Joon 20:27 - ŊWÀʼ NYÙY

²⁷ Wù nèn sùúy e Tomar jii, «Wìy ri, e mùmrì wó yémé e kiwó ki, e kfə̀n lèéy mo yí dzəə̀n. Tsə́nsí kiwó ké ki, e mùmrì sa búu wóm nsaŋe, e bèr kiŋkìnèn, e biìmé ji dzə̀ rú á mo.»

Joon 20:27 Referans Kwoze

Joon 20:25

Kibér ke wón lìm Jesus ki nèn sìíy, a fèr sho jii, «Vèr kì yèn Tàr wòsən.» Wù nèn a kìnèn jii, «A dzə̀, a bó m yén shuu se mban se vé‑eè taan é wùn wó, e mùmrì e kiwó kém kí, e kfə̀n mùmrì sa búu nsaŋ, la m yòʼ biìmé gheéy.»

Joon 20:20

Wù shàʼtì bèy, e dìn wó rə́ aáwune, e kfə̀n dìn búu və́ nsaŋ. Áwune yén Tàr wov, a sheʼrí feyì.

Nsùyrì Nyùy 78:38

Yii bèy, e yé ŋgaà mendzə̀ne, wù ku làysìn vinyo vév ve bi ví, e làa yòʼ laàr áwune. Mo dòʼshwiíy kù kív wun, a wù kfə́men à fó à fó, wù kú a sə̀r dòʼshwíiy və sə́rin, fóo laàr áwune adzə̀m.

Ŋwàʼ woó Rom 5:20

Ké nsər ki nén a dzə kfə́ jii, Nyùy‑iì fó nsər, a wíri sí yii vinyo ve bi ví ji á fíʼ a yen ajay vév, a shaà bèy. Mo ajayi sí yénsin akuʼùn, dzə̀ sá mo wíri lón fo Nyùy, a wù buʼ áwune, laysìn ajay vév, shaa bèy.

Ŋwàʼ Luk 24:40

Wù suúy bey, e dìn wó rə́, e kfə̀n dìn wuú.

Ŋwàʼ Luk 9:41

Jesus yú, e sùúy e wón vəə́ jii, «Vèn dzə́ bèn, a vèn dzə̀ wír kisaŋe. Vèn yòʼ lo, vèn wày shilív e Nyùy wùn gheéy. M kér fó wìy tsəmrí vinyo vén é le? Vèn taʼ ji m dzəʼəm vèsən e mèé e le?» Wù nèn sùúy e tàr à wan və̀y jii, «Wìy e wan wò fèn.»

Maak 9:19

Jesus nèn sùúy e wón vəə́ jii, «Vèn dzə̀ ben, a bó vèn yòʼ lo, vèn wày shilív e Nyùy wùn gheéy. M wíy tsəmrí vinyo vén vin e meé e le? Vèn taʼ ji m wìy dzə̀ʼə̀m vèsən e mèé e le? Vèn wiy e wan woo shooy, e fò shan.»

Matio 17:17

Jesus yòŋ jii, «Wír vìn, vèn dzə̀ wír kisaŋe. Bó vèn yòʼ lo, vèn wày shilív e Nyùy wùn gheéy. M wíy tsəmrí vinyo vén, e dù meé e le? Vèn taʼ ji m wìy dzə̀ʼə̀m vesən, e mèé e le?» Wù nèn sùúy jii, «Vèn wiy e wan woo shooy, e fò shan.»

Ŋwàʼ Luk 24:39

Vèn leéy wó yémé wùn à wuú yémé, é vèn nèn kìíy ji dzə̀ á mo féyì. Vèn mumri wún wómé, e yù mo wú koó. Bó kimalèŋ ki yòʼ yii kér jáv wùn à vighvə́r ví mo vèn yén, a m kérí.»

Joon 20:28

Tomar ku nèn sùúy suuyín jii, «Dzə̀ wò Tàr wor, aà dzə̀ Nyùy wom.»