Joon 20:17 - ŊWÀʼ NYÙY

¹⁷ Jesus suúy shó jii, «Lá à yòʼ a ghar mo, bìʼ fo m yóʼ ne kfə̀n fo Tàr wór wùn. Ku dù duùn, e tiìsí aàfə́r vémé ji m sí kóʼ, e yen a Tàr wor wo dzəə̀n sá Tàr wov. Dzə̀ Nyùy wom, a kfə̀n dzə̀ sá wóov.»

Joon 20:17 Referans Kwoze

Joon 16:28

Mo mò‑oò loòn fo Tàr wor, e bóo wìy e ndzə fèn, m kfə̀n sí lo fo ndzə fèn, e kfən fo Tàr wór wùn.»

1 Pita 1:3

Vèsən ku nèn a beèrì Nyùy woo Tàr à Taàtá wòsən Jesus Kristu. Wù‑uù rə̀r ne mendzən fo vèsən é ŋàŋ, e yiì, vèsən wáa dzə wír və́ bìʼ Jesus Kristu. Mo Kristu‑uù kpuun fo vèsən, e kfə̀n fəə̀ fó kpu, vèsən nén a dzə wír ve á dzəə̀n afíy. A vèsən sí dzə́ lèn, njeʼ feyì, leey a dzə̀ fó mbìy ji

Galatia 3:26

Sí kér Nyùy, bìʼ fo ven ve á wayin shilív e Jesus Kristu wùn adzə̀me siìn wón Nyùy.

Joon 17:11

Wáa dzə lèn, a m sí maʼtì ndzə rə̀n, a kfən fo wò wùn, aáwune yíi siíy kév, e gòʼ sho. Tàr, kù jòʼsì wò ji Nyùy. Kú a shìy áwune mo yír yée dzəə̀n, a dzə̀ yíwun yee yír ye wò‑oò foon sá e mò. Kú a shìy áwune, aá tátí a dzə ji kitú kimòʼón mo wòsò dzəə̀n sá ji kitú kimòʼón.

1 Joon 3:2

Ŋkàr sem, vèsən dzə̀ rú wón Nyùy lèn. A bó vèsən yóʼ ne kìíy mo vèsən wíy a dzə e ghan se sí wiyì. Ke vèsən kiìn kí dzə̀ ji Jesus wíy wìy, é vèsən wáa dzə réŋréŋ moo wun, a vèsən wíy yen rú mo wù dzəə̀n.

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

Maak 16:19

Mo Taàtá Jesus suŋnin wùn à wón və́ lìme, e màysì, Nyùy nèn lì wun e yuv. Wù kóʼ, e dzə̀ʼə̀m e Nyùy koy yìyí.

Nsùyrì Nyùy 68:18

Wù‑uù kóʼ Gwan Sion, tsəə́ne wír ve wù koorin fó kwaʼ rər. Kóʼ bèy, sə́ nshwì fo wíri, wír ve vé‑eè tsə́y kóy wùn áwune. Nyùy Tàr, wun woo Nyùy kù wíy a dzə a dzə̀ fó.

Ŋgaà Yen 21:3

M yú, a jì yìmòʼ súŋnin fo lum kàvàʼ kitávín, suuy jii, «Á yén ri lèn, Nyùy sí dzə́ wùn à wíri. Wù wíy a shiíy wùn áwune, aáwune wáa dzə wír və́. Wúnwun woo Nyùy kù sí wìy a dzə wùn áwune.

2 Korin 6:18

é m wáa dzə Tàr won, é vèn wáa dzə wón vém vee vilum wùn à vee vikìyí. Suuy mo woo Nyùy Tàr woo Ŋgaà Vitaàví Vidzə̀m.»

Ŋwàʼ woó Rom 8:29

Wù‑uù sìysì jii, wír ve wù‑uù yiìn ne kìíy ji wun wíy lì adzə̀me wíy a bìnkìr, a dzə moo Wán və, é wun woo Kristu nèn kòóy afə́r anín, a dzə ji wo mbìy.

Joon 17:25

Éè Tàr, kù yii yii wò kinyo kee réŋ, a bó wír veé ndzə fène yòʼ kì wò. Yii bèy, a mò‑oò kìíy ne wò, a wír vém víne kìíy ne rú ji mò‑oò lò ntum a dzə̀ ye.

Matio 28:7

Vèn ku nyèŋ cér, e dù, e fìʼtì e wón və́ lìme ji wù fəə̀ ne fo kpu, a wù sí du fo áwuné mbìy e Galeli, aá yíi yen wun fo. Á mo kí dzəə̀n.»

Matio 12:50

Wìr wo wù yii kinyo ke Tàr wor wo wù dzəə̀n é yuv taʼ ji wù wáa yiì, dzə̀ wo dzəə̀n jemèr yem, e kfə̀n a dzə lúmér yem, a dzə yè wor.»

Ŋgaà Yen 21:7

a sì vitsə́ʼ mo m fó e wìr dzə̀m wo wù só vinyo veé ndzə ye bi. M wíy a dzə Nyùy ŋgaàŋ, é ŋgaàŋ wáa dzə wán wom.

Hibru 8:10

Yii bèy, ghán sé mensàŋ me mvə mè si wíy shaà, é mensaŋ me m gwar vèr à wír veé Isray mè wáa dzə jii, m wíy way nsər sém aáwuné vifii, e saŋ aáwuné meliv. M wíy a dzə Nyùy wov, aáwune wáa dzə wír vém. Suuy mo woo Nyùy Tàr.

Joon 20:27

Wù nèn sùúy e Tomar jii, «Wìy ri, e mùmrì wó yémé e kiwó ki, e kfə̀n lèéy mo yí dzəə̀n. Tsə́nsí kiwó ké ki, e mùmrì sa búu wóm nsaŋe, e bèr kiŋkìnèn, e biìmé ji dzə̀ rú á mo.»

Joon 17:5

Tàr wor, ku kfə̀n fò mo vikuʼùy vém viy lèn wo m tíy e wò si və̀n, vikuʼùy ve mò‑oò sí kér wòsò, é bo ndzə wìy a dzə.

Joon 14:28

Vèn lo yù, a m suuy jii, m sí du, a m kfə̀n wíy kfən, a dzə vèsən. A vèn kì koŋ mo rú, bo vèn kì shéʼri shèʼrín mo m kfə́n a dzə̀ fo Tàr wor wo wù kér mó wùn.

Joon 14:2

Vèn wáa kiíy jii, lav si dzə̀ e Tàr wór laʼ sinín, a m du bèn a dzə̀ ji m náŋsín mbìv yìmòʼ, e lèm e vèn. A là bey, bo bó m yóʼ lò a suúy e vèn.

Joon 13:3

Jesus wáa dzə, a wù kì kijuŋ ji Tàr wov wày ne vinyo vidzə̀m a dzə̀ e wùn kiwo, a wun‑eè lò fo Nyùy, a wun sí kfə́n a dzə̀ fó,

Joon 13:1

Kishiíy ke á kì bvəə́shi, a yi *Ŋkǎʼ Yáʼayshaà ki nèn ghèén, a Jesus kiíy ne ji sì á ghán se wun sí yìi màʼtì ndzə rə̀n, e kfən fo Tàr wóv wùn. Mo wù kù‑uù sí koŋ wír ve yiì dzəə̀n və́ é ndzə fèn, wù ku nèn a kòŋ bèy, e dù, e mày.

Joon 7:33

Jesus nèn a suúy e wíri jii, «M dzəə́ yìi ndzə̀ytì vèsən fen shishàr, e nèn a kfən fo ŋgaà wo wù‑uù tumen mó wùn,

Ŋwàʼ Luk 10:4

Vèn lóo dù, lá á yòʼ lì mbàm, kìn kibam, kìn alábáʼ ámóʼó. Vèn fəə́ e dzəə, lá á yòʼ a tiím ji á shaʼtì wír.

Esiker 37:27

Kirə́ʼ kém ké dzə ki wíy a dzə aáwuné ntìntìn, é m wáa dzə Nyùy wov, aáwune wáa dzə wír vém.

Esiker 36:28

Vèn kù wíy a dzə e nsay ye mò‑oò foon áàtàr véné, a dzə wír vém, é m wáa dzə Nyùy won.

Jeremia 32:38

aáwune nèn a dzə wír vém, e m wáa dzə Nyùy wov.

Jeremia 31:33

«Yii bèy, a mensaŋ me m wíy gwàr vèr à wír veé Isray, a me mvə mè seéy ne mè dzə̀ jii, m wíy way nsər sém aáwuné vifii, e saŋ aáwuné meliv. M wíy a dzə Nyùy wov, aáwune wáa dzə wír vém. Suuy mo woo Nyùy Tàr.

Nsùyrì Nyùy 89:26

Wù wíy a neŋ e mǒ si, a kwa mo jii, ‹À dzə̀ Tàr wor, à dzə̀ Nyùy wom, dzə̀ wò Kilán ke kí kìŋsìn mo, m lúŋ.›

2 Afòn 7:9

Áwune nèn lò, a dzə̀mnìn, a suúy jii, «Kinyo ke vèsən yii kìn ki yoʼ bòŋ. Mo vèsən kooyin sáʼka wo juŋ lán bèn, a vèsən lòo dzə, a lèm ji ndzə bvəə́shí, e ràn, é bo á wáa fèr, bo ŋgeʼ si‑íì nəə́ vèsən. Vèsən du, e fìʼtì e ntoʼ.»

Matio 25:40

Á dzə́r bèy, é wun woo Fon nèn bìnèr jii, ‹Vèn‑eè yii vinyo vee shoon a dzə̀ áàfə́r vémé. Mo vèn‑eè yii aàfə́r vém víne, a ŋgaàŋ fə̀m dzə̀ ghéʼ é le, bo vèn‑eè yii a dzə̀ e mò.›

Nsùyrì Nyùy 48:14

Á mo Nyùy Sion dzəə̀n féyì feyì. Kù dzə̀ wun Nyùy wor ŋkuuŋkùŋ, a wù kù wíy a shìy ver, e dù, e jòʼsì.

Nsùyrì Nyùy 43:4

Á bèy, éè Nyùy woo Nyùy wom, é m nèn kòʼtí e wò kiy cù, a tiy e wò si, wò wo à yii shéʼer mo, a kùm lúŋ, a burí wò sho.

Nsùyrì Nyùy 22:22

M yíi a fèr kinyo ke à yii aàfə́r vémé, a burí wò e mvə̀m kintatì ke wìr Nyùy.

2 Afòn 4:29

Elisha bìnkìr, e sùúy e Gehasi jii, «Koórí ndzə̀y sé si, e kùr, e lì mbàŋ yem e wò kiwo, a dù. À tárnin vèn wìr, lá à yòʼ shàʼtì. Wìr shaʼtì wò, lá à yòʼ biìmé. Ku dù fo tìítiy, e dù, e neèr mbàŋ yem e wǎn kitu.»

Hibru 11:16

Ke kí dzəə̀n kí dzə̀ jii, áwune‑eè taʼ a dzə̀ á woŋ wo wú shaàn woo fen, a woo shooyi dzə̀ woó yuv. Mo vé‑eè sí yú a dzə̀ fo Nyùy, bo bó yòʼ‑oò dzə̀ wù wàa woomé fo áwune wáa yòŋ wun ji Nyùy wov. A dzə̀ á wàa yòŋ, bìʼ fo wù‑uù lo nàŋsín rú láʼ, e lèm aáwune.

Aysaya 41:10

Lá vèn yòʼ a fàn, m dzə̀ vèsən. Lá kindzə́m kí yòʼ a gwàr ven, m dzə̀ Nyùy won. M kù wíy a fo ven vitaáví, a sə ven. M wíy a kìŋsìn ven e vitaáví vém ve ghaʼán ví.

Maak 12:26

Mo vèn kinèn ji bó wíri yòʼ wíy fəə fo kpu, bó vèn yòʼ‑oo yií ne yòŋ kinyo ke Mooser‑iì saŋen ji Nyùy‑iì sùúy e wun fo mvə̀m və̀y wo wú‑uù shwí e kici à? Wù‑uù sùúy jii, ‹M dzə̀ Nyùy Abraham, à wo Aysi, à wo Jakov.›