Joon 20:4 - ŊWÀʼ NYÙY

⁴ e shòʼ a dzə̀ kileʼ. Wàn lìm Jesus və̀y nyéŋ fó mbìy, e shaà Pita.

Joon 20:4 Referans Kwoze

2 Samuel 18:23

Ahimaas kfən sùúy jii, «A kòŋ wàa koóy ka, bo m kù du.» Joav nèn biìmé ji wù du á rì. Á bèy, Ahimaas shèr dzə́ə fó mbuŋ Jordan e kinyeŋ ki, e nèn kù bàʼàr wir kitum və̀y.

2 Korin 8:12

A wìr kòŋ ji wù fó kifá mo wù kérí, Nyùy kù səə̀sí kifá kee shooy. A bó yòʼ dzə̀ wù wàa leéy ji wìr fó kifá ke bó yòʼ dzəə̀n vitaáví və́.

1 Korin 9:24

A dzə̀ vèn fìʼsìn vinyo vìn moo kileʼ ke wíri yii sénin anín, kù sò wír e mòʼón, e kòóy kifá. Vèn ku nèn a leʼ rì sa kén kee kileʼ moo wír wo wù léʼ ji wun ku sò kifá,

Cù 13:30

bo taà cù yíi kàʼày, yén, a fóo shoó e shaà juv wùn, a wuy yee fóo kfə̀n baaŋè, dzə́ ji sèém, bo taà cù yíi toʼór ji wù kér a kifàn, bìʼ fo dzəə̀n yàsí vintàŋ woó kitu, kìn woó kighèv.

Joon 20:3

Pita wùn wàn lìm Jesus və̀y nèn fəə̀ ji á du e shùu sày fèy,

Joon 20:5

Wù meé fó, e bìʼtí, e lèéy say, e yèn, a sí néŋ wón ndzə̀y ve vé‑eè ndzəmen dzə́n Jesus sho. Wù leéy bey, e làa yòʼ nəə́.

Joon 20:8

Və̀y woo wan lìm Jesus wo wù kì meen é shùu sày fo mbìy nəə́ sá, e yèn kinyo ke kí kooyin, e nèn biìmé ji Jesus fəə̀ ne rú á fo kpu.