Joon 20:22 - ŊWÀʼ NYÙY

²² Wù suúy bey, e nèn yòy aáwuné wùn, e sùúy jii, «Vèn ko Kiyoy ke Ranén kí.

Joon 20:22 Referans Kwoze

Ŋwàʼ Jov 33:4

Kù‑uù bòm Kiyoy ke Nyùy mo, a m dzə̀ shó, a dzə̀ mo Ŋgaà Vitaàví yii.

Kèʼlo 2:7

Nyùy Tàr nèn ŋèʼ nsay, e fèr wír sho, e feèsí kiyoy kfə́ é yuy wo, e fíʼ yiì, é wù wáa dzə e tin. Wìr nèn a yòy, a dzə e tin.

Lim Aŋgàa Ntum 19:2

e dzə̀r aáwune jii, «Kiyoy ke Ranén kí‑iì lo wìy fo vèn é ghan se vèn‑eè wayin shilív e Nyùy wùn á?» Áwune bìnèr jii, «Vèr yòʼ‑oo yií ne yù ji kímóʼ kí dzə̀ á Kiyoy ke Ranén kí.»

Lim Aŋgàa Ntum 8:15

Áwune dù, e yèn aŋgàa biimé vee shooy, e nèn a bùnrì ji Nyùy ku tùm á Kiyoy kfə́ ke Ranén kí fo áwune,

Lim Aŋgàa Ntum 2:38

Pita bìnèr jii, «Wìr mòʼón mòʼón biner shiliv sə́, aá wáy ven é ndzəv e Jesus Kristu yir, é Nyùy laysin vinyo vén ve bi ví, e kfə̀n fò ven fómo və wo dzəə̀n Kiyoy ke Ranén kí.

Esiker 37:9

Wù nèn sùŋnín e mò, e sùúy jii, «Wàn wìr msòŋ, súŋnín e shwéri. Á suŋnín, a suúy kinyo ke Nyùy Tàr woo Taà Ndzə suuy ki. Wù suuy jii, ‹Shwer, wìyi, wìy buú se ndzə sidzə̀m, e yòy aàŋkfə vìné wùn, aá fiʼ kfə̀n a dzə atin, wír, a yiì teè rə́r.› »

Nsùyrì Nyùy 33:6

Nyùy‑iì sùŋnín suŋnín, yúví nèn a dzə e bómén, e yòŋ yòŋèn fó shuù, vifá veé yuv ví nèn a dzə.

Lim Aŋgàa Ntum 2:4

Kiyoy ke Ranén kí ku nèn wìy, e rùn aáwuné meliv, e yiì, áwune kèʼ, a suŋnín lám sé vitum jeéy jeéy.

Joon 7:39

Jesus wáa suúy kin, a wù yoŋ a dzə̀ Kiyoy ke Nyùy ke wír ve á wáy shilív e wùn wùné wíy a ker. Wáa dzə e ghan see shooy, a bó Nyùy yóʼ ne tùm Kiyoy kee shooy, bìʼ fo wù yòʼ‑oò ló ne kòʼór Jesus, wù nəə́ e wùn vikùʼùy.

Galatia 3:2

M taʼ, e dzər ven kinyo kimòʼón. Vèn kuúmé mo Kiyoy ke Ranén kí‑iì wìyìn fo vèn. Kí‑iì wìy bìʼ fo vèn‑eè lìmèn mo nsər suuyì moo bìʼ fo vèn‑eè yuun kinyo ke Jesus Kristu, e wày shilív e wun wùn á?

Lim Aŋgàa Ntum 4:8

Kiyoy ke Ranén kí rún e Pita shiliv, wù nèn bìnèr jii, «Ven vee vé saʼa wùn à vé wòŋe,

Lim Aŋgàa Ntum 10:47

«Mo Kiyoy ke Ranén kí wìyìn fo wír vìne réŋréŋ mo kí‑iì wìyìn sá fo vèsən vee wír veé Juda, a dzə̀ wìr kfə̀n shèm fo á wáy wír vìn e ndzəv á?»

Joon 15:26

«Yii bèy, Ŋgaà Sə wo m suuyì wíy wìy, a wù lò a dzə̀ fo Tàr wor, a dzə̀ Kiyoy kfə́ ke kí yii din kinyo ke dzəə̀n ke ru kí. A wíy lon mo fo Tàr wor, e bóo tum fo vèn. Wù wíy wìy, é wù fiʼti e wíri mo m dzəə̀n,

Joon 14:16

A m wíy a lon ji Tàr wor ku fò ven wùmòʼ woo Ŋgaà Sə wo vèn áwune wáa dzə ghán sidzə̀m,

Joon 16:7

A m suuy ven kinyo ke ru kí jii, lo ye m lo rə̀ne dzə̀ vishí vén ve juŋ vi. A m dzə̀ là fóo dù, bo bó yòʼ dzə̀ Ŋgaà Sə wo m kì yoŋ və̀y wìy wìy fo vèn. Kù wíy dù mo, e bóo tsənsí.

Joon 20:21

Wù nèn kfə̀n sùúy aáwune jii, «Nyaáŋ kú a dzə e věn mvəm. M sí túm ven lèn mo Tàr wor‑iì tumen sá mo.»

Joon 20:23

Vèn wíy làysìn vinyo ve wìr ve bi ví, bo Nyùy làysìn ne. Vèn maʼti, bo ví gòʼ ne e ŋgaàŋ kitu.»