Joon 20:19 - ŊWÀʼ NYÙY

¹⁹ Yiì lòo dzə e ŋkuùr, a kù dzə̀ə́ kishiíy ké mbìy ki fó ŋgàm foo fèy, wón lìm Jesuse báʼtí é lav yìmòʼ, e fìn shúu lav, bìʼ fo vé‑eè fan vé wòŋe. Jesus nèn bvə̀y, e tìím aáwuné mvəm, e shàʼtì jii, «Nyaáŋ kú a dzə e věn mvəm.»

Joon 20:19 Referans Kwoze

Joon 20:26

Ŋgàm kúm, a wón lìm Jesuse kfə̀n kì bàʼtí, a dzə e lav, a Tomar dzə̀ sá fo, a shuu se lav si dzə̀ sifinrìn. Yii bèy, Jesus ku sàsìn, e bvə̀y é lav, e tìím aáwuné nsàn, e shàʼtì jii, «Nyaáŋ kú a dzə e věn mvəm.»

Joon 14:27

M sí du, a m wíy yiì, é melív men mè siíy a dzə nyaáŋ. Nyaáŋ və̀n dzə̀ wo fó mo, a bó yòʼ dzə̀ moo wo wù lo a dzə̀ fó ndzə fèn. Kí nén a dzə jii, lá vèn yòʼ sìíy, a rə̀m a ntéŋ, é melív men mè wáa buʼ.

Joon 20:21

Wù nèn kfə̀n sùúy aáwune jii, «Nyaáŋ kú a dzə e věn mvəm. M sí túm ven lèn mo Tàr wor‑iì tumen sá mo.»

Efesor 2:14

Dzə̀ wun woo Kristu wo wù tatin vèsən adzə̀m ji wír Nyùy, á wáa dzə lèn amòʼón ji nyaáŋ, là kinyo. Yì‑iì dzə̀ fó mbìy, a bó ver vee wír veé Israyi yòʼ yén wír ámóʼó ji wír Nyùy gheéy. Kristu nèn wìy, e lì mbom wìr, e shòʼ mbàŋ ye yì‑iì jàvsìn vèsən rə̀n.

2 Tesalonika 3:16

M nén a shàʼtì ven adzə̀m, a lon jii, wun woo Taàtá wòsən Jesus wo wù fó nyaáŋ kú a yiì, é melív men mè wáa dzə a nyaáŋ, a fə̀m kooy ka. A m kfə̀n lón ji wù kú a dzə a vèn áwune ghán sidzə̀m.

Joon 7:13

A bó yòʼ‑oò dzə̀ wìr wàa binsí kinyo ke Jesus e ŋgèŋgèr, bìʼ fo vé‑eè fan vé wòŋe.

Maak 16:14

Kí wìy lòo jòʼsì, Jesus dìn kitú kfə́ e wón və́ lìm vee nshòv mòʼón e ghvə̀me adzə̀m, aá dzə́, yíkirì. Wù wáa saʼ áwune, bìʼ fo bó á yòʼ‑oò ló a biimé ji dzə̀ wù fəə̀ á fo kpu, e kfə̀n tèn fó biimé kinyo ke wìr ve vé‑eè yenen, a wù fəə́ ne fo kpu.

Ŋgaà Yen 1:4

Mo woo Joon nén a saŋ ŋwàʼ və̀n fo vèn vee vintatì vee saàmbà ve ví dzəə̀n é wòŋ woo Asia, a shàʼtì ven, a lon jii, Nyùy wo kiyoy kee saàmbàwìr ki tíy e wun shùu kàvàʼ kú a leéy fo vèn, a yiì, é melív men mè wáa dzə nyaáŋ. Dzə̀ wun woo Nyùy wo wù‑uù siìn, a wù dzə̀ lèn, a wù kù wíy a dzə.

1 Korin 15:5

Mo wù fəən fó kpu, e nèn dìn kitú kfə́ e Pita, e bóo kfə̀n dìn e ŋgaà və ŋgoo woo nshòv sibaà e ghvə̀m.

Joon 16:33

M sùúy ne vinyo e vèn, é vèn fíʼ a tiy e mǒ wùn, é melív men mè wáa dzə nyaáŋ. Vèn dzə́ e ndzə fèn lèn, a ŋgeʼ si kooy ven sinín. Yii bèy, vèn wáa wàrkìr, bìʼ fo m ghaʼan ne vitaáví vé ndzə rə̀n.»

Hibru 7:2

Wù səə̀vì bèy, Abraham nèn jàv vifá ve wù kì kuuyin fó shùu rər viy kirə́ʼ e ghvə̀m, e fò kee kimòʼón ki shó, a yír sé taà cù və̀n si din vinyo vibaà. Ké mbìy ki dzə̀ jii, wù dzə̀ fon yiì ye réŋé mo nsàv yìr rə́ yee Melkisedek‑iì dzəə̀n. Vee vibaà jii, wù kfə̀n dzə̀ sáa fon nyaáŋ, bìʼ fo wù dzəə̀n Fon woó Salem, a nsàv Salem dzə̀ ji nyaáŋ.

Filipi 1:2

Vèr nén a shàʼtì ven, a lon jii, Nyùy Tàr wùn Taàtá wòsən Jesus Kristu kú a kòŋ ven, a leéy fo vèn, a yiì, é melív men mè wáa dzə nyaáŋ.

Efesor 6:23

Afə̀r ver, vèr nén a lon jii, Nyùy Tàr wùn Taàtá wòsən Jesus Kristu ku yiì, é melív men mè wáa dzə nyaáŋ, é vèn kfə́n a kòŋnìn, a way shilív a dzə̀ e Nyùy wùn.

Ŋwàʼ woó Rom 15:33

M nén a lon jii, Nyùy wo wù yii, a melív mèsən mè dzə́ nyaáŋ kú a dzə e věn mvəm, a leéy a fo vèn. Amen.

Joon 16:22

Dzə̀ sá réŋréŋ mo vèn sov kitú lèn, a vèn wíy a sheʼrí e ghan sé bàm sí, bìʼ fo m du bèn, e dù, e kfən. A bó yòʼ dzə̀ wìr dzəə wìy sə̀ kishéʼrì kee shooy fo vèn.

Matio 18:20

A wíri dzə̀ʼə̀m abaà, kìn ataár e mo woo Jesus yir, bo m kù dzə̀ aáwuné nsàn.»

Matio 10:13

A wìr wo wù koŋ nyaáŋ dzə̀ é lav, é Nyùy ku nèn fò nyaáŋ mo vèn shàʼtìn. A bó wù yòʼ dzə̀, é Nyùy nèn siìr shaʼtì yee shooy e vèn.

Nsùyrì Nyùy 122:8

Bìʼ koŋ ye m kér fo afə́r vémé wùn aàŋgaà vém ŋgoo, m wáa bùnrì ji nyaáŋ kú a dzə e vèn veé Jerusalemé mvəm.

Joon 21:1

Wìy lòo dzə e ghan símóʼ sí, Jesus kfən dìn kitú kfə́ e wón və́ lìme, aá dzə́ e ghaa kibaŋ keé Tiberia. A kinyo ke kí‑iì kooyin kí dzə̀ jii,

Joon 21:14

Jesus dìn kitú kfə́ e wón və́ lìme é ghan sin, akàŋe nèn mèé ataár mo wù dìnèn kitú kfə́ aáwune mo wù‑uù fəən fó kpu.

Lim Aŋgàa Ntum 1:3

Wù‑uù lo yiì, áwune kiíy là méŋnín ji wun dzə̀ rú á sho e tin, bìʼ fo wù‑uù fəən fó kpu, e dzə̀ʼtì e nsay kishiíy mkweè, a dìn kitú kfə́ aáwune akàŋ anín, a fèr kinyo kee kùm sáʼ Nyùy.

3 Joon 1:14

M leey jii, m táv keèrí kintóʼ, e bóo wìy, é wòsò dzəʼəm fó si, é bo m fer wò vinyo vee shoon vidzə̀m.