Joon 20:29 - ŊWÀʼ NYÙY

²⁹ Jesus suúy shó jii, «À biìmé lèn bìʼ fo à yenen ne mo a? A bòŋ ké wìr ve bó á yoʼ lò yèn mo, e kù yòʼ biìmé.»

Joon 20:29 Referans Kwoze

1 Pita 1:8

Lèn və̀n, mo bó vèn yóʼ ne fə̀m yèn Kristu, vèn sí koŋ wun. Vèn kfə́n a way sa shilív é wùn wó, a bó á yòʼ yéné. Vèn nén a dzə, a ker kishéʼrì ke kuʼùn kí, a bó móo fìʼ yòʼ dzə̀,

2 Korin 5:7

Vèr ghán lèn, wáy shilív a dzə̀ e Nyùy wùn, kiiy jii, mo bó vèr yòʼ fə̀m sí yén fó, vèr kù wíy meé fo.

Hibru 11:1

Wìr yii wáy shilív e wìr wùn, ŋgaàŋ kaʼ wun e kifa, wù nèn a leéy a dzə̀ fó mbìy, a kiíy ji wun kù wíy a ker a kíwun, e kfə̀n a kiíy kijuŋ jii, kifá ke wun yòʼ fə̀m sí yén kìn ki dzə̀ rú á sho.

Hibru 11:27

Mo wù kù‑uù wáy kfə́ shilív a dzə̀ e Nyùy wùn, wù nèn lò, e fəə̀ fó wòŋ Ejiv foo fèy, e làa yòʼ a fàn kinyo ke yì‑iì dzə̀ fòn yiì e wun, a wù fə̀m‑eè shwiiy kilòŋ moó le. Wù ku nèn a dù kfə́ dúun, e làa yòʼ a leéy bám, wáa dzə mo ghán wùn Nyùy, a wù yén Nyùy wo bó á yòʼ yii shóv e si.

Ŋwàʼ Luk 1:45

A Nyùy Tàr shéʼri wò feyì, bìʼ fo wò‑oò biimen ji wù ku wìy yiì kinyo ke wù kàʼàn wò sho.»

Joon 4:48

Jesus suúy shó jii, «Vèn dzə̀ ben, a bó yòʼ dzə̀ vèn wày shilív e mǒ wùn, a bó á yén ji m yiì kinyo ke kí wáa dìn vitaáví vé Nyùy.»

Joon 20:8

Və̀y woo wan lìm Jesus wo wù kì meen é shùu sày fo mbìy nəə́ sá, e yèn kinyo ke kí kooyin, e nèn biìmé ji Jesus fəə̀ ne rú á fo kpu.

Hibru 11:39

Mo wír vìn adzə̀me fə̀m‑eè wáy shilív e Nyùy wùn é ŋàŋ, a wù bínsi vinyo vév, bó á yòʼ‑oò sí yén mo Nyùy‑iì wíy ghan, é bo á nəə́ é vijùŋ ve wù‑uù kàʼàn áwune shó.

Matio 13:16

«Yii bey, vèn dzə̀ kén, a vishí vén ví bòŋ feyì, bìʼ fo vèn sí kér sí ye yí yén virə́ʼ, kér vituʼùr ve ví yú vinyo.

Joon 20:28

Tomar ku nèn sùúy suuyín jii, «Dzə̀ wò Tàr wor, aà dzə̀ Nyùy wom.»