‑uù wíy fəə a fo kpu.

Joon 20:9 Referans Kwoze

Nsùyrì Nyùy 16:10

bìʼ fo à yòʼ wíy màʼtì mo áàŋkfəə́ wòŋ, a bó à yòʼ wíy màʼtì, é ŋgaà wò lìm wo juŋ foy é sày.

Aysaya 25:8

Nyùy Tàr woo Taà Ndzə wíy laàr kpú, é yí may ŋkuuŋkùŋ. Wù wíy sòr mensíy fo wìr dzə̀m si, e sù wír və́ fó liy se á shur áwune shó virə́ʼ vidzə̀m. Á ŋkàʼmé wo Nyùy Tàr yiìn.

Aysaya 26:19

Éè Nyùy Tàr, ku yiì, é wír vé ve á kpukin nee fəə́ fó kpu. Ku yiì, é dzə́n sé wìr vér ve á kpukin ne si ŋáʼáy é yuv. Ven ve á sí néŋ e nsay, vèn ŋáʼáy é yuv, a yòv, a sàvnìn, bìʼ fo Nyùy Tàr dzəə̀n kfə́ ji ŋweʼ ye yí gbu, njaʼkìrì, gbu bèy, a nsay yú, a vifá vi tókirì.

1 Korin 15:4

Mo wù kpuun, á dzəə̀mè, vishiíy ví meé vitaár, Nyùy fəə́r wun fo kpu, a Ŋwàʼ Nyùyi‑iì yiì ne sùúy kee shooy.

Ŋwàʼ Luk 24:26

Vèn yòʼ kì ji dzə̀ *Mfə̀ə́r wo Nyùy‑iì kàʼàn kù yèn ŋgeʼ sìn sidzə̀m, e bóo nəə́ e wùn vikùʼùy a?»

Matio 22:29

Jesus bìnèr jii, «Vèn jáy vinyo feyì, a dzə̀ bìʼ fo vèn yòʼ kiìn vinyo ve ví dzəə̀n é Ŋwàʼ Nyùy, a bó á yòʼ kì sá mo vitaáví vé Nyùy vi dzəə̀n.

Hosea 13:14

«A dzə̀ rú, m yiì tìn áwune fo aŋkfəə́ wòŋ à? A dzə̀ m bòyìr áwune fo kpuú wo à? Éè kpu, nyár ye à yii wiy shoo bèé? Éè wòŋ aŋkfə, laar ye à yii wiy shoo bèé? M yòʼ dzəə́ wìy sham mendzən mev.

Joon 2:22

Wón və́ lìme nèn wìy sìíy sa, a kuumé kinyo ke wù‑uù màʼàn kin, a wù fəə́ ne fo kpu. Á nèn biìmé ji kinyo ke Jesus‑eè suuyin, a vé‑eè lo dìn sa e Ŋwàʼ Nyùy kìn, ki dzə̀ á rú.

Ŋwàʼ Luk 9:45

Wù suúy bey, la áwune yòʼ kìíy. Kifá ki‑iì sə̀tí vifií vév fo á kiíy, á nèn kfə̀n a fàn fó dzər sho.

Nsùyrì Nyùy 22:15

M yùm ne moo kimbvə́ʼ ke láŋ, a vitaáví vém ví mày ne. Kiliímé kém kí bárín e mǒ kilayláy, aà fò ne mo e kpúu.

Lim Aŋgàa Ntum 2:24

Wù nèn fə̀ə́r Jesus fo kpu, wù bòy fo sày, bìʼ fo bó yòʼ‑oò dzə̀ kpúu ghàtí wun, a ker fo moo wir sháŋ.

Lim Aŋgàa Ntum 17:3

Wù‑uù din fo fo ji *Mfə̀ə́r wo vé‑eè shiyì kù‑uù waà wíy yen a ŋgeʼ, e kfə̀n fəə fo kpu, a suúy jii, Jesus wo wun fiʼtì aáwune lèn dzə̀ á Mfə̀ə́r woo shooy.