Joon 20:24 - ŊWÀʼ NYÙY

²⁴ Wáa dzə e ghan se Jesus‑eè wìyìn, e yèn wón və́ lìm sìn, a bó Tomar wo vé‑eè yoŋ yír yímóʼó ji Wóné yòʼ kì dzə̀ fó. A dzə̀ sá wír fo vee nshòv sibaà e ghvə̀m vìyi.

Joon 20:24 Referans Kwoze

Joon 11:16

Tomar wo vé‑eè yoŋ yír rə́ yímóʼó ji Wóné nèn sùúy aámóʼó vee wón lìme jii, «Vèsən wáa dù rì, aá yúyrí vèsən áwune fó adzə̀m.»

Hibru 10:25

Vèsən kú a tarnín ghán sidzə̀m, e làa yòʼ a màʼày kintatì mo wír ámóʼó yii. Wìr kú a tir fə́r və, a lùmèr shilív sə́, a kuumé ji ghán se Taàtá wòsən Jesus wíy kfən si sì á fo mentsə̀m.

Joon 21:2

wón lìm Jesus ámóʼó‑oò dzə́ fo, aá dzə̀ jii, Simon Pita, wùn à Tomar wo vé‑eè yoŋ sa ji Wóné, à Nataniar wo dzəə̀n wír woó Kaana e wòŋ Galeli foo fèy, à wón Sebedi vee abàá, wùn à wón lìm Jesus ámóʼó sá abaà.

Joon 14:5

Tomar nèn shùsín jii, «Tàr, vèr yòʼ kì fo à du. A dzə̀ vèr kfə̀n kìíy dzə́ə é le?»

Matio 10:3

Filiv wùn Batolome, Tomar wùn Matio wo wù‑uù báʼti mbàm se bàràʼ, Jeem woo wan Afiyur, Taadiyor wùn

Matio 18:20

A wíri dzə̀ʼə̀m abaà, kìn ataár e mo woo Jesus yir, bo m kù dzə̀ aáwuné nsàn.»

Joon 6:70

Jesus bínér jii, «Mo m fə̀m‑eè liìn ven vee wír nshòv sibaà e ghvə̀m ji wón vém, vèn wáa kiíy ji wùmòʼ sì á wan Satan.»

Joon 6:71

A wù‑uù suuy kinyo kìn a dzə̀ e Judar woo wan Simon Iskariyor kitu. A dzə̀ wír fo vee nshòv sibaà e ghvə̀m vìyi wo wù‑uù wíy kar menàŋ e wùn bàm.