Joon 20:20 - ŊWÀʼ NYÙY

²⁰ Wù shàʼtì bèy, e dìn wó rə́ aáwune, e kfə̀n dìn búu və́ nsaŋ. Áwune yén Tàr wov, a sheʼrí feyì.

Joon 20:20 Referans Kwoze

Joon 16:22

Dzə̀ sá réŋréŋ mo vèn sov kitú lèn, a vèn wíy a sheʼrí e ghan sé bàm sí, bìʼ fo m du bèn, e dù, e kfən. A bó yòʼ dzə̀ wìr dzəə wìy sə̀ kishéʼrì kee shooy fo vèn.

1 Joon 1:1

Kinyo ke m sáŋ fo vèn kin ki dzə̀ ké wìr wo wù‑uù siìn, é bo ndzə wìy a kèʼ, a kér wun ntum ye yì fó dzəʼə̀m yee là may. Vèr à wír ámóʼó‑oò lo yèn wun e sí yérí, vèr áwune wáa ghanén, vèr wáa kùm wun, e kfə̀n a yen vinyo ve wù‑uù yii.

Joon 20:27

Wù nèn sùúy e Tomar jii, «Wìy ri, e mùmrì wó yémé e kiwó ki, e kfə̀n lèéy mo yí dzəə̀n. Tsə́nsí kiwó ké ki, e mùmrì sa búu wóm nsaŋe, e bèr kiŋkìnèn, e biìmé ji dzə̀ rú á mo.»

Joon 16:20

M suuy e vèn rúrú jii, vèn wíy siíy, a dìy, a sòv vitú, é wír veé ndzə fène wáa sheʼrí kév sheʼrín. Yii bèy, fo bàm, é nsòvkìtu won kfə́n é kisheʼrì.

Joon 19:34

Yii bèy, wùmòʼ woo ŋgaà rə̀r tsə́nsí kòŋ, e sòv nsaŋ Jesus sho, fəə́ mensə́ wùn à mendzə́v mè.

Matio 28:8

Vikìy víyi nèn tùmnín fo kitu ke sày, aá fan fànèn, kfə̀n shéʼri kinyo kee shooy feyì. Á nèn a nyeŋ ji á du, e fìʼtì e wón lìm Jesuse.

Joon 20:25

Kibér ke wón lìm Jesus ki nèn sìíy, a fèr sho jii, «Vèr kì yèn Tàr wòsən.» Wù nèn a kìnèn jii, «A dzə̀, a bó m yén shuu se mban se vé‑eè taan é wùn wó, e mùmrì e kiwó kém kí, e kfə̀n mùmrì sa búu nsaŋ, la m yòʼ biìmé gheéy.»