Joon 20:21 - ŊWÀʼ NYÙY

²¹ Wù nèn kfə̀n sùúy aáwune jii, «Nyaáŋ kú a dzə e věn mvəm. M sí túm ven lèn mo Tàr wor‑iì tumen sá mo.»

Joon 20:21 Referans Kwoze

Joon 13:20

A m suuy e vèn rúrú jii, wìr wo wù səə́si wír wo tumen mo, ŋgaàŋ səə́si a dzə̀ mo və̀n. Wìr wáa səəsí mo, bo wù səə́si a dzə̀ ŋgaàŋ wo wù tumen mo.»

Joon 3:17

A bó Nyùy yòʼ tùm Wán və é ndzə fèn ji wù wáy wíri a dzə̀ é lòn. Wù tùm ji wù yii, é wíri luŋ.

Lim Aŋgàa Ntum 1:8

Ke vèn wáa kiíy ki dzə̀ jii, Kiyoy ke Ranén kí wíy wìy fo vèn, é wù fó ven vitaáví, é vèn wáa fìʼtì mo m dzəə̀n. A vèn wíy a fìʼtì e Jerusalem, e kfə̀n a fìʼtì woŋ wìr veé Juda e dzə̀m, a fìʼtì sa e wòŋ *Samaria, e dù, e meé fo nsay jòʼsìn.»

2 Timoti 2:2

Kú a kuumé kinyo ke wò‑oò yú, a m fiʼtì, a wíri tíy, yú anín ki. Ku lì kinyo kee shooy ki lèn, e wày e wír ámóʼó wo ve à kiìn ji dzə̀ wír vee jwáʼ, aá wáa yeʼéy sa wíri shó.

Matio 10:40

«A wìr səə́si ven, bo ŋgaàŋ səə́si a dzə̀ mo. Wìr səə́sí mo, bo wù səə̀sí a dzə̀ Tàr wor wo wù tumen mo.

Matio 10:16

«Vèn wáa kiíy jii, m tsə̀nsí ven é kwaʼ bèn, a vèn du moo njiì wo wù du, e nəə́ e nyám se bi sí wo. Kí nén a dzə jii, vèn lóo ghan, á wàa fiír moo yó si, e kfə̀n a ghan ji weè moo vibìŋ, e làa yòʼ a ŋaʼrí.

Joon 14:27

M sí du, a m wíy yiì, é melív men mè siíy a dzə nyaáŋ. Nyaáŋ və̀n dzə̀ wo fó mo, a bó yòʼ dzə̀ moo wo wù lo a dzə̀ fó ndzə fèn. Kí nén a dzə jii, lá vèn yòʼ sìíy, a rə̀m a ntéŋ, é melív men mè wáa buʼ.

Hibru 3:1

Afə̀r vem, mo vèn siìn wír Nyùy, a lì wun ven ji və́ vee wír, vèn kú a kuumé wír wo dzəə̀n Jesus. Dzə̀ wun wo Nyùy‑iì tumen, wù wáa dzə taà cù wòsən wo kuʼùn fó kinyò ke Nyùy ke vèsən tíy sho.

Joon 20:19

Yiì lòo dzə e ŋkuùr, a kù dzə̀ə́ kishiíy ké mbìy ki fó ŋgàm foo fèy, wón lìm Jesuse báʼtí é lav yìmòʼ, e fìn shúu lav, bìʼ fo vé‑eè fan vé wòŋe. Jesus nèn bvə̀y, e tìím aáwuné mvəm, e shàʼtì jii, «Nyaáŋ kú a dzə e věn mvəm.»

Ŋwàʼ Luk 24:36

Á ku lòo fèr bèy, Jesus nèn sàsìn, e bvə̀y aáwuné mvəm, e shàʼtì jii, «Nyaáŋ wáa dzə e věn mvəm.»

Joon 20:22

Wù suúy bey, e nèn yòy aáwuné wùn, e sùúy jii, «Vèn ko Kiyoy ke Ranén kí.

Joon 20:26

Ŋgàm kúm, a wón lìm Jesuse kfə̀n kì bàʼtí, a dzə e lav, a Tomar dzə̀ sá fo, a shuu se lav si dzə̀ sifinrìn. Yii bèy, Jesus ku sàsìn, e bvə̀y é lav, e tìím aáwuné nsàn, e shàʼtì jii, «Nyaáŋ kú a dzə e věn mvəm.»

Lim Aŋgàa Ntum 1:2

e meé e ghan se wù‑uù koʼon é yuv. Bo wù wáa koʼ e yuv, wù‑uù beè Kiyoy ke Ranén kí, e tìr aŋgàa ntum və́ ve wù‑uù shoʼtin.

3 Joon 1:14

M leey jii, m táv keèrí kintóʼ, e bóo wìy, é wòsò dzəʼəm fó si, é bo m fer wò vinyo vee shoon vidzə̀m.